Advertisements

Thursday, December 5, 2019

ALIKIBA: KWELI KARUDI MOMBASA NDOA MTIHANI, NIMECHUKUA MUDA, ABDU KASHANGAZA, MOFAYA TULISIMAMISHA.

Majina wanafunzi waliochaguliwa kujiunga kidato cha kwanza 2020 haya hapa

waliofaulu mtihani wa darasa la saba, mwananchi habari, gazeti la mwananchi,vyumba vya madarasa,Waziri Jafo,
By Habel Chidawali, Mwananchi hchidawali@mwananchi.co.tz

Dodoma. Wanafunzi 701,038 sawa na asilimia 92.27 waliofaulu mtihani wa darasa la saba mwaka 2019 wamechaguliwa kuendelea na kidato cha kwanza mwaka 2020.

Wakati hao wakipata nafasi, wenzao 58,699 hawakupata nafasi kutokana na uhaba wa vyumba vya madarasa huku ikiagizwa ujenzi wa madarasa ufanyike mapema ili waweze kuendelea na masomo.

Majina wanafunzi waliochaguliwa kujiunga kidato cha kwanza 2020 haya hapa

Oktoba 15, 2019 Baraza la Mitihani la Taifa (Necta) lilitangaza matokeo ya kumaliza elimu ya msingi mwaka 2019 ambapo asilimia 81.50 ya watahiniwa 933,369 walifaulu huku watahiniwa 909 wakifutiwa matokeo kwa sababu ya udanganyifu.

Akizungumza na waandishi wa habari leo Alhamisi Desemba 5, 2019 Waziri wa Tamisemi, Selemani Jafo amesema waliokosa nafasi wanatoka katika Mikoa 13 nchini huku Mkoa wa Kigoma ukiwa na idadi kubwa ya wanafunzi 12,092. Amesema

waliokosa nafasi ni sawa na asilimia 7.73.

“Wanafunzi 701,038 sawa na asilimia 92.27 watajiunga moja kwa moja kidato cha kwanza Januari 2020 na kati yao wanafunzi 3,145 sawa na asilimia 0.41 watajiunga na shule za bweni.”

“Kati ya waliochaguliwa kujiunga na kidato cha kwanza wavulana ni 335, 513 na wasichana ni 365, 525,” amesema Jafo.

Waziri Jafo amesema hadi Februari 2020 madarasa yawe yamekamilika ili wanafunzi wajiunge mapema shuleni.

Majina wanafunzi waliochaguliwa kujiunga kidato cha kwanza 2020 haya hapa

RC MWANRI AAGIZA UCHUNGUZI WA UJENZI WA NYUMBA YA DC KALIUA BAADA YA KUBAINI MAPUNGUFU

Viongozi wa Mkoa wa Tabora na Wilaya ya Kaliua wakiwa nje ya jengo la Makazi ya Mkuu wa Wilaya ya Kaliua wakati wa ziara yao ya kukagua miradi mbalimbali ikiwemo ujenzi huo unaoendelea.
Mkuu wa Mkoa wa Tabora Aggrey Mwanri (katikati) akitoa maelekezo kwa Watendaji na viongozi mbalimbali mara baada ya kukagua maendeleleo ya ujenzi wa nyumba ya Mkuu wa Wilaya ya Kaliua.

WAFANYABIASHARA, WAWEKEZAJI MKOANI MOROGORO WAWASILISHA CHANGAMOTO ZAO KWA MAWAZIRI.

Waziri wa Nchi Ofisi ya Waziri Mkuu (Uwekezaji) Mhe. Angellah Kairuki akiwa na Waziri wa Ardhi, Nyumba na Maendeleo ya Makazi, Mhe. William Lukuvi (wa kwanza kulia) wakiwa pamoja na Manaibu Waziri wakipata maelezo kutoka kwa Sajenti Esther Mbugura kuhusiana na vifaa vinavyotumika kwa ajili ya kuzimia moto wakati wa Mkutano wa Mashauriano baina ya Serikali, Wafanyabiashara na Wawekezaji Morogoro.
Mawaziri na Manaibu Waziri wa Wizara mbalimbali wakiwasili ukumbini kwa ajili ya Mkutano wa Mashauriano baina ya Serikali, Wafanyabiashara na Wawekezaji kwa lengo la kusikiliza changamoto zao uliofanyika katika Ukumbi wa Hoteli ya Glonency Mkoani Morogoro tarehe 12 Disemba, 2019. Kushoto ni Mkuu wa mkoa huo Mhe. Loata Ole Sanare.
Baadhi ya Watendaji wakuu wa Serikali wakiimba wimbo wa Taifa mara baada ya kuingia ukumbini kwa ajili ya Mkutano wa Mashauriano baina ya Serikali, Wafanyabiashra na Wawekezaji kwa lengo la kusikiliza changamoto zao uliofanyika katika ukumbi wa Hoteli ya Glonency mkoani Morogoro.

RAIS WA ZANZIBAR DK.SHEIN AZUNGUMZA NA KATIBU WA KAMATI KUU YA UONGOZI WA CHAMA CHA KIKOMUNISTI CHA VIETNAM IKULU ZANZIBAR LEO.NAM IKULU ZANZIBAR.

