JUST IN:MKUU WA MKOA WA MARA AANGUKA NA KUFARIKI GHAFLA HII LEO

Tanzia asubuhi ya leo: Mkuu wa Mkoa wa Mara

Gazeti la UHURU linaripoti adhuhuri hii kuwa Mkuu  wa Mkoa wa Mara, John Tuppa, amefariki dunia leo asubuhi baada ya kudondoka alipokuwa kwenye Ofisi za Mkuu wa Wilaya.

Habari katika mitandao jamii zinasema marehemu alidongoka punde tu alipotoka ofisini kwa Mhe. John Henjewele alipokuwa akijiandaa kuingia kwenye gari lake kwa ajili ya kuanza ziara ya kutembelea Wilaya hiyo na kufunga mafunzo ya mgambo.

Jitihada za kuuokoa uhai wake kwa kumwahisha katika Hospitali ya Wilaya hazikufanikiwa kwani alitangazwa kuwa marehemu baada ya kufikishwa hapo. Mwili wake inaripotiwa kuwa umehifadhiwa katika hosptiali ya Mkoa ukisubiri taratibu zaidi za mazishi.

Natumai taarifa zaidi zitatolewa na vyombo rasmi hapo baadaye, tafadhali fuatilia huko.

Poleni kwa majonzi nyote mliofikwa na msiba huu.