TUONYESHE YAKO MISULI

By Mohamed Matope

Raisi ni Magufuli, onyesha yako misuli,

Hongera wastahili, taifa halina shari,

Tumekuchagua heri, Raisi usofedhuli

"Hapa kazi tu" iwe kampeni kweli.

Tinga tinga mtamboni,shuhudie ujasiri.

Jina lako asili,kisukuma na Kiswahili.

Litumie kwamakini,vile linavyostahili

John Pombe Magufuli, hakuna wa kusaili.

Usiwe mlevi pombe, lakini shika kufuli.

Ambalo uzitumie, mafisadi kuhimili.

Ahadi utekeleze, muda umeshawasili.

Kufungua mahakama, kuhukumu mafedhuli.

Zulu hospitalini, Bugando na Muhimbili.

Fichua manesi, pamoja na madaktari. 

Nafuu haipatikani, tiba isiyo sahihi .

Tiba haipatikani, mpaka wapewe mali.

Mfagio utumie, serikali ishamiri,

Wazembe uwafagie, na wasioficha siri,

Ofisi zao vijiwe, kama hawana mwajiri,

Mishahara kuchukua, bila kugusa faili.

Uwe pia makini, unapochagua waziri

Uzingatie utendaji, hapana rudisha fadhiri

Uangalie maadili,wananchi watujali

Watuliao nyumbani,si ughaibuni kusafiri

Vamia idara mbili, za kodi na Bandari

Ujionee dhahili,walarushwa mashuhuri 

Wale wenye magari, na majumba ya fahari 

Uwaweke kizimbani, kama Mramba Basili

Twaomba tuondolee, misururu ya magari,

Barabara uzikuze, reli pia nashauri,

Majengo uyahamishe,yaenee miji mbali

Watumishi wapungue, usafiri uwe shwari,

Biashara ndogo sapoti, na ajira za binafsi

Watumie wetu wasomi, nchini tuwahimili,

Dumisha kilimo madini,uvuvi na utalii.

Utumie gasi mali, kwa shule na hospitali

Tusafishie mazingira ili tuishi vizuri

Himiza miti panda, nchi isiwe Kalahari

Mazingira elimisha, kwenye yetu maskuli 

Nchi iwe waridi, kama wenzetu Kigali.

Tamati ndugu raisi,washika hii shughuli

Elfu mbili na ishirini,sisi tutakujadili

Tutakupatia repoti ,kama unayostahili

Hapana usisubiri kuonyesha YAKO MISULI