RAIS wa Zanzibar na Mwenyekiti wa Baraza la Mapinduzi Mhe.Dk. Ali Mohamed Shein, akitowa maelezo ya mlango wa Zanzibar (Zanzibar Door) kwa Katibu wa Kamati Kuu ya Uongozi wa Chama cha Kikomunisti cha Vietnam. Mhe.Pham Minh Chinh,baada ya kumaliza mazungumzo yao yaliofanyika katika ukumbi wa Ikulu Jijini Zanzibar na ( kulia) ujumbe aliofuatana nao.(Picha na Ikulu)
RAIS wa Zanzibar na Mwenyekiti wa Baraza la Mapinduzi Mhe.Dk. Ali Mohamed Shein, akisalimiana na Ujumbe alioongazana nao Katibu wa Kamati Kuu ya Uongozi wa Chama Cha Kikomunisti cha Vietnam.Mhe.Pham Minh Chinh, walipofika Ikulu Jijini Zanzibar kwa mazungumzo yaliofanyika leo 4-11-2019.(Picha na Ikulu)
RAIS wa Zanzibar na Mwenyekiti wa Baraza la Mapinduzi.MheDk.Ali Mohamed Shein, akiagana na Katibu wa Kamati Kuu ya Uongozi wa Chama cha Kikomunisti cha Vietnam.Mhe. Pham Minh Chinh, alipofika Ikulu Jijini Zanzibar kwa mazungumzo leo,4-12-2019(Picha na Ikulu)

WAKIMBIZI WAANZA KUHAKIKIWA DAR ES SALAAM


Afisa Mkuu wa Uendeshaji na Utawala wa Makambi kutoka Wizara ya Mambo ya Ndani ya Nchi, Idara ya Huduma kwa Wakimbizi, Stephen Msangi, akifafanua jambo kabla ya kuanza zoezi la uhuishaji takwimu za wakimbizi waishio Dar es Salaam jana, katika Ofisi za Shirika la Relief of Development Society (REDOSO), eneo la Biafra, Kinondoni.
Baadhi ya wakimbizi waishio Dar es Salaam wakisubiri kuhuisha takwimu zao kwenye Ofisi za Shirika la Relief of Development Society (REDOSO), eneo la Biafra, Kinondoni.
Baadhi ya wakimbizi waishio Dar es Salaam wakisubiri kuhuisha takwimu zao kwenye Ofisi za Shirika la Relief of Development Society (REDOSO), eneo la Biafra, Kinondoni.
Afisa Mkuu wa Uendeshaji na Utawala wa Makambi kutoka Wizara ya Mambo ya Ndani ya Nchi, Idara ya Huduma kwa Wakimbizi, Stephen Msangi, akizungumza jambo kabla ya kuanza zoezi la uhuishaji takwimu za wakimbizi jijini Dar es Salaam katika Ofisi za Shirika la Relief of Development Society (REDOSO), eneo la Biafra, Kinondoni. Katikati ni Mkurugenzi Msaidizi wa Uendeshaji Makambi na Makazi, Idara ya Huduma kwa Wakimbizi, Nsato Marijani na Mkurugenzi Msaidizi wa Operesheni na Usalama, Kanali Rajabu Maisha.
Mkurugenzi Msaidizi wa Uendeshaji Makambi na Makazi, Idara ya Huduma kwa Wakimbizi, Nsato Marijani (katikati), akisalimiana na Afisa Mkuu wa Uendeshaji na Utawala wa Makambi, Idara ya Huduma kwa Wakimbizi, Stephen Msangi, baada ya kufika katika Ofisi za Shirika la Relief of Development Society (REDOSO), eneo la Biafra, Kinondoni ili kusimamia uhuishaji taarifa za wakimbizi waishio Dar es Salaam. Kulia ni Mkurugenzi Msaidizi wa Operesheni na Usalama, Kanali Rajabu Maisha. (PICHA NA VERONICA MWAFISI-MOHA)

Yutong yatoa Mafunzo kwa Maafisa na Askari wa Zimamoto

Mkuu wa Kitengo cha Usalama,Majanga ya Moto na Uchunguzi Naibu Kamishna Fikiri Salla, akizungumza na Maafisa na Askari wa Jeshi la Zimamoto na Uokoaji(hawapo pichani), wakati akifungua mafunzo ya namna mifumo ya kinga na tahadhari dhidi ya moto inavyofanya kazi kwenye mabasi aina ya Yutong. Mafunzo hayo yamefanyika katika Ukumbi wa Mikutano wa Chuo cha Mipango, Jijini Dodoma yakiendeshwa na Wakufunzi kutoka Kampuni ya kutengeneza mabasi aina ya Yutong.Picha na Jeshi la Zimamoto na Uokoaji
Mkufunzi kutoka Kampuni ya Mabasi ya Yutong Lang Chang Ling akitoa ufafanuzi jinsi mifumo ya kinga na tahadhari dhidi ya moto inavyofanya kazi kwenye mabasihayo kwa Maafisa na Askari wa Jeshi la Zimamoto na Uokoaji nchini katika Ukumbi wa Mikutano wa Chuo cha Mipango, jijini Dodoma ,leo ambapo mafunzo hayo ya siku mbili yameanza.Picha na Jeshi la Zimamoto na Uokoaji

Na Mwandishi Wetu

Kampuni ya kutengeneza Mabasi aina ya Yutong imetoa mafunzo kwa

Maafisa na Askari wa Jeshi la Zimamoto na Ukoaji nchini, namna mifumo ya kinga na tahadhari dhidi ya moto inavyofanya kazi katika mabasi hayo yanayofanya safari zake mikoani na nje ya nchi ili kuweza kujikinga pindi yanapopata hitilafu na kuwaka moto lengo ikiwa ni kupunguza ajali za moto.

