CHADEMA CHAWATIMUA MADIWANI WAWILI KWA UFISADI MWANZA

Kamati Kuu hiyo imewavua uanachama madiwani wawili wa chama hicho mkoani Mwanza kwa tuhuma za kujihusisha na vitendo vya ufisadi.
Madiwani waliovuliwa uanachama ni Adams Chagulani wa Kata ya Igoma na Henry Mattaka wa Kata ya Kitangiri, wakidaiwa kukiuka katiba, kanuni na maadili ya chama.
Mbowe alisema, baada ya Kamati Kuu kupokea taarifa ya kamati iliyoundwa kuchunguza chanzo cha mgogoro mkoani Mwanza, wamejiridhisha kuwa wanachama hao wanastahili kuondolewa katika chama.
“Wahusika walishapewa onyo kabla ya hatua za jana na walikuwa chini ya uangalizi kabla ya hatua kuchukuliwa na tuliwapa nafasi ya kujieleza,” alisema Mbowe.
Alifafanua kuwa kamati ya uongozi ya mkoa wa Mwanza nayo imevunjwa kutokana na kushindwa kutimiza wajibu wake ipasavyo na kwamba itaundwa nyingine kadiri ya mahitaji.
Aliongeza kuwa kutimuliwa kwa wanachama hao iwe ni onyo kwa wanachama na viongozi wengine wa CHADEMA kuwa hawataweza kuvumiliwa wakikiuka maadili.
CHANZO:TANZANIA DAIMA