MAANDAMANO YA WANAHABARI YA KUMBUKUMBU YA MAREHEMU DAUDI MWANGOSI YAFANYIKA LEO IRINGA

 Wanahabari  wa  vyombo  mbali mbali na  wadau  wa habari  mkoa  wa  Iringa  wakiwa katika  maandamano ya amani ya  kumuenzi  aliyekuwa mwenyekiti  wa klabu ya  waandishi  wa  habari  mkoa  wa Iringa (IPC) leo

 Maandamano  ya  wanahabari na  wadau  wa  habari yakipita  eneo la soko kuu la manispaa ya  Iringa

 katibu  wa IPC  Francis  Godwin  akiongoza  maandamano ya  wanahabari na  wadau huku akiwa  juu ya gari na picha ya marehemu Daudi Mwangosi

 Wanahabari  Iringa katika maandamano ya  kumuenzi  marehemu  Mwangosi  leo

 Maandamano ya  wanahabari  na  wadau  wa habari  mkoa wa Iringa ya  kumuenzi marehemu Daudi Mwangosi  yakipita  eneo ya  uhindini 

(picha na habari kwa hisani ya Francis Godwin.)

kwa picha zaidi bofya soma zaidi

 Wananchi  wakishuhudia maandamano  hayo  leo

 katibu  mtendaji  wa IPC  Francis  Godwin akitoa taarifa ya  kuanza kwa maandamano ya kumuenzi marehemu Daudi Mwangosi leo

 Katibu  wa  IPC Francis  Godwin mwenye pama akikabidhi maandamano ya  mwenyekiti  wa IPC Frank Leonard na  wadau  wengine  eneo la Maktaba ya  mkoa wa Iringa

 Katibu  wa  IPC  FrancisGodwin kushoto akikabidhi picha ya marehdemu Daudi Mwangosi kwa  mwenyekiti  wa IPC  Frank Leonard kulia,wanaoshuhudia ni mzee  Fulgence  Malangalila  na Majid Mjengwa

 Mwenyekiti wa  IPC Frank Leonard  kushoto akikabidhi  picha ya  Mwangosi kwa mwasisi  wa IPC mzee Fulgence Malangalila

Viongozi  wa  IPC kutoka  kulia Francis Godwin katibu  na Frank Leonard  mwenyekiti na mwakilishi  wa wananchi 

Na Francis Godwin
MAANDAMANO ya wanahabari mkoa wa Iringa kwa ajili ya kumbukumbu ya mwaka mmoja ya kifo cha aliyekuwa mwenyekiti wa klabu ya waandishi wa habari mkoa wa Iringa (IPC) na mwandishi wa Chanel Ten Marehemu Daudi Mwangosi yatikisa mji wa Iringa leo
Maandamano hayo ambayo yameanza majira ya saa 4 asubuhi katika viwanja vya bustani ya Manispaa ya Iringa yamepita kuzungu kakatika maeneo mbali mbali ya mji wa Iringa kabla ya kupokelewa na mwenyekiti wa IPC Frank Leonard katika ukumbi wa maktaba ya mkoa kwa mkutano wa wadau wa habari.
Maandamano hayo yamepita maeneo mbalimbali ikiwa ni pamoja na eneo la Uhindini , Mashine tatu, Soko kuu na stendi kuu ya mabasi ya mikoani wananchi walilazimika kusitisha shughuli zao kushuhudia maandamano hayo ambayo yaliongozwa na askari wa usalama barabarani.

Akizungumza baada ya kupokea maandamano hayo ,mwenyekiti wa IPC Bw Leonard alisema kuwa lengo la maandamano hayo ni kumkumbuka Mwangosi pamoja na kutazama changamoto mbali mbali ambazo wanahabari wamekuwa wakikabiliana.

Alisema kuwa hakuna mtanzania asiyetambua mchango wa Mwangosi katika uhai wake na kuwa kutokana na mchango wake umoja wa vilabu vya waandishi wa habari Tanzania (UTPC) umeanzisha tuzo maalum kwa wanahabari itakayopewa jina la Daudi Mwangosi na mshindi atapewa kiasi cha Tsh milioni 10.

Alisema tuzo hiyo itakuwa ikitolewa kila mwaka na UTPC na ili mwanahabari aweze kushinda tuzo hiyo ,lazima apitie katika misuko suko katika kazi hiyo ,pia wale watakaopigania maslahi yao na fisa nyingine nyingi.
Hivyo aliwataka wanahabari wanachama wa Vilabu vya wanahabari na wale wasio wanachama ambao wanafanya kazi Tanzania kujitokeza kuchangamkia tuzo hiyo.
Mbali hilo aliwataka wanahabari kuendelea kuzingatia maadili yao ya kazi hiyo ili kuongeza imani kwa watanzania .Alisema kuwa wapo wanahabari watafanya watazingatia maadili ya uandishi Taifa linaweza kupiga hatua katika maendeleo.
Wakati huo huo IPC imetoa mikopo ya zaidi ya Tsh 500,000 kwa wanachama wake ili kuwawezesha kuboresha zaidi shughuli zao kwa kununua vifaa vya kazi.
Marehemu Mwangosi aliuwawa na polisi septemba 2 mwaka 2012 katika kijiji cha Nyololo wilaya ya Mufindi wakati wa ufunguzi wa tawi la Chadema kijiji cha Nyololo.