Mafunzo hayo ya siku mbili yanafanyika katika Ukumbi wa Mikutano wa Chuo cha Mipango, Jijini Dodoma yamefunguliwa leo na Mkuu wa Kitengo cha Usalama,Majanga ya Moto na Uchunguzi,Naibu Kamishna wa Jeshi la Zimamoto na Uokoaji,Fikiri Salla huku washiriki hao wakifundishwa nadharia na vitendo katika kudhibiti majanga ya moto na

WAZIRI SIMBACHAWENE AKUTANA NA MKUU WA SHIRIKA LA CHAKULA DUNIANI (WFP)

Waziri wa Nchi Ofisi ya Makamu wa Rais Muungano na Mazingira, Mh. George Simbachawene akizungumza na Mkuu wa Shirika la Chakula Duniani (WFP) ambaye ni pia ni Kaimu Mkurugenzi Mkazi UN Nchini Tanzania, Bwana Michael Dunford, alipomtembelea Waziri katika Ofisi yake Luthuli jijini Dar es Salaam kwa ajili ya mazungumzo kuhusiana na ushirikiano katika programu za Mazingira hususan mabadiliko ya tabia Nchi ambayo huathiri usalama wa chakula.
Waziri wa Nchi Ofisi ya Makamu wa Rais Muungano na Mazingira, Mh. George Simbachawene akifurahia jambo na Mkuu wa Shirika la Chakula Duniani (WFP) ambaye pia ni Kaimu Mkurugenzi Mkazi wa UN Nchini Tanzania, Bwana Michael Dunford alipomtembelea Ofisini kwake barabara ya Luthuli mapema hivi leo. Lengo la mazungumzo hayo ilikua ni kuhusu ushirikiano katika programu za Mazingira hususan mabadiliko ya tabianchi ambayo huathiri usalama wa chakula.

CGP KASIKE ATETA NA MAOFISA MAGEREZA WAANDAMIZI MKOANI MWANZA AWATAKA KUONGEZA UWAJIBIKAJI NDANI YA JESHI HILO

Kamishna Jenerali wa Magereza nchini, CGP - Phaustine Kasike akisalimiana na Maafisa waandamizi wa Magereza Mkoani Mwanza alipowasili leo Desemba 4, 2019 akitokea Mkoani Geita kwa shughuli za kikazi.
Kamishna Jenerali wa Magereza nchini, CGP - Phaustine Kasike akisisitiza jambo wakati akizungumza na Maafisa waandamizi wa Magereza Mkoani Mwanza alipowasili leo Desemba 4, 2019 akitokea Mkoani Geita kwa shughuli za kikazi.
Baadhi ya Maafisa Waandamizi wa Jeshi la Magereza Mkoani Mwanza wakifuatilia mazungumzo ya Kamishna Jenerali wa Magereza nchini, CGP - Phaustine Kasike(hayupo pichani) leo Desemba 4, 2019 alipowasili jijini Mwanza akitokea Mkoani Geita kwa shughuli za kikazi.

Kamishna Jenerali wa Magerezanchini, CGP - Phaustine Kasike(kushoto vazi la kiraia) akiteta jambo na Mkuu wa Magereza Mkoani Mwanza, SACP. Hamza Hamza(Picha zote na Jeshi la Magereza).

MAFINGA ACADEMY KINARA WA MAGOLI WA ASAS SUPER LEAGUE 2019/2020 MZUNGUKO WA TATU WA NANE BORA

Mwenyekiti wa chama cha mpira mkoa wa Iringa Cyprian Kuyava akiwasalimia wa wachezaji wa timu ya IUO wakati wa mchezo katika yao dhidi ya Irole fc(PICHA KUTOKA MAKTABA)
Mwenyekiti wa chama cha mpira mkoa wa Iringa Cyprian Kuyava akiongea wa wachezaji wa timu ya IUO wakati wa mchezo katika yao dhidi ya Irole fc(PICHA KUTOKA MAKTABA)

NA FREDY MGUNDA,IRINGA.

Asas Super League 2019/2020 hatua nane bora imemaliza hatua ya mzunguko wa tatu kwa timu ya mafinga academy kuongoza kundi B na Isiman Fc kuongoza kundi A huku timu ya mafinga academy wakiongoza kwa kufunga magoli kumi.

Kufuatia kutamatika kwa mzunguko wa tatu wa Asas Super League 2019/2020 kundi Alinaongozwa na timu ya Isimani fc yenye alama saba na magoli ya kufunga matano huku ikiwa imefungwa goli moja tu katika michezo mitatu ya awali.

