SLIM:SITASAHAU WAKWE WALIVYONIACHANISHA NA MKE WANGU!

Salumu Mbegu ‘Slim’.

KAMA ilivyo kawaida ya safu hii ya Kiti cha Moto, wiki iliyopita tulimleta kwenu staa wa sinema za Kibongo, Salumu Mbegu ‘Slim’ ambapo mlituma maswali kibao ambayo wiki hii anayajibu na kuyadadavua. UNGANA NAYE…

WANAYENakupongeza sana kwa kazi yako, watoto wako wanaitwa nani na nani? Zakia Ramadhani, Singida, 0762155709

SLIM: Asante, watoto wangu ni Shufaa na Sakina.

MPANGO WA KUOA TENA

Kwanza nakupa hongera kwa mafanikio uliyokuwa nayo katika sanaa lakini pia nakupa pole kwa kupoteza ndoa, je, una mpango wa kuoa tena na nini kilichokusababisha uachane na mkeo? Amiri Salumu, Dar, 0653252416

SLIM: Asante, mpango wa kuoa kwa kila binadamu upo na wakati ndiyo huu, sababu kubwa ya kuachana na mke wangu ni wazazi wake na yeye mwenyewe kutokuwa na msimamo. Sitasahau wakwe zangu walivyoniachanisha na mke wangu.

ELIMU

Kaka nakukubali sana, vipi kiwango chako cha elimu? Chia, Kibaha, 0653508471

SLIM: Nina elimu ya kidato cha nne na chuo cha filamu, nilisomea nchini Afrika Kusini.

MIAKA YA SANAA

Slim una miaka mingapi tangu ujitose kunako gemu la filamu Bongo na je, kwa nini umeamua kuachana na mkeo? Salim Liundi, Dar, 0659601205

SLIM: Kwenye masuala ya sanaa niko kwa miaka kumi na tatu lakini kuigiza filamu huu ni mwaka wa saba. Kuhusu mke nimeshaeleza hapo juu.

ASILI YAKE

Slim upo vizuri kwenye fani, hivi wewe kiasili ni Mwarabu au ni hizi krimu zetu tu na milo mizuri? Rocky, Moshi, 0715289337

SLIM: Mimi ni mchanganyiko wa Mwarabu na Mswahili.

‘Slim’ akiwa na Batuli.

URAFIKI

Nakukubali sana kaka Slim, naomba niwe rafiki yako wa kubadilishana mawazo. Irine, Dar, 0718485602

SLIM: Karibu sana.

AIGIZE NA GABO

Mimi nakukubali sana jamaa, natamani siku moja ucheze muvi na Gabo nakuaminia. Shebi, Mwandege, 0716641226 

SLIM: Nafurahi sana kusikia hivyo asante, Gabo nimeigiza naye na nitaendelea kucheza naye filamu zinazofuata.

NJE YA FANI

Slim wewe ni msanii wa Bongo Muvi na upo vizuri kwenye kazi yako, nakupongeza sana ila tofauti na filamu unajishughulisha na nini au unafikiria kufanya nini hapo baadaye? Rachel Simon, Mbeya, 0766120552

SLIM: Nafanya biashara na nafikiria kuwa msanii wa filamu wa kimataifa zaidi.

KUUZA MAGAZETI

Kaka Slim umejikita kwenye ulimwengu wa filamu, vipi ile kazi yako ya kuuza magazeti nchi za nje umeacha? Euro, Dar, 0719192910

SLIM: Ahahaha…tobaaa magazeti gani nauza! Mimi nilikuwa nafanya biashara za kawaida tu za simu na laptop, sijawahi kufanya kazi ya kuuza magazeti japo ni kazi nzuri sana.

YEYE NA BATULI

Mimi nakukubali sana, vipi ulishawahi kutoka kimapenzi na Batuli? Msomaji, 0758589308

SLIM: Hapana.

UIGIZAJI

Eti Slim ulifikiria nini mpaka ukaingia kwenye kuigiza? Ramjane, 0713811864

SLIM: Nilishauriwa nikaufanyia kazi ushauri pia nilikuwa naipenda sana hii kazi.

MITINDO

Slim kabla ya uigizaji uliwahi kuwa mwanamitindo au mbunifu? Noel Kibere, Moshi, 0714300280

SLIM: Hapana, nilikuwa modo kwenye matangazo mbalimbali.

YEYE NA ANTI LULU

Namjua Slim alikuwa na uhusiano na Anti Lulu mpaka akagombana na Bond Bin Sinan (aliyekuwa mpenzi wa Anti Lulu). Prince, Dar, 0656438787

SLIM: Haijawahi kutokea mimi kugombana na Bond na sijawahi kutoka na Anti Lulu.