Msanii asema, nilidhani nimerogwa kumbe TB

By Tumaini Msowoya, Mwananchi tmsowoya@mwananchi.co.tz

“Nilidhani nimerogwa baada ya kuugua bila kupata ahueni kwa kipindi fulani, ilibidi niende kwa mganga wa kienyeji kupata tiba.

“Hata hivyo, sikupona na niliendelea kudhoofika, baadaye dada yangu (marehemu) akanishauri niende hospitali, ndiyo wakabaini naumwa Kifua Kikuu (TB).”

Hivi ndivyo msanii wa ngoma za asili kutoka kikundi cha Mukikute jijini Dar es Salaam, Gota Ngogota alivyokuwa akizungumzia TB baada ya kupata matibabu halisi kutoka hospitali na kupona.

Simulizi ya Ngogota

Awali, Ngogota aliamini kuwa amerogwa kwa sababu homa zilizokuwa zinamkumba hakujua zinasababishwa na nini.

Aliamua kwenda kwa waganga wa jadi kupata tiba akijua afya yake itatengemaa na kuendelea na maisha kama kawaida kwa sababu dalili alizokuwa anapata alijua zinatokana na ‘nguvu za giza.’