IBADA YA SHUKURANI


Zitto Kabwe Amjibu Sumaye


KIONGOZI wa Chama cha ACT-Wazalendo, Zitto Kabwe, amesema hawajafanya mazungumzo yoyote na waziri mkuu mstaafu, Frederick Sumaye, ambaye mchana Jumatano Desemba 4, 2019 ametangaza kuwa si mwanachama wa Chadema.

Zitto ametoa maelezo hayo saa chache baada ya Sumaye kumaliza kuzungumza na waandishi wa habari na kueleza sababu za kujiondoa Chadema, moja ikiwa ni hali ya sintofahamu iliyoibuka katika uchaguzi wa uenyekiti Kanda ya Pwani ambao alipigiwa kura 48 za hapana kati ya 76.

Katika ukurasa wa mtandao wake wa kijamii wa Twitter, Zitto amesema; “Nipo Mahakamani tangu asubuhi mpaka sasa nikiendelea na kesi ya uchochezi dhidi yangu. Ninasikia tumetajwatajwa kuhusu Mzee Sumaye. Itoshe kusema kuwa Chama cha @ACTwazalendo hakina mazungumzo yeyote na Waziri Mkuu huyo Mstaafu. Nashauri apewe nafasi ya kupumzika kama alivyoomba.

Sisi kama chama tumehuzunishwa na uamuzi wa Mzee Sumaye kupumzika Siasa. Ilikuwa ni tunu katika upinzani kuwa na Waziri Mkuu Mstaafu katika ngazi zake za uongozi. Bila shaka tutachota maarifa na uzoefu wake kama mwenyewe alivyoruhusu. Chama chetu kinaheshimu na kuthamini Wastaafu.

Wednesday, December 4, 2019

TUNAPOSEMA NI BALAA UJE HATUTANII, DMV BABA LAO, MKESHA WA MWAKA MPYA PATAKUA HAPATOSHI

BREAKING: SUMAYE ATANGAZA KUJITOA CHADEMA LEO, AANIKA KASORO ZAO.

WAZIRI mkuu mstaafu, Frederick Sumaye. leo Desemba 4, 2019 ametangaza rasmi kujitoa katika Chama cha Demokrasia na Maendeleo (Chadema).

“Kuanzia leo nimejiondoa rasmi, mimi sio mwanachama tena wa Chadema, sitajiunga na chama kingine cha siasa. Sijawahi kuwa kibaraka wa chama chochote cha siasa, mnisamehe, nimewasamehe,” amesema katika mkutano na waandishi wa habari.

“Najua katika kujikosha yatakuwepo maneno kama kapewa fedha na CCM au ACT … kama nilipokuja Chadema nilipewa pesa basi na safari hii nimepewa fedha ingawa sijui na nani maana sijiungi na chama chochote.

“Kujiunga upinzani sio jambo rahisi hasa kwa mtu ambaye ulikuwa kwenye nafasi ya juu (uwaziri mkuu) baada ya kujiunga huko nilipata misukosuko, mashamba yangu yaliuzwa na hata familia yangu ilinilaumu sana lakini nilipambana na baadaye familia ikazoea

MHANDISI ACHANGIA MILIONI MOJA UJENZI WA MSIKITI KATA YA MITUNDU ITIGI SINGIDA

Mdau wa Maendeleo wa Kata ya Mitundu katika Halmashauri ya Wilaya ya Itigi, Mhandisi Felix Dagaki (katikati) akizungumza wakati akiongoza harambee ya kuchangia ujenzi wa msikiti wa Jangwani uliopo katika kata hiyo mwishoni mwa wiki.
Imam wa msikiti huo, Salehe Faida (kulia) akimkabidhi risala mgeni rasmi, Mhandisi Felix Dagaki
Mwalimu wa madrasa katika msikiti huo, Hussein Omari (kulia) akipokea fedha zilizopatikana katika harambee hiyo. Kushoto ni Imam wa Msikiti Mkuu wa Kata ya Mitundu, Mohammed Issa.
Mdau wa Maendeleo wa Kata ya Mitundu katika Halmashauri ya Wilaya ya Itigi, Mhandisi Felix Dagaki (wa tatu kulia), akiwa katika picha ya pamoja na viongozi wa dini ya kiislam. Kutoka kushoto ni Imam wa Msikiti Mkuu wa Wilaya ya Manyoni, Nawawi, Sheikh wa Kata ya Mitundu, Abdillahi Hassan, Sheikh Msaidizi wa Msikiti Mkuu wa Wilaya ya Manyoni, Sheikh Jamal na Mwalimu wa Dini Msikiti Mkuu wa Mitundu, Dkt. Salehe Pazzy.

Na Mwandishi Wetu, Singida

MDAU wa Maendeleo wa Kata ya Mitundu katika Halmashauri ya Wilaya ya Itigi mkoani Singida, Mhandisi Felix Dagaki ameongoza harambee ya kuchangia ujenzi wa msikiti wa Jangwani uliopo katika kata hiyo.

Akisoma risala mbele ya mgeni rasmi Mhandisi Dagaki, Imam wa msikiti huo, Salehe Faida alisema lengo la harambee hiyo ni kupata fedha kwa ajili ya kujenga msikiti huo.

