MFANYAKAZI WA ZAMANI WA VOA ANNA IDDRISSU AFARIKI DUNIA

Bi.Martha Addisson wa Winchester Virginia na Fatima Iddrissu wa Tanzania wanasikitika kifo cha mama yao mzazi Bi.Anna Nendiwe Iddrisu aliyekuwa mfanyakazi wa zamani wa VOA, mama Anna Iddrissu alifariki dunia Jumanne mchana katika hospitali ya Muhimbili jijini Daresalaam. Mama Anna Iddrissu aliwahi kufanya kazi idhaa ya Kiswahili ya Sauti ya Amerika (VOA) katika miaka ya 70 hadi 90. Kabla ya kuwasili Washington alikuwa mtangazaji wa idhaa ya Kiswahili ya radio ya Ghana huko Accra na baada ya kustaafu VOA Bi. Nendiwe alirudi nyumbani Tanzania na kuanzisha studio yake ya kutayarisha vipindi vya maswala vya kijamii "Power house Production", akiwa na kipindi maarufu cha Tikisa kilichokuwa kinarushwa na kituo cha runinga cha ITV Dar-es-salaam. Marehemu Nendiwe anatarajiwa kuzikwa Jumatatu kwenye makaburi ya Kinondoni Daresalaam Tanzania. Ameacha watoto wawili na wajukuu wanne. Mungu ailaze roho yake mahala pema peponi.Amen.