Na Zainul Mzige wa modewjiblog
Mbunge wa Nzega ambaye amejitokeza kutangaza nia ya kugombea urais nchini ambaye pia amekuwa mtetezi mkuu wa wananchi wa jimboni kwake kupitia migodi mbalimbali Mh. Dk. Hamisi Kigwangalla (Mb) ameandika kitabu kiitwacho "Tanzania tunayoitaka" yakiwa ni mawazo yake binafsi ambacho anatarajia kukisambaza Tanzania nzima.
Kigwangalla katika kitabu chake amezungumzia fikra mpya za kuleta mapinduzi ya kiuchumi na kijamii kutokana na urithi wa rasilimali, utamaduni na utajiri wa nguvu kazi.
“Kuna mambo misingi minane niliyoipendekeza, ambayo yakifanyiwa kazi tutapata Tanzania Tuitakayo”, amesema Kigwangalla.
"Misingi hiyo inaunda mfumo mpya wa politikoikonomi unaoitwa Ujamaa wa Kiafrika wenye Vionjo vya kibepari. Misingi imepewa jina la 'Kigwanomics.', ameongeza Kigwangalla.
Kitabu hicho cha "Tanzania tunayoitaka" kwa mujibu wa Kigwangalla mwenyewe ameeleza kuwa kinapatikana katika mikoa ya Dar es Salaam, Mwanza, Dodoma na Iringa huku juhudi zikiendelea kusambaza Tanzania nzima.
Pata nakala ya kitabu cha Kigwangalla ambacho kipo mtaani kwako.
1 comment:
Huu ni mfano mwingine wa Kushindwa kuisoma hadhira kable ya kutunga mada. Mheshimiwa Kigwangwala LUGHA YA KIGENI HASWA YA KIIINGEREZ HAIELEWEKI NA WATANZANIA WENGI HILI NI TATIZO KUBWA SANA. Na kwekuwa nia yako ni kuwa rais wa watanzania wote, ulipaswa kulitambua hilo. Pia hili ni uthibitisho wa udhaifu wa timu yako ya ushauri.
Post a Comment