MADHARA YA KURUKWA UKUTA KWA WANAWAKE

KAMA ilivyoa ada, wanadamu tunatakiwa kumtanguliza mbele Muumba kwa kila jambo kwani ndiye aliye tegemeo letu sote.

Nimekuwa nikiandika mada nyingi ambazo zimewasaidia watu wengi kurudisha tumaini lililopotea na wengine kujijua wao ni kina nani na wapo hapo walipo kwa ajili gani.
Kuna mada ambazo zimekuwa zikiwashtua wengi kiasi cha wengine kuchanganyikiwa kutokana na kufanya mambo kimazoea, kitu ambacho kimewafanya wafanye makosa bila kujua au wengine kufanya kitu wakijua madhara yake juujuu na kuendelea kufanya bila kujua madhara yake kiundani.
Baada wa wiki jana kuandika mada kuhusu mtu kumpenda mkewe kwa kipi hasa, nimekuwa nikipata simu nyingi na ujumbe mfupi wa simu ‘SMS’.
Wengi walishtuka sana, wengine wakaeleza waliingia kwenye mchezo ule bila kujua madhara yake. Wengi waliomba ushauri wafanye nini kutokana na kuzoea mchezo ule wenye madhara makubwa kiafya.
Si hao tu, wapo waliotaka kujua madhara yake kiundani kwa mtu kuingiliwa kinyume na maumbile au mtu kumwingilia mwenzake kinyume na maumbile.

Leo nataka kumzungumzia kwanza mwanamke ambaye ndiye amekuwa kwenye wakati mgumu kuliko mwanaume.

Tumeona wanaume ndiyo chanzo cha mchezo huu mchafu ambao umetambaa kama moto kwenye majani makavu na kuwaambukiza wanawake, ambao nao wameugua ugonjwa huo wa kuwashwa sehemu za haja kubwa na kuwatafuta wanaume kufanya nao mapenzi ili kuondoa muwasho huo unaotokana na mtu kuufanya mchezo ule kwa muda mrefu.
Kwako inaweza kuwa ni starehe usiyojua hasara yake, lakini madhara yake ni makubwa kuliko hiyo starehe ya dakika chache unayopata na matibabu yake ni ya gharama yanayoweza kukusababisha uishi kwenye mateso makubwa au kusababisha kifo.
Wengi hawapendi kufanya mchezo huo lakini wamejikuta wameingia kwa ajili ya shinikizo, nao hukubali ili kuokoa penzi bila kujua madhara yake.

Madhara ya mwanamke kuingiliwa kinyume na maumbile:
Mwanamke anayefanyiwa mchezo huu hupata matatizo makubwa wakati wa kujifungua ikiwa ni pamoja na kutokwa na haja kubwa mfululizo wakati akijaribu kumsukuma mtoto.
Tukio hili humsababishia aibu kubwa mwanamke, kiasi cha kumshushia hadhi yake mbele ya jamii.
Pili, pia anaweza kumuua mtoto kwa vile kila akimsukuma atoke, pumzi hukata kutokana na misuli inayofahamika kwa jina la ‘sphincter’ kulegea na kusababisha ambane mtoto.
Tatu, umri unaposonga, haja kubwa hutoka bila kizuizi kutokana na misuli ya sphincter inayobana njia ya haja kubwa kulegea.

Nne, inaweza kusababisha saratani ya eneo hilo ‘cancer of colon’.
Tano, ugonjwa wa UTI, yaani uambukizi kwa njia ya mkojo, huwa sugu, maana akitokea mwanaume alifanya kitendo hicho kisha akafanya ngono kama kawaida, bakteria wanaoishi sehemu hiyo wanaingia na kuwa na madhara makubwa.
Sita, hasara yake kubwa mwanaume anayekufanyia mchezo huwa hawezi kukuoa, pia ni rahisi kukutangaza kwa jamaa zake na kuonekana kituko mbele za watu, kama umeolewa heshima yako hupungua ndani ya ndoa.

Mwisho kabisa baada ya kuharibiwa ni kuwa na msongo wa mawazo na kuilaumu nafsi yako.
Nina imani umeona baadhi ya madhara hatari kwa mwanamke kuingiliwa kinyume cha maumbile. Mchezo huo ni mbaya, najua aliyeuanza muda mrefu utamsumbua kuuacha kutokana na hali anayokutana nayo. Lakini ukiivumilia kwa muda lazima itakata na kurudi kwenye hali yako ya zamani.

Tukutane wiki ijayo kwa mada ya madhara kwa wanaume.

Global Publishers