UCHAWI:3 SOMA BAHATI YAKO (NYOTA YAKO) LUCKY STARS

Katika hadithi ifuatayo

iliyosimuliwa na Abu

Dawood na Ibni Majah

hadithi ambayo Sheikh Al

Albani ameitaja kuwa ni

"hadithi njema", na hadithi

hii pia ni dalili kwamba

elimu ya kutabiri kwa nyota

ambayo huandikwa katika

magazeti na watu hupenda

kusoma kwa kutaka kujua

bahati zao, kitendo hiki ni

haramu na yeyote

atakayesoma nyota yake,

basi swala zake hazikubaliwi

kwa muda wa siku arobaini,

hii ikiwa anasoma na huku

haziamini, amma akisoma

na huku anaziamini, basi

anaingia katika hukumu ya

aliyemuendea mtabiri na

kumuuliza jambo, na

anakuwa amekwisha kufuru

yote aliyoteremshiwa

Muhammad (Swalla Llaahu

‘alayhi wa sallam).

Mtume (Swalla Llaahu

‘alayhi wa sallam)

amesema:

"Atakayejifunza sehemu ya

elimu ya nyota (utabiri)

amejifunza sehemu ya

uchawi, akiongeza

atakachoongeza (katika

uchawi au nyota)."

Na hii ni kwa sababu

wanaosoma elimu ya nyota

(utabiri) wanaamini kwamba

katika nyota wanaishi majini

ambao ni masultani na

wakuu, na wanaitakidi kuwa

mambo yetu yote

husababishwa na harakati

za nyota hizo kila

zinapotaharaki kutoka

mahali kuelekea pengine.

Kwa ajili hiyo wao huzingoja

nyota hizo masaa mengi ya

usiku ili wapate kuandika

talasimu zao, na huku ni

sawa na kuziabudu nyota

hizo.

(Pana tofauti baina ya elimu

ya anga za juu (Astronomy)

ambayo haina ubaya

wowote ndani yake, na elimu

ya nyota (Astrology) -

utabiri - ambayo ni

haramu).

Ushahidi Mwengine

unapatikana katika hadithi

iliyosimuliwa na Umran bin

Hussain (Radhiya Llaahu

‘anhu) aliyesema kwa

Mtume (Swalla Llaahu

‘alayhi wa sallam)

amesema:

“Hayuko pamoja nasi

mwenye kuamini juu ya

nukhsi ( waarabu walikuwa

wanapotaka kusafiri

humrusha ndege na

akielekea upande wa kulia

basi husafiri, amma

akielekea upande wa

kushoto huamini ni ukorofi

na kuivunja safari yake), na

pia hayuko pamoja nasi

mwenye kupiga ramli au

mwenye kupigiwa, na

atakayemuendea mtabiri na

akamsadiki asemayo basi

kesha kufuru yale

aliyoteremshiwa Muhammad

(Swalla Llaahu ‘alayhi wa

sallam)."

Al Bazaar.

Katika hadithi hizi Mtume

(Swalla Llaahu ‘alayhi wa

sallam) anatukataza

tusiwaendee wachawi wala

watabiri wa aina yoyote ile

kwa kuwauliza juu ya jambo

lolote lile, hata kama

atajibadilisha na kujiita

AlHajj Fulani au Sheikh

Fulani au Maalim Fulani au

Mganga Fulani na hii ni

kutokana na kufru zao

wanazozifanya kwa

kuwasujudia majini na

kuridhishana nao ili

wawatumikie.

Na hii ni dalili kwamba

uchawi upo, maana kama

haupo, basi Mtume (Swalla

Llaahu ‘alayhi wa sallam)

asingetukataza kufanya

kisichokuwepo.

Pia hadithi hizi

zinatufahamisha kwamba

mambo haya ni haramu na

atakayeyatenda anakuwa

amekwishayakanusha yale

aliyokuja nayo Mtume

Muhammad (Swalla Llaahu

‘alayhi wa sallam) kwa

sababu aliyokuja nayo

Mtume (Swalla Llaahu

‘alayhi wa sallam) ni

kwamba hapana aijuwae

ghaibu isipokuwa

MwenyeziMungu

Subhaanahu wa Taala.

Hadithi ziko nyingi sana,

lakini hizi pamoja na aya

zilizotangulia zinatosha

kuwa ni dalili kwamba yote

hayo yametajwa katika Qur-

aan na katika mafundisho ya

Mtume (Swalla Llaahu

‘alayhi wa sallam).