JK ASHIRIKI MAZISHI YA MCHEZAJI WA ZAMANI WA SIMBA SC, MAREHEMU ABAAS KUKA

Rais Mstaafu Mhe. Dkt. Jakaya Mrisho Kikwete, ameungana na mamia ya waombolezaji katika mazishi ya marehemu Abbas Kuka, aliyekuwa mchezaji wa zamani wa Simba SC na Red Star, katika makaburi ya Mwinyimkuu Magomeni mapipa jijini Dar Es Salaam.

Marehemu Kuka, anayekumbukwa kama mmoja wa viungo bora nchini, alikuwa miongoni mwa wachezaji wa Simba walioweka historia mwaka 1979 ambapo baada ya Simba kufungwa nyumbani Dar es salaam 0-4 na Mufulira Wanderers FC ya Zambia kwenye mashindano ya ubingwa wa Afrika, katika mechi ya marudiano ugenini walipindua meza na kuwafunga Mufulira Wanderers mabao 5-0.