RAIS DK.MWINYI AWAPONGEZA NA KUWASHUKURU MADAKTARI KUTOKA HOSPITALI YA MIOT YA INDIA KWA KAZI NZURI WANAYOIFANYA YA KUWAHUDUMIA WAZANZIBAR

RAIS wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akizungumza na Ujumbe wa Madaktari Bingwa kutoka Hospital ya MIOT Nchini India ukiongozwa na Mkurugenzi Mkuu Dr.Prithivi Mohandas (kulia kwa Rais) mazungumzo hayo yaliyofanyika katika ukumbi wa Ikulu Jijini Zanzibar na (kushoto kwa Rais) Waziri wa Afya Zanzibar Mhe.Nassor Ahmed Mazrui na Katibu wa Baraza la Mapinduzi na Katibu Mkuu Kiongozi Mhandisi Zena Ahmed Said.

RAIS wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akizungumza na Ujumbe wa Madaktari Bingwa kutoka Hospital ya MIOT Nchini India ukiongozwa na Mkurugenzi Mkuu Dr.Prithivi Mohandas (kulia kwa Rais) mazungumzo hayo yaliyofanyika katika ukumbi wa Ikulu Jijini Zanzibar 

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi amewapongeza na kuwashukuru madaktari kutoka hospitali ya MIOT ya India kwa kazi nzuri wanayoifanya ya kuwahudumia Wazanzibari hasa wagonjwa wa moyo, saratani na kiharusi.

Dk. Mwinyi ameyasema hayo Ikulu, Zanzibar alipozungumza na uongozi wa hospitali hiyo ya MIOT ya Chinnai, India wakiongozwa na mwenyeji wao Waziri wa Afya, Nassor Ahmed Mazrui na watendaji wakuu wa Wizara ya Afya, Zanzibar.

Rais Dk. Mwinyi amepongeza pia uhusiano mzuri uliopo baina ya hospitali hiyo na Serikali ya Mapinduzi ya Zanzibar kupitia Wizara ya Afya na kueleza kuwa kuwepo kwao kumeongeza tija kubwa kwa jamii ya Wazanzibar wenye mahitaji ya huduma zao.

Aidha, Rais Dk. Mwinyi ameleeza kuwa Serikali imekua ikitumia gharama kubwa kufuata baadhi ya matibabu nje ya nchi hasa kwa wagonjwa wa moyo jambo alilolieleza haliathiri tuu wagonjwa bali na jamaa wa wagonjwa hao wanaoambatana nao wakati wa matibabu.

Ameeleza kuwepo kwa madaktari hao nchini, ni fursa nzuri kwa wataalamu wa ndani kubadilishana uzoefu na kujengeana uwezo, utaalamu pia kupunguza gharama kubwa kwa wagonjwa wanaopata matibabu kutoka taasisi hiyo.

Naye, Mkurugenzi wa hospitali hiyo ya MIOT, Dk. Prithvi Manawng Mohandas amemueleza Rais Dk. Mwinyi huduma wanazozitoa kwa wagonjwa wa Zanzibar hasa kwa maradhi ya saratani ni tiba za mionzi (Redio therapy), matibabu ya kikemia (Chemical Therapy) na tiba ya kulenga eneo maalum (targeted therapy) pamoja na matibu ya moyo.

Akizungumzia ugonjwa wa kiharusi Dk. Prithvi amemueleza Rais Dk. Mwinyi kwamba wanawatibu wagonjwa wa maradhi hayo hasa kwa kuwasaidia kuimarisha na kurejesha uwezo wa viungo vyao kwa kutembea na kufanya shughuli zao za kawaida kwa maisha yao ya kila siku.

IDARA YA MAWASILIANO, IKULU ZANZIBAR.