TANZANIA DMV YAPOTEZA MCHEZO DHIDI YA UFARANSA

Timu ya mpira wa miguu ya Watanzania DMV inayoshiriki ligi ya Diaspora world Cup 2013 inayochezwa hapa DMV. Jumapili May 5, 2013 ilipoteza mechi yake ya kwanza walipofungwa 1-0 na Ufaransa mechi ilichezewa kwenye viwanja vya Rockville, Maryland.

Ufaransa ndio mabingwa watetezi wanaokitetea kikombe hicho baada ya kuvishwa taji mwaka jana walipokua mabingwa wa ligi hiyo.

Timu zote zilienda mapumziko bila timu yeyote kuona mlango wa mwenzake, mchezo ulikua mkali na wa kusisimua hasa kwa timu ya Tanzania DMV kucheza kwa kuonana na kua na ngome madhubuti iliyozuia mashabulizi ya timu ya Ufaransa. Kitu kikubwa kilichoisumbua timu ya Tanzania DMV ni ubutu wa washambuliaje wake, walikosa nafasi za wazi na mipira mingine kugonga mwamba kitu ambacho inabidi wakifanyie kazi ya ziada ili wafannye vizuri kwenye mashindano haya.

Kipindi cha pili kilianza huku mabigwa hao watetezi wakijaribu kuipenya ngome ya Tanzania DMV bila mafanikio. ukuta ulikua mgumu ukiongozwa na kipa wao Victor daima walikua imara kulinda goli lao.

Wafaransa walitumia uzoefu wa kutoa pasi haraka bila ya mchezaji kukaa na mpira muda mrefu kitu ambacho kiliwasaidia sana na kuwafanya kutokuchoka. Katika dkk ya 54 na 61 kocha wa Tanzania DMV alifanya mabadiliko ya wachezaji kwa kumtoa Sakapala na Hussein na kumuingiza David na Betson lakini bado hayakuweza kuipa uhai hasa kwenye safu ya ushambuliaji na kunako dkk ya 79 Wafaranza walipata goli kutokana na faulo iliyopigwa nje ya 18 na kugonga mwamba na kuhesabu goli la kwanza na la ushindi dhidi ya Tanzania DMV.

Jumapili May 12, 2013 Timu ya Tanzania DMV itajitupa tena uwanjani hapo itakapocheza na Uturuki.