Ubakaji, Udhalilishaji waundiwa Mkakati Maalumu Zanzibar

Naibu Waziri wa Mambo ya Ndani ya Nchi, Mhandisi Hamad Masauni akiongoza Kikao Maalumu na Viongozi wa Jeshi la Polisi Visiwani Zanzibar, ambapo kikao hicho kiliazimia kuanzishwa kwa Mkakati Maalumu wenye lengo la kupambana na Matendo ya Udhalilishaji, Ubakaji na Ulawiti visiwani humo ambapo waathirka wakubwa wa vitendo hivyo wakitajwa ni watoto huku jumla ya Kesi 280 zikiwa zimeripotiwa ndani ya mwaka huu kwa Mkoa wa Mjini Magharibi pekee.Kikao hicho kimefanyika Ofisi za Kituo cha Polisi Madema,Zanzibar.Picha na Wizara ya Mambo ya ndani ya Nchi

Na Abubakari Akida, MOHA

Katika kukabiliana na Matendo ya Udhalilishaji,Ubakaji na Ulawiti Visiwani Zanzibar, Serikali kupitia Wizara ya Mambo ya Ndani ya Nchi imeunda mkakati maalumu lengo ikiwa ni kukomesha matendo hayo ambayo yameota mizizi visiwani humo huku wengi wa waathirika wa matendo hayo wakitajwa kuwa ni watoto wadogo hali inayopelekea kupoteza nguvu kazi ya Taifa.

Akizungumza katika Ukumbi wa Polisi Madema baada ya Kikao cha Ndani na Maafisa wa Juu wa Jeshi la Polisi Visiwani humo Naibu Waziri wa Mambo ya Ndani ya Nchi, Mhandisi Hamad Masauni amesema zinahitajika juhudi za makusudi ili kuweza kukomesha vitendo hivyo ambavyo ni kinyume na maadili ya wazanzibar na watanzania kwa ujumla

“Jumla ya kesi 280 zimeripotiwa hapa tu Mkoa wa Mjini Magharibi na tatizo hili linaendelea kukua kwa kasi na inasikitisha sana, jambo hili linachafeua heshima ya nchi yetu, sasa serikali tunakuja na mkakati maalumu ikiwa ni dhamana tuliyopewa kama viongozi,tumeamua kuja na mkakati maalumu na wa kipekee wa kupambana na changamoto ya udhalilishaji,ubakaji na tunaomba mamlaka nyingine zituunge mkono katika mkakati huu sisi kama wizara kupitia Jeshi la Polisi tunaamini mapambano haya hatuwezi kufanya peke yetu..” alisema Masauni

“...pia tunaunda kikosi kazi maalumu ambacho kitaratibu mkakati huo huku kikisimamia uandaaji mafunzo kwa askari wetu hasa wapelelezi wa makosa ya udhalilishaji,kufuatilia kesi zote zilizoenda mahakamani na kuhakikisha zinaenda vizuri hatua kwa hatua,kuhakikisha kesi za udhalilishaji zinapewa kipaumbele badala ya kesi hizo kuchukua muda mrefu hali inayopelekea waathirika wa matendo hayo kukata tama na tunataka kikosi kazi hicho kiwe kiungo na mamlaka nyingine zinazoshughulika na kesi hizo.” Aliongeza Masauni

WAZIRI MKUU AAGIZA UJENZI WA MACHINJIO UKAMILIKE MWEZI HUU MWISHONI KAMA ILIVYOAMRIWA NA RAIS MAGUFULI


NA OWM, DAR ES SALAAM
WAZIRI MKUU Kassim Majaliwa amemtaka mkandarasi anayejenga machinjio ya kisasa ya Vingunguti jijini Dar es Salaam ahakikishe kwamba anakamilisha ujenzi huo mwishoni mwa mwezi huu kama alivyoamriwa na Rais Dkt. John Pombe Magufuli.
Akizungumza mara baada ya kukagua ujenzi huo leo (Jumanne, Desemba 3, 2019), Mheshimiwa Majaliwa amesema amefurahishwa na hatua ya mkandarasi huyo ambaye ni Shirika la Nyumba la Taifa (NHC) ya kuongeza idadi ya watalaam na mafundi ili kuhakikisha kwamba kazi hiyo inafanyika haraka na kukamilika kwa wakati ulioamriwa na Rais Magufuli yaani Desemba 30, mwaka huu.

Amesema amefurahi pia kuona kwamba mkandarasi huyo ameamua kufanya kazi usiku na mchana, hatua ambayo imeongeza kasi ya ujenzi huo na anaamini kuwa kazi hiyo itakamilika kwa wakati.
Mheshimiwa Majaliwa amemtaka Mshauri Mwelekezi wa mradi huo ambaye ni M/SCONS AFRIKA LIMITED na FB Consultant wa Dar es Salaam asimamamie kwa karibu ili kujiridhisha kuwa maelekezo yote yaliyopo kwenye michoro ya ujenzi huo yanazingatiwa na mkandarasi.
Amesema Serikali imeamua kujenga machinjio hayo ya kisasa ya Vingunguti baada ya kugundua kwamba wafanyabiashara wa mifugo na mazao yake katika machinjio hayo, walikuwa wakifanya kazi zao kwenye mazingira duni na kwamba nyama iliyokuwa ikitoka kwenye machinjio hayo ilikuwa haikubaliki kwenye soko la nje ya nchi.

