NGASSA AWANUNIA WOTE AZAM KUSHINIKIZA KUREJEA YANGA, LAKINI AAMBIWA ATAJIJU CHAMAZI TU

 

USO WA MBUZI; Ngassa akiwa kwenye benchi la wachezaji wa akiba Azam kama hahusiki vile 

KOCHA wa Azam FC, Muingereza Stewart Hall amesema hamtumii Mrisho Khalfan Ngassa kwa sasa, kwa sababu haonyeshi dalili za kutaka kucheza.

“Hana jitihada zozote, hajitumi, hana hamu ya kucheza, siwezi kumchezesha,”alisema Stewart mapema tu, kabla ya mechi ya Robo Fainali dhidi ya Simba SC, Uwanja wa Taifa, Dar es Salaam.

Pamoja na kucheza bila Ngassa, Azam imeshinda 3-1 na kuingia Nusu Fainali, ambako itamenyana na AS Vita ya Jamhuri ya Kidemokrasia ya Kongo (DRC).

Kuna tetesi kwamba, Ngassa yupo kwenye mgomo baridi kushinikiza uhamisho wa kurejea Yanga, lakini habari ambazo  vijimambo imezipata kutoka ndani ya Azam, zinasema kwamba, klabu hiyo itaendelea kuishi naye hivyo hivyo ‘kimakunyanzi’ hadi amalize mkataba wake msimu ujao. Licha ya mgomo huo leo kocha wa Azam muingerza Stewart Hall alimwingiza akitokea benchi na kuipatia bao la ushindi timu yake na kuiwezesha kuingia finali. Baada ya kufunga bao hilo alienda kushangilia upande wa waliopo washabiki wa Yanga na sio kule wa Azam kama unavyo ona katika picha hii chini.

Ngassa akishangilia bao lake la mashabiki wa Yanga