WANAFUNZI WAGONJWA WAPELEKWA HOSPITALI KUWA KUTUMIA TOLORI KATAVI

 

Mmoja wa walimu katika shule ya sekondari karema akipokea msaada wa vifaa vya umeme kutoka kwa mbunge wa jimbo la mpanda Vijijini Moshi Kakoso ili visaidie katika kuwapatia mwanga na kuongeza wigo wa kujisomea wakati wa usiku na huduma nyingine za kijamii shuleni hapo.

……………………………………………………………………

Na Kibada Kibada –Katavi. Wanafunzi wa Shule ya Sekondari Karema Wilayani Mpanda  Mwambao wa ziwa Tanganyika   Mkoa wa Katavi  wanakabiliwa na changamoto ya usafiri shuleni hapo hali inayowafanya wakiugua ghafla usiku kupelekwa hospitali   kwa kulaza  godoro  juu ya toloRi    na  kupelekwa  Hospitali ili kupatiwa  matibabu.

 Hayo yamebainishwa na walimu katika shule hiyo wakati wakiwasilisha chanagamoto zao na  kilio chao kwa Mbunge wa Jimbo la Mpanda Vijijini Moshi Kakoso aliyefanya ziara ya kutembelea shule hiyo ili  kukagua  shughuli za maendeleo pamoja na kupokea baadhi ya changamoto zinazo wakabili na kuzipatia ufumbuzi .

 Awali Mkuu wa shule Osward Kalula alitoa taarifa ya shule kuhusu maendeleo yaliyopo na changamoto zinazowakabiri  katika eneo lao kwenye taasisi hiyo na kueleza kuwa baadhi yake ni  ukosefu wa umeme, maji, vitabu,  na usafiri, ambapo changamoto ya umeme iliyopatiwa ufumbuzi hapo hapo na mbunge  kwa kukabidhi nyaya za umeme zenye mita miambili ili kusambazwa umeme katika nyumba za walimu na mabweni, na  madarasani kwa kutumia jenerata ndogo ya shule iliyopo shuleni hapo.

Mbali ya kutoa nyaya hizo na vifaa vingine  vinavyohusiana na umeme ili vifungwe na umeme uanze kufanya kazi na  kuondoa kero ya ukosefu wa umeme pia Mkuu wa shule alipata nafasi ya kushukuru kwa msaada huo ulotolewa na mbunge kwa kuonesha jinsi anavyowajali wananchi wake na kujali elimukatika jimbo lake,pia  akawapa nafasi walimu kutoa changamoto nyingine zilizopo katika shule hiyo kwa mwakilishi wao mbunge Kakoso.

Mmoja wa walimu katika shule hiyo Donatha Chamoto alieleza kuwa kwa kutolea mifano kuwa mwanafunzi mmoja aliugua usiku ikalazimika kubwebwa kwenye tololi kupelekwa hospitali usiku hali ambayo ni hatari kwa kuwa eneo shule ilipo na kituo cha Afya kilipo ni mbali kidogo.

Kutokana na tatizo hilo wanaomba kupatiwa usafiri japo hata bajaji itakayosaidia hata kuwa wanawapeleka hospitali pindi linapotokea tatizo la kuugua ghafla usiku kwa kuwa huwezi kujua lolote lawaza kutokea na hali ya hapo jinsi ilivyo ni tatizo kubwa walieleza.

  Naye Diwani Kata ya Karema Maiko Kapata akashauri kuwa iwapo usafiri wa gari ukikosekana wanaomba wapatiwe japo pikipiki za miguu mitatu ili iwe inasaidia iwapo litajitokeza tatizo kama hilo kuliko kuacha kama ilivyo sasa.

Akaongeza kuwa kwa kuwa sasa shule imepewa hadi ya kuwa na kidato cha tano na sita ni vyema serikali iakaangaliza namna gani ya kusaidia hata usafiri wa gari ili shughuli za kiutendaji ziweze kwenda vizuri kwani kutakuwa namajukumu ya kufuatilia makao makuu ya wilaya na pengine mkoani na upo umbali mkubwa  zaidi ya kilometa 100 hadi kufika mpanda kutokea Karema ni mbali bila kuwa na usafiri wa uhakika inakuwa tatizo kwa kusubiria magari ya kudadia ni vyema Shule ikawa na usafiri wake wenye uhakika kulingana na majukumu yatakayokuwa yapo shuleni hapo.

Kwa upande Mbunge wa Jimbo la Mpanda Vijijini Moshi Kakoso alishauri waangalie namna ya kuweza kupatiwa usafiri kwa kutumia mfuko wa jimbo wakae katika vikao waone namna ya kutumia fedha hizo