“Uamuazi wa Serikali kujenga machinjio haya, utaifanya nyama inayotoka hapa ikubalike kwenye masoko ya nje ya nchi, hatua ambayo itaongeza mzunguko wa fedha kwenye eneo hili wakati Serikali na Manispaa watanufaika kwani kutakuwa na ongezeko la makusanyo ya kodi,” aliongeza Mheshimiwa Majaliwa.
Waziri Mkuu pia ameuagiza uongozi wa Mkoa wa Dar es Salaam pamoja na Manispaa ya Ilala wafanye mazungumzo na uongozi wa Shirika la Reli Tanzania (TRC) ili ijengwe reli ya mchepuko kutoka reli ya kati kwenda kwenye machinjio ya Vingunguti ili mifugo iingizwe moja kwa moja kwenye machinjio hayo badala ya kuteremshiwa Pugu halafu ikapelekwa kwa magari.

MADAKTARI BINGWA WA WATOTO WA TAASISI YA MOYO JAKAYA KIKWETE (JKCI) KWA KUSHIRIKIANA NA PROF. PAN XIANG BIN KUTOKA CHINA

Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Naiz Majani na wenzake kutoka Jamhuri ya watu wa China wakimpima mtoto kipimo cha kuangalia jinsi moyo unavyofanya kazi (Echo Cardiogram) kabla ya kumfanyia upasuaji mdogo wa kuziba tundu la moyo kupitia mshipa wa damu wa kwenye paja kwa kutumia mashine ya (ECHO machine) bila ya kutumia mionzi (Transthoracic Echocardiography – TTE). Mara nyingi upasuaji huo hufanyika kwa njia ya mionzi kwa kutumia mtambo wa Cathlab (Catheterization Laboratory).
Daktari bingwa wa magonjwa ya moyo kwa watoto kutoka Jamhuri ya watu wa China Prof. PAN Xiang Bin akimfanyia mtoto mwenye umri wa miaka minne ambaye amelazwa katika Taasisi ya Moyo Jakaya Kikwete (JKCI) upasuaji mdogo wa kuziba tundu la moyo bila kufungua kifua kupitia mshipa wa damu wa kwenye paja kwa kutumia mashine ya kipimo cha kuangalia jinsi moyo unavyofanya kazi (ECHO machine) bila ya kutumia mionzi (Transthoracic Echocardiography – TTE). Mara nyingi upasuaji huo hufanyika kwa njia ya mionzi kwa kutumia mtambo wa Cathlab (Catheterization Laboratory).
Madaktari na wauguzi wa Taasisi ya Moyo Jakaya Kikwete (JKCI) na wenzao kutoka Jamhuri ya Watu wa China wakiwa katika picha ya pamoja mara baada ya kumfanyia mtoto upasuaji mdogo wa kuziba tundu la moyo bila kufungua kifua kupitia mshipa wa damu wa kwenye paja kwa kutumia mashine ya kipimo cha kuangalia jinsi moyo unavyofanya kazi (ECHO machine) bila ya kutumia mionzi (Transthoracic Echocardiography – TTE). Mara nyingi upasuaji huo hufanyika kwa njia ya mionzi kwa kutumia mtambo wa Cathlab (Catheterization Laboratory).(Picha na JKCI).

WAZIRI MGUMBA ATAKA MITAALA FANI ZA KILIMO IBORESHWE KUWEZESHA WAHITIMU KUPATA UZOEFU KWANZA KABLA YA AJIRA

Naibu Waziri wa Kilimo Omary Mgumba akizungumza na wakulima (hawapo pichani) wanaotekeleza kilimo cha umwagiliaji kwenye bonde la Kinyeto Ntambuko Singida vijijini.
Naibu Waziri wa Kilimo Omary Mgumba akikagua bonde la Ntambuko lililopo kijiji cha Kinyeto wakati wa ziara yake ya kikazi mkoani Singida.
Naibu Waziri wa Kilimo Omary Mgumba akizungumza na wakulima (hawapo pichani) wanaotekeleza kilimo cha umwagiliaji kwenye bonde la Kinyeto Ntambuko Singida vijijini.

PSPTB YAAGIZWA KUWACHUKULIA HATUA WANUNUZI WALIOKWENDA KINYUME NA MAADILI

Naibu Waziri wa Fedha na Mipango Mhe. Dkt. Ashatu Kijaji akizungumza wakati akifungua Kongamano la Kumi la Waatalamu wa Ununuzi na Ugavi (PSPTB), ambapo aliagiza wachukuliwe hatua wale wote waliopelekwa kwenye Baraza la Maadili kulingana na uzito wa makossa yao ili taaluma hiyo iendelee kufanya kazi kwa weledi, Jijini Dodoma.
Mhandisi Stephen Manda kutoka Shirika la Umeme (TANESCO), akipokea tuzo ya Udhamini kwa niaba ya Shirika hilo katika Kongamano la Kumi la Wataalamu wa Ununuzi na Ugavi (PSPSTB), mkutano huo wa siku tatu umehudhururiwa na Watu kutoka Tanzania Bara na Visiwani Jijini Dodoma.

