TANZANIA KUPOKEA NCHI ZA AFRIKA, KUJIFUNZA UBORESHAJI WA HUDUMA ZA AFYA YA MAMA NA MTOTO

Tanzania inatarajia kupokea wageni kutoka nchi mbalimbali za Afrika watakaotembelea nchini kwa lengo la kujifunza kwa vitendo uzoefu na mikakati inayotumika kuimarisha huduma za afya ya uzazi, mama na mtoto, kupitia uwekezaji katika miundombinu, rasilimali watu na mafunzo kwa wataalamu wa sekta ya afya.

Hatua hiyo inalenga kutumia uzoefu wa Tanzania katika kuboresha huduma za afya ya mama na mtoto kuwa mfano wa kujifunza kwa mataifa mengine ya Afrika, hususan katika kuimarisha huduma hizo na kupunguza vifo vinavyoweza kuzuilika vya kina mama na watoto wachanga.

Akizungumza Novemba 13, 2026, wakati wa ziara katika Hospitali ya Wilaya ya Katoro, mkoani Geita, Mshauri wa Rais wa Masuala ya Afya ya Uzazi, Mama na Mtoto na Mkuu wa Sekretarieti ya Kinara wa Umoja wa Afrika (AU) wa Masuala ya Afya ya Uzazi, Mama na Mtoto, Mhe. Ummy Mwalimu, amesema Sekretarieti inatarajia kupokea wageni kutoka mataifa mbalimbali ya Afrika watakaotembelea Tanzania kwa lengo la kujifunza kwa vitendo kuhusu uwekezaji katika sekta ya afya, hususan katika kuboresha huduma za afya ya uzazi, mama na mtoto.

“Rais wa Jamhuri ya Muungano wa Tanzania, Mhe. Dkt. Samia Suluhu Hassan, ambaye ni Kinara wa AU wa Masuala ya Afya ya Uzazi, Mama na Mtoto, amedhamiria kuendeleza uwekezaji katika afya ya mama na mtoto barani Afrika. Hivi karibuni tutaanza kupokea wageni kutoka mataifa mbalimbali barani Afrika kuja kujifunza namna Tanzania ilivyopiga hatua katika kuboresha huduma, ili waweze kuchukua uzoefu huo na kwenda kuutumia katika nchi zao,” amesema Mhe. Ummy Mwalimu.

Amesema ziara yake katika Hospitali ya Wilaya ya Katoro imelenga kuona maendeleo ya ujenzi wa wodi maalumu ya watoto wachanga sambamba na kujionea namna huduma hizo zinavyotolewa ili kutumia uzoefu huo kuhamasisha na kusaidia nchi nyingine za Afrika kuimarisha huduma hizo. Katika ziara hiyo, Mhe. Ummy amepokea taarifa ya ujenzi wa wodi maalumu ya watoto wachanga ambao umefikia asilimia 60 ya ujenzi.

Kwa upande wake, Mganga Mkuu wa Mkoa wa Geita, Dkt. Omari Sukari, amesema mkoa huo umepiga hatua katika kuboresha huduma za afya ya uzazi, mama na mtoto, ambapo vituo vinavyotoa huduma za upasuaji wa dharura vimeongezeka kutoka 18 mwaka 2021 hadi 35 kwa sasa huku zaidi ya vituo 61 vya kutolea huduma za afya vimeongezeka katika kipindi cha miaka mitano, hatua iliyosaidia kusogeza huduma karibu zaidi na wananchi.

“Hospitali ya Wilaya ya Katoro ina jengo maalumu lenye uwezo wa kuhudumia zaidi ya watoto 60, huku jengo jingine linalojengwa katika ngazi ya mkoa likitarajiwa kuwa na uwezo wa kuhudumia zaidi ya watoto 160” amesema Dkt. Sukari.

Ameongeza kuwa hospitali hiyo imeimarisha rasilimali watu kutoka watumishi wasiopungua 30 ilipoanza kutoa huduma hadi kufikia watumishi 72 kwa sasa, wakiwemo wataalamu zaidi ya 40, huku watumishi wengine 20 wakiongezwa ili kuimarisha utoaji wa huduma.

Dkt. Sukari ameishukuru Serikali na Doris Mollel Foundation kwa kushirikiana katika uwekezaji wa miundombinu maalumu ya kuwahudumia watoto wachanga, akisisitiza kuwa mkoa utaendelea kuhakikisha majengo hayo yanakuwa na watumishi wa kutosha, vifaa tiba na yanatunzwa vizuri ili wananchi wanufaike na huduma bora.

TWENZETU KILELENI 2026 ~ SEASON 5

 *

As Tanzania celebrates 65 years of Independence, Tanzania National Parks (TANAPA) invites you to join the Fifth Edition of the Twenzetu Kileleni Campaign and be part of an extraordinary journey to the summit of Mount Kilimanjaro, the roof of Africa.

