GLOBAL TV ONLINE :SHUHUDIATAMASHA LA WAUZA MAGAZETI DAR LIVE LILIVYOFANA

KAMPUNI ya Global Publishers ambayo ni wachapishaji wa Magazeti ya Amani, Uwazi, Championi, Risasi, Ijumaa, Uwazi Mizengwe na Ijumaa Wikienda, Jumapili iliyopita iliwafanyia bonge la sherehe wauzaji wa magazeti na mawakala wao ndani ya Uwanja wa Taifa wa Burudani, Dar Live uliopo Mbagala-Zakhem jijini Dar.

Mkurugenzi wa Global Publishers, Eric Shigongo akizungumza na mawakala na wauza magazeti wa jijini Dar.

Sherehe hiyo ilifanyika kwa lengo la kuwakusanya wauza magazeti wote jijini Dar ili kudumisha uhusiano wa kibiashara sambamba na kusherehekea kuwa nao kwa takriban miaka 17 tangu kuanzishwa kwa kampuni hiyo.

Aidha, katika sherehe hiyo ambayo ilifana vilivyo wauzaji na mawakala walipata nafasi ya kula chakula kwa pamoja na mgeni rasmi ambaye alikuwa ni Mkurugenzi Mtendaji wa Global Publishers Ltd, Eric Shigongo.

Msanii wa Bongo Fleva, Juma Nature na kundi lake akiwapagawisha wauza magazeti.

Akizungumza na wauza magazeti hao, Shigongo aliwataka kujifunza kubana matumizi na kufungua biashara mbalimbali na siyo kutegemea biashara hiyo moja huku akiwataka wafungue Saccos yao kwani wapo wengi jambo ambalo walilipokea na kuahidi kuanzisha ambapo aliahidi kutoa shilingi milioni saba kwa ajili ya Saccos hiyo.

Msanii wa Bongo Fleva Y-Tony akitoa burudani.

Pamoja na kula na kunywa pia walipata burudani iliyodondoshwa na wasanii wa Bongo Fleva, Y-Tony ‘Mzee wa Masebene’ na Juma Nature ‘Msitu wa Vina’ akiwa na kundi lake la Wanaume Halisi.