MWANG'OMBE CUP MSIMU WA 2024 YAANZA KWA KISHINDO

Veterena Tarafa ya Rujewa wakiwa katika picha ya pamoja

Veterena Tarafa ya Ilongo wakiwa katika picha ya pamoja

Ufunguzi wa ligi ya Mwang'ombe Cup msimu wa 2024 ulifunguliwa siku ya Jumapili tarehe 12, May, 2024 kwa mechi kali ya ufunguzi kati ya Veterana ya Rujewa dhidi ya Veterana ya Ilongo.

Mwang'ombe Cup ni jitihada za mwana Mbarali Liberatus Mwang'ombe katika kuhakikisha anaunganisha jamii kupitia michezo huku akiwa na  imani kubwa ya kukuza ujirani mwema kwenye jamii inayomzunguka.

Katika mchezo uliopigwa jana Jumapili wa ngao ya jamii, uliokutanisha miamba wawili maveterani kutoka tarafa ya Ilongo na Rujewa, ilikua mechi kali yenye ushindani wa kusisimua, kwani timu zote zilicheza kwa ufundi mkubwa na kushambuliana kwa zamu na mpaka dakika 90 timu ya veterani ya Rujewa ilipoteza mchezo kwa kufuungwa goli 2 huku yenyewe ikitoka patupu bila goli lolote.

Katika mtanange huo timu ya Veterana tarafa ya Ilongo walicheza kwa ustadi mkubwa huku ikitumia uzoefu wa kufanya mashambulizi ya kushtukiza huku mawinga wake wakipeleka mashambulizi kwa kasi iliyowashinda mabeki wa timu ya veteran ya Rujewa.

Kanuni ya Ngao ya Jamii katika mashindano haya ya Mwang'ombe Cup msimu wa 2024 ni kuchezwa mechi mbili ambayo mechi nyingine ya pili ya ngao ya jamii itachezwa Jumapili ya tarehe 19 May 2024 Chimala ili kumpata mshindi wa jumla atakaebeba kombe hilo la ngao ya jamii.

 Endelea kuifuatilia Vijimambo Blog ambayo imetuma mwakilishi wake huko NY Ebra atakuja na ripoti kamili ya mpambano huo wa mechi ya pili ya ngao ya jamii ya Mwang'ombe Cup msimu wa 2024.