Challenge yourself, discover the Mount Kilimanjaro breathtaking landscapes and celebrate our national pride through an unforgettable climbing experience.

Let’s Climb Together for our health and our heritage

#TanzaniaParks #MountKilimanjaro #TanzaniaUnforgettable #TANAPAGoApp #65yrsIndependence

POSTA YATOA MAFUNZO YA HUDUMA KWA WATEJA NA MAWASILIANO

Mkuu wa Kitengo cha Mahusiano, Huduma kwa Wateja na Mawasiliano wa Shirika la Posta Tanzania, Bi. Jamila Mbarouk  katika mafunzo hayo.

Shirika la Posta Tanzania (TPC) limetoa mafunzo ya huduma kwa wateja na mawasiliano kwa Mameneja wa Posta kutoka mikoa mbalimbali nchini, yakilenga kuimarisha uwezo wa watumishi katika kusimamia utoaji wa huduma bora, kuongeza ufanisi wa kiutendaji na kukuza ushindani wa biashara ya Shirika.

Akifungua mafunzo hayo, Mkuu wa Kitengo cha Mahusiano, Huduma kwa Wateja na Mawasiliano wa Shirika la Posta Tanzania, Bi. Jamila Mbarouk, amewataka mameneja hao kuweka kipaumbele katika utoaji wa huduma bora kwa wateja, akieleza kuwa wateja ni msingi muhimu wa ukuaji na maendeleo endelevu ya Shirika.

Amesisitiza kuwa kuwahudumia wateja kwa weledi, heshima na ufanisi ni nyenzo muhimu katika kujenga uaminifu, kudumisha mahusiano mazuri na kuongeza imani ya wateja kwa Shirika.

Kwa upande wake, mwezeshaji wa mafunzo hayo, Bw. Wilson Vicent Nkutigwa, amesisitiza umuhimu wa watumishi kuzingatia misingi ya uwajibikaji, weledi na ubora wa huduma, akibainisha kuwa utekelezaji wa misingi hiyo utasaidia kuvutia na kudumisha wateja, kuimarisha ushindani wa kibiashara na kuchochea ukuaji wa Shirika.

Aidha, ameeleza kuwa kuridhika kwa wateja, uwasilishaji wa mizigo kwa wakati na utatuzi wa changamoto zinazowakabili wateja kwa haraka na kwa ufanisi ni miongoni mwa viashiria muhimu vya ubora wa huduma, vinavyopaswa kupewa kipaumbele katika utekelezaji wa majukumu ya kila siku.

Kupitia mafunzo hayo, Shirika la Posta Tanzania linaendelea kuimarisha uwekezaji katika rasilimali watu kwa kuwajengea watumishi uwezo na maarifa yanayohitajika ili kuboresha uzoefu wa wateja, kuimarisha imani ya umma na kuongeza ushindani wa Shirika katika soko la huduma za posta na usafirishaji.

MUHIMBILI YANG’ARA KIMATAIFA, YAPOKEA TUZO YA HESHIMA KWA KUWA HOSPITALI YA KWANZA TANZANIA KUANZISHA HUDUMA ZA TIBA ZA DHARURA

Hospitali ya Taifa Muhimbili (MNH) imepokea tuzo ya heshima kwa kutambuliwa kuwa hospitali ya kwanza nchini Tanzania kuanzisha huduma za tiba za dharura (Emergency Medicine Services). Tuzo hiyo imetolewa leo, Novemba 12, 2026, na Chama cha Wataalamu wa Tiba za Dharura Tanzania (EMAT), katika Kongamano la 8 la Afrika la Tiba za Dharura (AfCEM 2026), linalofanyika katika ukumbi wa Arusha International Conference Centre (AICC), jijini Arusha.

Utambuzi huo unaonesha mchango wa Muhimbili katika kuendeleza huduma za tiba za dharura nchini na juhudi zake za kuimarisha utoaji wa huduma bora za afya kwa wananchi ambapo katika Kongamano hilo la siku tatu, linalofanyika kuanzia Novemba 11 hadi 13, 2026, wataalamu wa tiba za dharura, madaktari na wauguzi kutoka Muhimbili wanakutana na wenzao kutoka mataifa mbalimbali hapa  Afrika na maeneo mengine duniani kwa ajili ya kujadili na kubadilishana uzoefu kuhusu uimarishaji wa huduma za dharura.

POSTAMASTA MKUU MBODO: WATAKAOSHINDWA MAJUKUMU YAO KUWAJIBISHWA, AWATAKA KUTOA HUDUMA BORA

 

POSTAMASTA Mkuu wa Shirika la Posta Tanzania, Macrice Mbodo amewataka viongozi watakaoshindwa kutimiza majukumu yao watawajibishwa baada ya tathmini ya utendaji.

