SIMBA WALIPA KISASI MARA MBILI KWA WAFUNGA BUTI WA KAMBI YA MGAMBO JKT

Mshambuliaji Emmanuel Okwi ya Simba, ametoa yake ya moyoni kuhusiana na kikosi chake kuwa na mwendo wa kuyumba.

Okwi raia wa Uganda amefunga mabao matatu, hat trick na kuisaidia Simba kuiadhibu Mgambo Shooting kwa mabao 4-0 katika mechi ya Ligi Kuu Bara kwenye Uwanja wa Taifa jijini Dar.

Akizungumza na SALEHJEMBE baada ya mchezo huo, Okwi aliwataka mashabiki kuendelea kuwaunga mkono ili washinde zaidi kwa kuwa si nia yao kupoteza.

“Kweli matokeo yetu yamekuwa si mazuri, hatuna mwendo mzuri lakini inakuwa si nia yetu kucheza katika kiwango cha chini.

“Tunapenda kufunga na kushinda kila mechi, mashabiki wasichoke kutuunga mkono wakati tunaendelea kupambana,” alisema.

Okwi amesema bado hawajakata tamaa kuendelea kuitafuta nafasi ya pili katika Ligi Kuu Bara.

Ushindi wa leo dhidi ya Mgambo umeiwezesha Simba kulipa kisasi cha kufungwa na Mgambo katika mechi ya kwanza lakini imejiongezea pointi tatu na kufikisha 38.

CREDIT:GPL