SHUKURANI ZA DHATI

Ndugu Watanzania waishio ndani na nje ya Marekani, Jumuiya ya Watanzania waishio eneo la Ghuba (Bay Area) na vitongoji vyake, marafiki wote wa familia ya Marehemu Ndugu Mwesigwa Blandesi, Uongozi na Wanachama wa TCO, Viongozi wa Jumuiya zote za Kitanzania hapa Marekani, Balozi wa Heshima (California) ,Ubalozi wa Tanzania nchini Marekani, na Jumuiya mbalimbali za nchi za Kiafrika nchini Marekani,
Ninachukua nafasi hii kuwaletea taarifa na maendeleo (updates) ya maandalizi ya mazishi ya aliyekuwa Mwenyekiti wa TCO (Tanzanian Community Organization) katika jimbo la California kaskazini (Northern California).
Hatimaye Kamati ya maandalizi ikiongozwa na M/Kiti msaidizi Ndugu Dr. M. Kaaya pamoja na Mwakilishi wa familia Ndugu Erick Byorwango iliweza kukamilisha taratibu zote za kumwezesha mwenzetu kusafirishwa kwenda nyumbani Tanzania kwa ajili ya mazishi.
Mwili wa Marehemu pamoja na familia waliondoka siku ya Ijumaa tarehe 6/6/2014, wameshawasili Tanzania tayari kwa mazishi yakayofanyika siku ya Jumanne tarehe 10/6/2014 nyumbani kwa Marehemu Bukoba Tanzania.

Kwa niaba ya familia ya Marehemu Ndugu Mwesigwa, natoa shukurani za
dhati kwa misaada yenu ya hali na mali, sala na dua zenu katika kipindi chote cha maombolezo. Kutokana na upendo na ushirikiano wenu wa hali ya juu, tuliweza kupokea michango pamoja na rambirambi jumla ya kiasi cha $30,600.00 ($24,600 kutoka kwa Watanzania, ndugu, jamaa na marafiki, Jumuiya mbalimbali za Kitanzania na nchi za Bara la Afrika, Ubalozi wa Heshima pamoja na Ubalozi wa Tanzania nchini Marekani, na $6,000 kutoka kwa TCO).
Asanteni sana sana!. Mwenyenzi Mungu awarudishie mara dufu pale mlipotoa. Tuendelee na upendo, ushirikiano na amani miongoni mwetu katika kudumisha Utanzania na utamaduni wetu kwa ujumla.
Shukrani za pekee kwa Ubalozi wa Tanzania nchini Marekani kwa kuweza kutoa ushirikiano wa hali ya juu katika kukamilisha taratibu zote za usafirishaji wa Marehemu kwenda nyumbani Tanzania.
Shukurani za peekee pia zimwendee Mchungaji Lucy C. wa kanisa la "Resurrection Lutheran Church" mjini Oakland kwa huduma za kiroho kwa muda wote Marehemu alipokuwa anaumwa mpaka mauti ilipomfika.

Tunawashukuru pia timu ya Vijimambo kwa kuweza kutusaidia kutoa na kusambaza taarifa na matukio mbalimbali kuhusiana na msiba huu.
Mungu ibariki Tanzania, Mungu ibariki Afrika.
Asante,
Mbise E.