Akizungumza leo  November 12,2026 Jijini Dar es Salaam wakati akifungua mafunzo ya siku mbili kwa mameneja wa Mikoa Posta Tanzania, Postamasta Mkuu wa Shirika la Posta Tanzania Macrice Mbodo amesema viongozi watakaoshindwa kutimiza majukumu yao watawajibishwa baada ya tathmini ya utendaji, akibainisha kuwa hakuna atakayekuwa nje ya wigo wa mchakato huo, wakiwemo viongozi wa makao makuu.

Amesema tathmini hizo zitakuwa za haki na kuzingatia matokeo ya kila eneo, huku watendaji wanaofanya vizuri wakitambuliwa na maeneo yenye changamoto yakifanyiwa uchambuzi ili kubaini hatua zinazofaa za kuboresha utendaji.

Akizungumzia mafanikio yaliyopatikana katika baadhi ya mikoa, alitolea mfano Mkoa wa Morogoro ambao umefanikiwa kupata fursa kubwa ya biashara ya usafirishaji wa vifurushi, hali iliyosababisha changamoto ya upungufu wa magari ya kuhudumia mahitaji yaliyopo.

Alisisitiza kuwa mafanikio ya baadhi ya mikoa yanapaswa kuwa chachu kwa mingine kujifunza na kubuni mikakati mipya ya kibiashara, badala ya viongozi kujifungia katika mitazamo inayozuia ubunifu na matumizi ya fursa zilizopo.

Katika hatua nyingine, alisema Shirika la Posta Tanzania limepiga hatua katika ushindani wa kimataifa baada ya kushika nafasi ya 66 duniani na ya nne barani Afrika katika tathmini ya Umoja wa Posta Duniani, likitanguliwa na Misri, Morocco na Mauritius.

Hata hivyo, alisema shirika hilo halitaridhika na mafanikio hayo, bali linaendelea kuweka mikakati ya kuimarisha ushindani wake ili kuwa kinara wa huduma za posta barani Afrika.

Alieleza kuwa Mkurugenzi Mkuu wa Umoja wa Posta Duniani ameonesha matarajio ya Tanzania kuwa kinara wa sekta hiyo kutokana na kasi ya mageuzi yanayoendelea nchini.

Postamasta Mkuu aliwataka washiriki wa mafunzo hayo kutumia maarifa watakayoyapata kuboresha usimamizi wa biashara, matumizi ya rasilimali, uwajibikaji wa watumishi na utoaji wa huduma bora kwa wateja.

Alisisitiza kuwa mageuzi hayo yanahitaji ushiriki wa kila mtumishi, akieleza kuwa Shirika la Posta Tanzania linamilikiwa na wananchi wa Jamhuri ya Muungano wa Tanzania, hivyo kila mmoja ana wajibu wa kuhakikisha linaendelea kukua na kutoa huduma zenye tija.

Shirika la Posta Tanzania limeanza kuweka msisitizo mpya katika uwajibikaji wa viongozi wake, likieleza kuwa utendaji wa mameneja utapimwa kwa mafanikio wanayoyapata katika kukuza biashara na kuboresha huduma.

Postamasta Mkuu wa Shirika la Posta Tanzania, Macrice Mbodo

TANZANIA HOSTS 6 COUNTRIES FOR REGIONAL EXCHANGE ON SUSTAINABLE BEEKEEPING, AGROFORESTRY

TABORA, November 9, 2026 – Tanzania has brought together more than 84 participants from six Southern African countries for a five-day regional learning exchange aimed at strengthening sustainable beekeeping and agroforestry as approaches to forest conservation, restoration of degraded landscapes and improvement of rural livelihoods.

The Second Southern Africa Regional Exchange Mechanism (REM-SA) Thematic Learning Exchange was officially opened in Tabora today by Mr Bernard Patrice Marcelline, representing the Permanent Secretary in the Ministry of Natural Resources and Tourism.

In his opening remarks, he said the gathering provides an important platform for countries to exchange knowledge, strengthen technical capacity and identify practical solutions for sustainable management of the Miombo and Mopane dryland ecosystems. He welcomed delegates from Angola, Botswana, Malawi, Namibia, Zambia and Zimbabwe, noting that their participation reflects a shared commitment to forest conservation, land restoration and improved community livelihoods.

Mr Marcelline said sustainable beekeeping and agroforestry are important tools for connecting environmental conservation with economic opportunities. He highlighted the role of forests and woodlands in protecting biodiversity, soil and water resources, storing carbon and supporting livelihoods. He also noted Tanzania's progress in the beekeeping sector, including the country's estimated annual honey production of 73.72 million kilogrammes, with Tabora and Katavi among the major contributing regions.

