YAMOTO NA SKYLIGHT BAND ZAFANYA KUFURU DAR LIVE

Mwanadada Aneth Kushaba wa Skylight Band akiwapagawisha mashabiki wa Dar Live.

Yamoto Band chini ya Prezidaa wake, Dodo Aslay (wa pili kulia) wakifanya yao stejini.

Wanamuziki wa Skylight Band wakilishambulia jukwaa la kupanda na kushuka la Dar Live.

Yamoto Band wakizidi kuzikonga nyoyo za mashabiki.

Skylight wakizidi kutoa burudani kwa mashabiki wa Dar Live.

Prezidaa wa Yamoto Band, Dodo Aslay akipagawisha stejini.

Mcharaza gitaa wa Skylight akiwa kazini.

Skylight Band ikizidi kuwapa raha mashabiki.

Aneth Kushaba akionyesha mbwembwe zake.

Mpiga drums wa Skylight akionyesha ujuzi wake.

Kundi la Majamaa kutoka Sinza likimwaga burudani kwa mashabiki wakati wa shoo hiyo.

BENDI zinazokuja kasi hapa nchini, Yamoto inayoundwa na kundi la vijana wenye vipaji vipya na Skylight usiku wa kuamkia leo zimefanya kufuru ndani ya Uwanja wa Taifa wa Burudani wa Dar Live katika uzinduzi wa video zao mbili 'Najuta' ya Yamoto Band na 'Pasua twende’ ya Skylight.

Kabla ya uzinduzi huo uliohudhuriwa na umati wa mashabiki ndani ya ukumbi huo, Skylight ikiwa na wakongwe wa muziki wa dansi kama Juniko Flower na mwanadada anayetisha katika idara ya kuimba na kunengua na kuwafanya mashabiki muda wote kuvamia jukwaa, Aneth Kushaba walifanya makamuzi ya kufa mtu.

Wakali hao ambao walikuwa hawajawahi kupiga shoo ndani ya Dar Live wakiwa na bendi hizo walitoa radha mpya ambayo ilikuwa haijawahi kupatikana.

Wakati Skylight wakiwa kwenye mapumziko mafupi vijana wanaotishia bendi kongwe za hapa nchini, Yamoto Band chini ya Prezidaa wake, Dodo Aslay walivamia jukwaa na kudhihirisha kuwa wamekuja kuushika muziki wa dansi hapa nchini.

Vijana hao waliwapagawisha mashabiki kwa nyimbo zao mbalimbali kama vile Yamoto, Birthday na nyingine kibao.

(Picha / Habari: Richard Bukos / GPL)