BODI YA FILAMU: UWASILISHAJI FILAMU WAONGEZEKA

Katibu Mtendaji Bodi ya Filamu Tanzania, Bi. Joyce Fissoo (kulia) akieleza jambo wakati alipokutana na mtangazaji wa kipindi cha Amplifaya cha Clouds FM, Bwana. Pancras Mayala (kushoto) leo katika ofisi za Bodi jijini Dar es Salaam.

Na. Benedict Liwenga-Maelezo

Bodi ya Filamu Nchini imekiri ongezeko la uzingatiaji wa Sheria ya Filamu na Kanuni zake unaofanywa na watengenezaji na wasambazji wa filamu wa ndani na nje ya nchi. Aidha imethibisha kuwa uwasilishaji wa filamu Bodi umeongezeka kwa kiwango cha kuridhisha baada ya wengi wa wadau kuitikia wito wa kuwasilisha kazi zao ili ziweze kukaguliwa na kupewa madaraja stahiki.

Vile vile Bodi imefafanua kuwa filamu na muziki iliyo katika video isiyofungiwa kwa kukosa maadili na zinazoendelea kurushwa ama kuonyeshwa bila kuzuiwa haimaaninishi ni halali isipokuwa zinapaswa kuwasilishwa Bodi kwa mujibu wa Sheria na Kanuni kabla ya kwenda kwa walaji.

Hayo yamesemwa leo na Katibu Mtendaji Bodi ya Filamu Tanzania, Bi. Joyce Fissoo wakati alipokuwa akifanya mahojiano na Clouds Media Group ofisi kwake jijini Dar Bi. Fissoo amesema kuwa Bodi ya Filamu ilianzishwa kwa mujibu wa Sheria ya Filamu na Michezo ya Kuigiza namba 4 ya mwaka 1976 Sheria ambayo ilitanguliwa na Sheria ya Picha za Sinema ya mwaka 1930 jambo linalodhihirisha ukongwe wa tasnia ya filamu nchini. Bodi inafanya kazi zake kwa kujielekeza katika kusimamia Sheria ya hiyo na Kanuni zake .

Akijibu swali toka kwa mtangazaji wa kipindi cha Amplifaya cha Clouds FM, Bwana Pancras Mayala lililotaka kujua filamu ngapi zilizofungiwa na Bodi ya Filamu na sababu za kufungiwa kwa filamu hizo, Bi. Fissoo amesema kuwa mpaka sasa ofisi yake imepoke na kushughulikia jumla ya kazi zipatazo 1059 kutanzia 2011 hadi Januari 2014 ikiwa ni kwa maana ya majina.

“Mwaka 2011 mpaka sasa tumepokea na kushughulikia filamu 1059 ikiwa ni kwa maana ya majina, lakini ukienda kwa maana ya Part 1 na Part 2 maana yake ni jumla ya filamu 2118 ambapo kati ya hizo filamu 123 sawa na asilimia 5.8 zilielekzwa kufanyiwa marekebisho na filamu 7 sawa asilimia 0.33 hazikuruhusiwa kati ya mwaka 2011 hadi juni 2013 ambazo ni za ndani na za nje 2.4 hazikuruhusiwa.

Aidha kati ya Julai 2013 hadi 2014 jumla 570 zilipokelewa zikiwemo filamu 263 zilizokuwa zimeshaingia sokoni na kati ya hzo filamu 16 zilielekezwa kufanyiwa marekebisho. Tayari filamu zilizoelekezwa kufanyiwa marekesho 14 zimekwisha wasilishwa na kupewa kibali na filamu mbili za MV Spice na Nimekubali Kuolewa hatuajapokea marekebsho. Hakuna filamu iliyofungiwa kati ya julai 2013hadi Januari 2014”. Alisema Bi. Fissoo.

Aliwapongeza wadau wa filamu kwa kupunguza kwa kiasi kikubwa filamu zisizoendana na maadili na kusisitiza umuhimu wa kuzingatia ubora na viwango. Kwa upande wake mtangazaji wa Clouds Media, Bwana Mayala alitaka kujua ni vigezo gani vinavyotumika katika kuzuia filamu zisiende kwa walaji ambao ni watazamaji, Bi. Fissoo alifafanua kuwa Bodi ya Filamu inazuia filamu kwa mujibu wa sheria na vipo vipengele mbalimbali vitumikavyo katika kufanya zoezi hilo aidha alimpitisha mtangazaji huyo aktika vifungu hivyo vya sharia na kanuni .

vile vile alieleza kuwa kabla ya kufikia hatua hiyo maneneo yote yanayoshauriwa kurekebishwa au kuondoshwa hupitiwa kwa pamoja kati ya Bodi na wenye kazi na kufikia muafaka. Katika eneo hilo tumeendelea kupata ushirikiano mkubwa sana.

Aidha, Bi. Fissoo amewaasa wadau mbalimbali wa filamu Tanzania kushirikiana kwa pamoja katika kutekeleza mambo yaliyoelekezwa kwa mujibu wa sheria, na kwa wasanii amewasisitizia kuwasilisha miswada ya kazi zao ili iweze kupitiwa na Bodi na baadae filamu iwezwe kutengenezwa. Alisisitiza kuwa ofisi za Bodi ziko wazi kwa wadau wote na wakati wowote wanapohitaji ufafanuzi wanakaribishwa kwa bodi kwa ajili ya kuwahudumia wananchi wote

chanzo:HAPA