Dr Zainabu Shabani Bungwa, Assistant Commissioner for Conservation and Acting Director of Forest Resources at the Tanzania Forest Services Agency (TFS), and Project Coordinator, representing the Conservation Commissioner, said the exchange is part of efforts under the Integrated Landscape Management in the Dry Miombo Woodlands of Tanzania Project to strengthen knowledge-sharing and collaboration in addressing land degradation and biodiversity loss. The project, funded through the Global Environment Facility (GEF-7) and implemented in partnership with the Food and Agriculture Organization of the United Nations (FAO), covers Kaliua, Urambo and Sikonge districts in Tabora Region and Mlele District in Katavi Region.

She explained that the exchange focuses on sustainable beekeeping and agroforestry, building on regional learning initiatives and the need to promote practical approaches that can be adapted across participating countries. The project has so far supported 14 village land-use plans, issued 1,259 Certificates of Customary Rights of Occupancy, trained 218 beekeepers, provided 600 modern beehives, established eight bee cages to promote women's participation and supported two honey collection and processing facilities in Kaliua and Urambo.

FAO Regional Coordinator for the Drylands Sustainable Landscapes Impact Programme, Ms Winfred Nalyongo, said conservation cannot be achieved in isolation from the economic realities of communities. She emphasized the importance of green value chains in creating incentives for communities to protect forests while generating income through sustainable enterprises. She also encouraged participating countries to share experiences and develop practical action plans that can inform their national work programmes.

Representing FAO Tanzania, National Project Coordinator and Programme Officer Diomedes Kalisa said sustainable beekeeping and agroforestry offer opportunities to strengthen forest protection, diversify rural incomes and build resilience to climate change. He reaffirmed FAO's commitment to working with the Government, TFS and other partners to promote sustainable landscapes and resilient livelihoods, particularly among women and young people.

The exchange, running from November 9 to 13, includes policy and technical presentations, country experience-sharing sessions, practical demonstrations and field visits to the Beekeeping Training Institute, natural forest reserve, tree seedling nurseries and TARI-Tumbi research facilities. Participants are expected to develop country-specific action plans to translate lessons from the exchange into practical interventions for sustainable beekeeping, agroforestry, value-chain development and landscape restoration.

UWEKEZAJI WA VIWANDA VYA BIDHAA TIBA WAPIGA HATUA KONGANI YA MLOGANZILA

Kikosi Kazi cha Kitaifa cha Kuharakisha Uwekezaji katika Viwanda vya Bidhaa Tiba (PIAT) kimeridhishwa na hatua iliyofikiwa katika uanzishaji wa viwanda vya bidhaa tiba katika Kongani ya Viwanda ya Mloganzila, kufuatia ziara ya kikosi hicho iliyofanyika tarehe 8 Novemba 2026.

Akizungumza wakati wa ziara hiyo iliyoongozwa na Waziri wa Afya, Mhe. Mohamed Mchengerwa (Mb), ilielezwa kuwa matunda ya uwekezaji huo yanatarajiwa kuanza kuonekana kuanzia Mei 2027, ambapo uzalishaji wa takribani asilimia 60 ya vifaa tiba unatarajiwa kuanza.

Waziri wa Afya alisisitiza uwepo wa soko la uhakika kwa wawekezaji wa bidhaa tiba, siyo tu nchini Tanzania, bali pia katika ukanda wa Afrika Mashariki na Kusini mwa Afrika, akiwahimiza kutumia fursa zilizopo kuwekeza nchini.

Kwa upande wake, Naibu Katibu Mkuu wa Viwanda vya Dawa, Mhe. Emmanuel Tayari, alieleza kuwa eneo lote la kongani hiyo tayari limepata wawekezaji, ambao wamewasilisha mipango kazi yao. Aliongeza kuwa Kampuni ya Hongyu, yenye uwezo mkubwa wa kuzalisha na kuuza vifaa tiba katika soko la Ulaya, inaendelea kukamilisha ujenzi wa majengo yatakayotumika kwa ajili ya kuanzisha viwanda vya vifaa tiba nchini.

Kongani ya Viwanda ya Mloganzila, iliyopo Wilaya ya Ubungo, Dar es Salaam, ilizinduliwa tarehe 8 Mei 2026 na ina ukubwa wa takribani ekari 450. Kongani hiyo ni sehemu ya juhudi za Serikali za kukuza uzalishaji wa ndani wa bidhaa tiba, kupunguza utegemezi wa bidhaa zinazoagizwa kutoka nje na kuimarisha upatikanaji wa bidhaa tiba nchini.

PIAT inaundwa na wataalamu kutoka sekta za afya, viwanda na uwekezaji, chini ya usimamizi mkuu wa Wizara ya Afya, kwa lengo la kuratibu na kuharakisha uwekezaji katika viwanda vya bidhaa tiba nchini.