Timu ya Taifa ya Uingereza yawasili nchini Brazil.

Kikosi cha Uingereza kitakachopambana kwenye kombe la dunia kimewasili nchini Brazil mara baada ya kupaa na ndege mpaka Amerika ya kusini kutoka Florida kufuatia sare ya bila kufungana dhidi ya Honduras.

Kocha,Gary Neville aliongozwa chini ya chama husika katika kupiga hatua kwenye uwanja wa ndege wa Rio de Janeiro pamoja na beki,Gary Cahill ambaye ndiye mchezaji wa kwanza kuondoka na ndege mara baada ya kupaa kwa masaa nane na nusu kutokea Fort Lauderdale.

Kikosi hicho kwasasa kitaweka makazi katika mji wa Rio mara baada ya kusafiri kwa gari kwa mwendo wa saa zima kutokea uwanja wa ndege.

Meneja,Roy Hodgson atakiongoza kikosi chake katika kufanya mazoezi ya Jumatatu asubuhi yakifuatiwa na mapumziko ya siku ya Jumanne asubuhi.

Kikosi kitafanya tena mazoezi siku ya Jumatano asubuhi kabla ya

kupanda ndege mpaka Manaus siku ya Alhamisi kwaajili ya kujiandaa na mchezo wao wa kwanza wa kundi D dhidi ya Italia utakaopigwa Jumamosi.

Kutakuwa na sehemu ya mazoezi ndani ya Manaus siku ya Alhamisi Jioni na mkutano wa waandishi wa habari siku ya Ijumaa ikifuatiwa na sehemu nyingine ya mazoezi ya maandalizi ya mwisho.

Uingereza wataanza kampeni zao za kombe la dunia dhidi ya Italia katika dimba la Arena Amazonia usiku wa Jumamosi ijayo