NCHI SITA ZA AFRIKA ZAKUTANA KUZIBA MIANYA YA KUFANYIKA UHALIFU WAKATI WA CORONA

Wawakilishi wa kudumu wa umoja wa Afrika katika Umoja wa Kimataifa pamoja na shirika la Umoja wa Mataifa la kupambana na dawa za kulevya na Nchi sita za Afrika zimefanya mkutano maalum kwa lengo la kupambana na uhalifu wa kimataifa katika kipindi hiki cha janga la COVID 19.

Nchi zilizoshiriki katika mkutano huo uliofanyika kwa njia ya mtandao yaani virtual meeting ni pamoja na Ivory Coast,Misri,Djibout,Rwanda,Burikanafaso pamoja na Tanzania kwa lengo la kujadiliana namna ya kupambana na uhalifu wa kimataifa kutokana na baadhi ya wahalifu kutumia mwanya wa uwepo wa ugonjwa wa COVID 19 kutekeleza uhalifu ikiwa ni pamoja na usafirishaji wa dawa za kulevya,uuzaji wa dawa na vitenganishi bandia kwa ajili ya ugonjwa huo.

Waziri wa Mambo ya Nje na Ushirikiano wa Afrika Mashariki Prof. Palamagamba John Kabudi ameongeza kuwa kauli mbiu ya mkutano huo ni “huwezi kupiga makofi kwa mkono mmoja” ikiwa na maana ya kuzitaka nchi mbalimbali duniani kushirikiana kwa lengo la kupambana na uhalifu wakati huu wa corona kwa kubadilishana uzoefu kutokana na wahalifu kubadili mbinu.

Aidha Prof. kabudi ameitumia fursa hiyo kuelezea hatua ambazo Tanzania imezichukua kupitia jumuiya za kikanda ikiwemo na Jumuiya ya Afrika Mashariki na Jumuiya ya Maendeleo ya nchi za Kusini mwa Afrika SADC ambayo kwa sasa Tanzania ni Mwenyekiti wake