Na Peter Haule na Josephine Majura, WFM, Dodoma

Naibu Waziri wa Fedha na Mipango Dkt. Ashatu Kijaji, ameiagiza Bodi ya Manunuzi na Ugavi kuwachukulia hatua waliopelekwa kwenye baraza la maadili kulingana na uzito wa makosa yao ili taaluma hiyo iendelee kufanya kazi kwa weledi bila rushwa.

Agizo hilo limetolewa Jijini Dodoma wakati wa mkutano wa 10 wa Wataalamu wa Ununuzi na ugavi kutoka maeneo mbalibali nchini.

Dkt. Kijaji alisema kuwa, kuna ununuzi usiozingatia sheria na kanuni na kusababisha kununua bidhaa zilizo chini ya kiwango, ununuzi hewa wa huduma na bidhaa na kutokuwepo kwa kumbukumbu za ununuzi na mikataba hewa licha ya uwepo wa wataalam hao.

DKT. ABBASI AWAPIGA MSASA MAAFISA HABARI UANDAAJI WA TAARIFA KWA UMMA

Mkurugenzi wa Idara ya Habari – MAELEZO na Msemaji Mkuu wa Serikali, Dkt. Hassan Abbasi akiwasilisha mada kuhusu uandaaji wa taarifa kwa umma wakati wa mafunzo kwa Maafisa Habari na Mawasiliano wa Serikali Jijini Dodoma leo tarehe 3 Desemba 2019. Mafunzo hayo yanafanyika ikiwa ni awamu ya pili kufanyika yameandaliwa kwa ushirikiano baina ya Idara ya Habari – MAELEZO na Chama cha Maafisa Habari na Mawasiliano wa Serikali (TAGCO). Majadiliano ya vikundi Baadhi ya Maafisa wakifanya mazoezi kwa vitendo ya namna ya uandishi wa Taarifa kwa Umma/Vyombo vya Habari wakati wa mafunzo ya Mawasiliano ya Kimkakati kwa Maafisa Habari kutoka wizara, taasisi, mashirika ya umma na halmashauri nchini leo tarehe 03 Desemba 2019 Jijini Dodoma. Mafunzo hayo yanafanyika ikiwa ni awamu ya pili kufanyika yameandaliwa kwa ushirikiano baina ya Idara ya Habari – MAELEZO na Chama cha Maafisa Habari na Mawasiliano wa Serikali (TAGCO). Afisa Uhusiano wa Mamlaka ya Wanyamapori Tanzania (TAWA), Bw. Twaha Twaibu akichangia mada wakati wa mafunzo ya Mawasiliano ya Kimkakati kwa Maafisa Habari kutoka wizara, taasisi, mashirika ya umma na halmashauri nchini leo tarehe 03 Desemba 2019 Jijini Dodoma. Mafunzo hayo yanafanyika ikiwa ni awamu ya pili kufanyika yameandaliwa kwa ushirikiano baina ya Idara ya Habari – MAELEZO na Chama cha Maafisa Habari na Mawasiliano wa Serikali (TAGCO). Mjumbe wa kamati tendaji ya Chama cha Maafisa Habari na Mawasiliano wa Serikali (TAGCO), Bw. Innocent Byarugaba akiwaongoza Maafisa Habari kumpongeza Mkurugenzi wa Idara ya Habari – MAELEZO na Msemaji Mkuu wa Serikali, Dkt. Hassan Abbasi (mwenye suti nyeusi) mara baada ya kumaliza kuwasilisha mada kuhusu uandaaji wa taarifa kwa umma/vyombo vy habari wakati wa mafunzo ya Mawasiliano ya Kimkakati Maafisa hao leo tarehe 03 Desemba 2019 Jijini Dodoma.Kulia ni Katibu Mtendaji wa TAGCO, Bw. Abdul Njaidi. Mafunzo hayo yanafanyika ikiwa ni awamu ya pili kufanyika yameandaliwa kwa ushirikiano baina ya Idara ya Habari – MAELEZO na Chama cha Maafisa Habari na Mawasiliano wa Serikali (TAGCO). (Picha zote na: Idara ya Habari – MAELEZO)

WATAALAMU WA MAABARA WAIPONGEZA SERIKALI KWA KUBORESHA MAABARA NCHINI

Wataalamu wa maabara nchini kutoka sekta ya Afya ya binadamu, Afya ya wanyamapori, mifugo na mazingira wameipongeza serikali ya awam ya tano kwa jitihada zake za kuboresha maabara za sekta hizo kwa kuziwezesha kuwa na vitenganishi, vifaa vya kisasa, teknolojia na kuwajengea ujuzi wataalam hao ili kuweza kufanya utambuzi na uchunguzi ndani ya maabara.

