Waziri wa Mambo ya Nje na Ushirikiano wa Afrika Mashariki, Mhe. January Makamba, amewasilisha salamu za Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa Rais wa Rwanda, Mhe. Paul Kagame katika Ikulu ya Rais, mjini Kigali.
Katika ujumbe aliochapisha kwenye ukurasa wake wa X, Mhe. Makamba ameandika
“Niko katika siku ya mwisho ya ziara yenye tija kubwa nchini Rwanda, nikiambatana na ujumbe wa viongozi wakuu kutoka wizara mbalimbali. Rwanda ni jirani na rafiki yetu. Ziara yangu hapa ilithibitisha dhamira ya pamoja ya kuimarisha uhusiano wetu. Nimepata fursa ya kumtembelea Mheshimiwa Rais wa Rwanda Paul Kagame na kuwasilisha salamu za bashasha kutoka kwa Mhe. Dkt. Samia Suluhu Hassan, Rais wa Jamhuri ya Muungano wa Tanzania,” ameandika na kuendelea..Mwongozo wake juu ya kuendeleza uhusiano wetu ulikuwa wa busara.
Mhe. Makamba pia alikutana na Mawaziri wane akiwemo Waziri wa Mambo ya Nje, ICT, Biashara na Kilimo - na timu zao.
“Tumeamua kuharakisha utekelezaji wa yale ambayo yalikubaliwa hapo awali na pia kuchunguza maeneo mapya.” Ameandika Mhe. Makamba.
Amesema, zaidi ya asilimia 80 ya mizigo ya Rwanda inapitia bandari ya Dar es Salaam ikiwa na tani milioni 1.4 za mizigo na makontena 63,000 yaliyochakatwa bandarini mwaka jana.
Rwanda ni ya nchi ya 3 kwa watumiaji wengi wa bandari hiyo “Tumejitolea kuifanya bandari ya Dar es Salaam, iwe rahisi kwao kuendelea kuitumia kwa kufungua Ofisi za TPA mjini Kigali, pia tumetoa vipande vya ardhi kwa Rwanda kwa bandari kavu huko Isaka mkoani Shinyanga na Kwala mkoani Pwani.
Lakini pia Rwanda inatumia miundombinu ya BROADBAND ya Tanzania kwa kiasi fulani cha uwezo katika muunganisho wake.
Mhe. January Makamba ameendelea kuandika “Tumejitolea kuwa mshirika wa kutegemewa katika eneo hili na tunataka kupanua biashara hii. Tanzania ni mshirika wa pili wa kibiashara wa Rwanda.” Amesema.
Amesema, uwezo wa kuwa wa kwanza upo. Tunakwenda kulifanyia kazi. Wanyarwanda wananunua nafaka nyingi kutoka Tanzania. Tumeamua kuhalalisha soko hili. Rwanda imewekeza katika kiwanda cha kuhifadhi kumbukumbu jijini Mwanza, ambapo wakulima watapata soko la faida la maziwa. Tumehakikisha mafanikio ya mradi huu. Tunapanga kufanya utafiti wa pamoja wa kilimo kupitia Mkataba wa Ushirikiano wa Kilimo ambao utasainiwa Mei mwaka huu.
Pia tumeamua kufanya kazi ya kufungua kituo kipya cha mpaka katika wilaya ya Kyerwa mkoani Kagera ili kuwezesha usafirishaji wa bidhaa na watu kwa urahisi.
“Ujumbe wa Rais Kagame kwangu na ujumbe wangu ulikuwa wazi: sisi ni marafiki, majirani na kaka na dada, tumeunganishwa na jiografia, historia na utamaduni - na hatima ya pamoja. Ni lazima tushirikiane kutatua changamoto zinazofanana na kuyapa kipaumbele mambo ambayo yataboresha maisha ya watu kutoka nchi zetu mbili.” Ameandika Mhe. Waziri Makamba
Uhusiano wa nchi zetu mbili umekuwa mzuri kila wakati. Na unaendelea kuboreka hadi kuwa bora zaidi. Kama wanadiplomasia, hii ndio hali tunayoishi ya kuboresha uhusiano kila wakati.
Mhe. Waziri Makamba alikuwa nchini Rwanda kwa ziara ya siku mbili, kuimarisha ushirikiano baina ya nchi hizi mbili, Tanzania na Rwanda, ambapo alifuatana na maafisa wakuu kutoka Wizara za Uchukuzi; Biashara na Viwanda; ICT; Kilimo; Nishati; na kutoka mashirika muhimu ya umma.
Mhe. Waziri Makamba alikutana na Waziri wa Mambo ya Nje na Ushirikiano wa Kimataifa, Mhe. Dkt. Vincent Biruto, na Walijadili mambo mbalimbali, ikiwa ni pamoja na miradi inayoendelea ya uwekezaji, biashara na miundombinu.
"Ni nia yetu kuendelea kudumisha uhusiano wetu wa ujirani mwema kwa kukuza mtiririko wa biashara ulioongezeka, tukiwa na matumaini ya kuendelea kupata matunda ya ushirikiano wa kiuchumi wenye manufaa kwa pande zote mbili.” Alisema Waziri Biruto katika mkutano w apamoja na waandishi wahabari mjini Kigali
“Zaidi ya kuchochea ukuaji wa uchumi wetu, mahusiano haya ya kibiashara pia yanaimarisha uhusiano wa kindugu unaounganisha mataifa yetu mawili.” Alisisitiza.
Aidha, Mhe. Makamba alipata fursa ya kuzunguzma na wanafunzi wapatao 100 kutoka vyuo vikuu mbalimbali nchini Rwanda.
Miongoni mwa mambo yaliyojadiliwa ni kuhusu Ushirikiano wa kiuchumi wa Jumjuiya ya Afrika Mashariki, JUtamaduni, michezo na muunganiko wa wananchi kwa wananchi
No comments:
Post a Comment