TANGAZO LA RASIMU YA KATIBA

KAMATI YA MAPENDEKEZO YA KATIBA YA JAMHURI YA MUUNGANO TANZANIA

-KAMKATA, USA

 Kwa Wanajamii wa Jumuiya zote za Marekani na Mexico, kwa niaba ya Kamati ya KAMKATA, napenda kuwapongeza kwa kujitokeza kwenu kwa wingi katika kutoa maoni yenu ya katiba mpya. Pia napenda kuwahimiza wale ambao hawajatoa maoni yao, wajitahidi kufanya hivyo.

Ikumbukwe Katiba ni hitajio la kila Mtanzania, na katiba bora ni manufaa Zaidi kwa wale waliochini au mbali na manufaa ya taifa. Pia hili ni suala la kihistoria na nafasi ya kuingiza maono yetu katika nadharia. Unapokosa kushiriki kutoa maoni ni sawa na kujinyima haki yako ya kushiriki katikataifa bora. Katiba mpya inajengwa na watoa maoni, sio wanaoamini kuwa wengine watatoa.

Kwa wale ambao wanaoamini kuwa maoni yao hayatopewa nafasi. Ni bora uamini Mungu yupo usimkute, kuliko kuamini hayupo na ukamkuta.

Ikumbukwe; Tukio hili ni la kihistoria, na kila mmoja wetu atazingatia hima ya kuingia katika historia hii muhimu na yenye manufaa kwetu na vizazi vyetu vijavyo.

 Unaweza kutuma maoni yako kupitia tovuti ifuatayo: www.katibatanzania.org

Au kwenye barua pepe hii: mapendekezo@katiba tanzania.org

 Nawatakia kila la kheri na Imani thabit ya ujenzi wa taifa letu jipya la Jamhuri ya Muungano wa Tanzania.

 

Katibu wa KAMKATA

Nassor Basalama

basalama@katibatanzania.org