Ney wa Mitego Amuiga Diamond?

Msanii Neyo wa Mitego alitokelezea kitofauti kabisa ndani ya FNL baada ya kutimba akiwa na viatu viwili tofauti, yaani kiatu alichokuwa amevaa mguu huu ni tofauti na mguu mwingine wa pili na tulipenda kujua kwa nini? Au anamuiga Diamond?

“Unajua kila mtu lazima utafute swaga zako za kipekee na sio za kuiga, kwahiyo mi hii ndio nimeona staili inayonifaa kwa sasa, na suala la kuwa mi nimeanza kuiga staili za Diamond baada ya kufanya naye kazi sio kweli, mi nina staili zangu za kipekee sana” Alisema Ney wa Mitego.

Ila ishu kubwa Ney wa Mitego aliyoibuka kuizungumzia FNL ni kuhusu kichupa chake kipya kipya alichofanya na Diamond kinachojulikana kwa jina la ‘Muziki gani’, tulitaka kujua kuhusu video ya wimbo itakuwaje?

“Hiyo ndiyo ishu muhimu sasa, Video ya wimbo itatoka muda si mrefu na mashabiki wangu wajipange kupata video kali iliyotulia, sitopenda kusema ni kampuni ipi nitakayofanya nayo video ila wadau wavute subira wajue nitafanya na nani maana nataka iwe bonge la surprise kwa mashabiki wangu”. Ney wa Mitego alifunguka

Pia Ney wa Mitego anasema alishangaa sana wimbo wao huo wa ‘muziki gani’ kufanya vizuri kila kona baada ya siku tatu tu baada ya kuuachia na akasema anaamini pia video itafanya vizuri zaidi.

SIKILIZA WIMBO HUO WA MUZIKI NI KITU GANI HAPA CHINI