Akiongea wakati wa mkutano wa mwaka wa Mtandao wa wataalam wa maabara nchini (LABSNET),Jijini Arusha, Mtendaji Mkuu wa Wakala wa Maabara ya Vetenari Tanzania, Dkt. Furaha Mramba amefafanua kuwa kutokana na jitihada za serikali katika kuimarisha kuboresha utendaji wa maabara nchini, tayari maabara za hapa nchini zinao uwezo wa kutambua magonjwa yote yanayowapata mifugo lakini pia na magonjwa yanayowapata binadamu.

“Zamani tulikuwa tunapeleka sampuli nje ya nchi hususani katika nchi ya Kenya na katika nchi ya Afrika kusini, lakini miaka ya hivi karibuni kutokana na kazi nzuri iliyofanywa na serikali katika kuboresha utendaji wa maabara tulizonazo, tayari tunazo maabara za rufaa ambazo zinauwezo mkubwa wa kufanya utambuzi na uchunguzi wa magonjwa” Amesisitiza Dkt. Mramba.

Dkt. Mramba ameongeza kuwa lengo la kukutana kwa wataalam wa maabara nchini kutoka katika sekta zote za Afya ni kujadiliana na kuona mbinu bora za kufanya uchunguzi na kutambua kwa wepesi na kwa haraka magonjwa kabla hayajaleta madhara makubwa kwa mifugo na binadamu. Amefafanua kuwa katika mkutano huo wameshiriki wadau wa maendeleo katika sekta ya maabara kutoko Marekani na Finland.

“Tunapokutana na wadau hawa ambao hutufundisha teknolojia za kisasa za maabara na hutupatia vifaa vyenye uwezo mkubwa wa utambuzi wanaweza kujua ni teknnolojia gani tunaihitaji kwa sasa na maabara gani zinahitaji kujengewa uwezo katika uchunguzi na utambuzi. Wadau hawa kwa jinsi wanavyo unga juhudi za serikali ndio maana sekta ya maabara hapa nchini imekuwa bora” Amesema Dkt. Mramba.

Kwa upande wake Mratibu kutoka Finland wa Mradi unaotekelezwa hapa nchini wa Kuimarisha Afya na Usalama katika Maabara kwa kujenga uwezo wa Utambuzi, Dkt.Lina Voutilainen, amebainisha kuwa wamekuwa wakiunga mkono juhudi za Serikali ya Tanzania katika kuboresha utendaji wa maabara nchini kupitia Wakala wa Maabara ya Vetenari Tanzania kwa kuwajengea uwezo wataalam wa maabara na kuwapatia vifaa vyenye uwezo mkubwa wa utambuzi na uchunguzi wa magonjwa.

“Tayari kupitia Wakala wa Maabara ya Vetenari Tanzania tumetoa vifaa sita vya QPCR vinavyohamishika kwa maabara zake za kanda ya Mwanza, Arusha na Iringa, Tutaendelea kutoa vifaa hivyo vya kisasa na vitenganishi pamoja na kuendelea kuwajengea uwezo wataalam wa maabara katika kipindi tutakachotekeleza mradi huu hadi 2023 ” Amesisitiza Voutilainen

Naye, Mkurugenzi Msaidizi wa Huduma za Uchunguzi, kutoka Wizara ya Afya, Maendeleo ya Jamii, Jinsia, Wazee na Watoto, Dkt. Alex Magesa, amefafanua kuwa katika kuhimarisha Huduma za uchunguzi imebainika kuwa usugu wa vimelea dhidi ya dawa ni changamoto kubwa hivyo tayari serikali imeandaa mpango mkakati wa kukabiliana na changamoto hiyo ambapo wafamasia na wanafuzi na jamii kwa ujumla wanahusishwa katika kukabili changamoto hiyo.

Mkutano huo ulioratibiwa na Ofisi ya Waziri Mkuu, Kupitia Dawati la Uratibu wa Afya moja, uliwakutanisha wataalam wa maabara hao kwa kuzingatia dhana ya Afya moja ambayo ni wataalam wa maabara kutoka sekta ya Afya ya binadamu, Afya ya wanyamapori na mifugo pamoja na mazingira
Mtendaji Mkuu wa Wakala wa Maabara ya Vetenari Tanzania, Dkt. Furaha Mramba akifafanua umuhimu wa kuwa na maabara zenye uwezo wa uchunguzi na utambuzi wakati wa mkutano wa mwaka kwa wataalam wa maabara waliokutana kwa kutumia dhana ya Afya moja inayojumuisha sekta za Afya ya Binadamu , Wanyamapori, Mifugo na mazingira, jijini Arusha.
Mratibu wa Mradi wa Kuwezesha Maabara nchini kutoka Finland, Dkt. Mika Aho , akifafanua umuhimu wa mradi huo katika kuimarisha maabara kwenye uchunguzi na utambuzi wakati wa mkutano wa mwaka kwa wataalam wa maabara waliokutana kwa kutumia dhana ya Afya moja inayojumuisha sekta za Afya ya Binadamu , Wanyamapori, Mifugo na mazingira, jijini Arusha.
Baadhi ya Wataalam wa Maabara kutoka nchin Marekani na Kutoka hapa nchini wakifuatilia mkutano wa mwaka kwa wataalam wa maabara waliokutana kwa kutumia adhana ya Afya moja inayojumuisha sekta za Afya ya Binadamu , Wanyamapori, Mifugo na mazingira, jijini Arusha.