*DJ Nijo kufanya ‘balaa’ Sun Ciro kesho Ijumaa*

DJ maarufu kutoka nchini Kenya, Dj Nijo kwa kushirikiana na Dj H’Cue na Dj

Mkali wa hapa nchini, wanatarajiwa kuvurumisha shoo ya aina yake kwenye

ukumbi wa Sun Ciro jijini Dar es Salaam, kesho.

Shoo hiyo maalumu ambayo itapambwa na nyota kadhaa wa hapa nchini,

imedhaminiwa na Kipindi cha ‘Hyped East Africa Show’ kinachorushwa kupitia

king'amuzi cha  Zuku Pay TV,  pamoja na usiku wa flava kali za wiki, ambako

DJ Nijo ataongoza mashambulizi ya kuchezesha ‘cd’ na kuchanganya radha

mbalimbali za muziki.

Akizungumza na Waandishi wa Habari jijini Dar es Salaam  mapema leo, Dj

Nijo alisema kuwa, amejipanga kukonga nyoyo za mashabiki wa burudani

akishirikiana na Madjs wenzake wa Tanzania.

“Kwa pamoja tutakonga nyoyo za mashabiki watakaokuja hiyo kesho Ijumaa

 Septemba 27, 2012,ndani ya Sun Ciro na watashuhudia uwezo wetu na shoo hii

itakuwa ni ya pekee kwa Afrika Mashariki,” alisema Dj Nijo.

Kwa upande wake, Herbart Makusha ‘Dj H’Cue’ alisema kuwa, wamejipanga kutoa

burudani ya aina yake kwa kupiga shoo ya aina yake na ya kwanza kwa Madj

kushirikiana kwa pamoja.

Dj Nijo, pia ameambatana na Dj Imani, ambaye kwa pamoja watachanganya

muziki kwa ustadi mkubwa na kutoa radha tofauti.

Aidha, Meneja wa Fleva za wiki wa Sun Ciro, Dk. Kamaru ‘Dj Mkali, alisema

kwenye shoo hiyo kiingilio kimepangwa kuwa sh 10,000 na ambako kutapambwa

na zuria jekundu (Red carpet) na mastaa wa ndani na nje watapata kupita

humo na kufuruhia shoo hiyo.

Ziara ya Dj Nijo itamalizika kwente ukumbi wa Nyumbani Lounge, kesho,

atakakoangusha shoo vile vile.

Hadi sasa, sho za ‘Hyped East Africa’ zimeshafanywa katika miji ya Malindi,

Embu, Nairobi, Nyeri, Eldoret, Kisumu nchini Kenya na hivi karibuni katika

klabu za ‘Anje Noir’ na ‘Cayenne’ jijini Kampala, Uganda.