I-VIEW STUDIOS KUSIMAMIA KAZI ZA DIAMOND PLATNUMZ

 Mkurugenzi wa  kampuni ya 1-view studios, Raqey Mohammed akibadilishana mkataba na msanii Diamond Platnums baada ya kusaini. Wanaoshuhudia ni mwanasheria wa Diamond, Paul Mgaya, mwanasheria wa I-view studios Dr. Peter Aringo na mkurugenzi wa  One Touch solutions Peter Mwendapole.

Mkurugenzi wa kampuni I-view studios, Raqey Mohammed (kushoto) na msanii Diamond platnums wakisahini mkataba wa kufanya kazi pamoja. Wanaoshuhudia na mwanasheria wa Diamond Paul Mgaya na mwanasheria wa I-view studios Dr. Peter Aringo na mkurugenzi wa One Touch Solutions Peter Mwendapole.

MSANII wa kimataifa wa Tanzania, Naseeb Abdul aka Diamond Platnums ameingia mkataba na kampuni ya I-view studios ili wasimamie kazi zake kwa kipindi cha miaka miwili. Mkurugezi wa kampuni ya One Touch Solutions ya jijini Dar-ES-Salaam, Peter Mwendapole amesema I-view itasimamia mikataba ya kazi zote za msanii huyo na kwa yeyote anayetaka kufanya kazi na Diamond kwa sasa itambidi awasiliane na I-view. Diamond ameamua kufanya kazi zake kimataifa, na ameingia mkataba na I-view na wao ndio watakaosimamia kazi zake zote kama maonyesho, matangazo ya nyimbo zake kwenye simu, means ring tones mavazi na vitu vyote vinavyohusiana na yeye unahitajika kuwasiliana na I-view amesema. Mwendapole alisema pamoja na maonyesho, lakini pia I-view itawajibika katika muonekano mpya wa msanii huyo ambae kwa sasa anatamba ndani na nje ya Tanzania. One Touch Solutions ndiyo watakuwa wasemaji wa msanii huyo kwa sasa. Diamond kwa upande wake alisema "nataka kufungua ukurasa mpya katika tasinia ya muziki nchini, na anaamini itamsaidia kufanya kazi zake kwa nguvu zaidi na kutunga na kutengeneza nyimbo zake. Hii yote ni kuhakikisha nafanya kazi zangu kwa ufanisi zaidi kuliko kujirundikia mambo mengi. Kuna watu walikuwa wananitafuta lakini sasa wanajua wapi kwa kunipata kwani watajua ofisi zipo wapi na watawasiliana na menejimenti na kupata majibu. Na watu wa habari watakuwa na mtu wakuwasiliana nae hata kama sipatikani alisema". Diamond anatarajia kutoa wimbo wake mpya ambao utarekodiwa na I-view. Tayari usahili umeshafanyika kwa ajili ya wale watakaoonekana katika video ya wimbo huo. I-view mbali na kazi za kupiga picha, lakini pia inangeneza matangazo mbalimbali ya Radio, TV na mabango ya ubunifu wa  kazi mbali mbali za wasanii.