Jeshi la Polisi Kanda Maalum ya Dar es Salaam linawashikilia na kuwahoji watu 15 ambao wanatuhumiwa kwa makosa ya kula njama pamoja na kujaribu kumtorosha Askofu Josephat Mathias Gwajima ambaye amelazwa katika Hospitali ya TMJ kwa matibabu
Mnamo tarehe 29/03/2015 majira ya saa tisa na dakika thelathini usiku watu hao 15 katika hali isiyo ya kawaida walifika hospitalini hapo wakidai kwamba walikuwa wanataka kwenda kumuona mgonjwa huyo. Askari ambao wapo katika lindo hilo waliwatilia mashaka watu hao hivyo waliwakatalia kuingia. Kundi hilo la watu 15 lilijaribu kutumia nguvu kuingia katika chumba alicholazwa askofu Gwajima lakini walikamatwa na kikosi maalum cha Polisi ambacho kabla ya tukio hilo walikuwa wanafuatilia mwenendo wa kundi hilo.
Baada ya kukamatwa watuhumiwa hao walipekuliwa hapo hapo TMJ na kukutwa na Begi ambalo lilikuwa na vitu mbalimbali kama ifuatavyo:
1. Silaha ambayo ni Bastola aina ya BERRETA yenye namba CAT5802 ikiwa na risasi tatu.
2. Risasi 17 za Shortgun.
3. Vitabu viwili vya Hundi (Cheque Books)
4. Hati ya kusafiria yenye jina la GWAJIMA JOSEPHAT MATHIAS yenye namba AB 544809.
5. Kitabu cha Hundi cha EQUITY Bank.
6. Nyaraka mbalimbali za kampuni ya PUMA
7. Chaja ya Simu na Tablets
8. Suti mbili na nguo za ndani.
Orodha ya watuhumiwa waliokamatwa ni kama ifuatavyo:
1. CHITAMA S/O MWAKIBAMBO, Miaka 32, Fundi Selemala, Mkazi wa Gongolamboto.
2. EDWIN S/O AUDEX, Miaka 24, Mchungaji, Mkazi wa Kawe Maringo.
3. ADAM S/O MWASELELE, Miaka 29, Mhandisi, Mkazi wa Kawe Maringo.
4. FREDERICK S/O FUSI, Miaka 25, Mkazi wa Mbezi Beach.
5. FRANK S/O JOHN MINJA, Miaka 24, Mwanafunzi IMTU, Mkazi wa Mbezi Beach.
6. EMMANUEL S/O NGWELA, Miaka 28, Mlinzi Shirikishi, Mkazi wa Keko Juu.
7. GEOFREY S/O WILLIAM, Miaka 30, Mhadhiri UDSM, Mkazi wa Survey Chuo Kikuu.
8. MATHEW S/O NYANGUSI, Miaka 62, Mchungaji, Mkazi wa Mtoni Kijichi.
9. BONIPHACE S/O NYAKYOMA, Miaka 30, Mchungaji, Mkazi wa Kitunda.
10. GEOFREY S/O ANDREW, Miaka 31, Dereva, Mkazi wa Kimara Baruti.
11. DAVID S/O MGONGOLO, Miaka 24, Mchungaji, Mkazi wa Ubungo Makoka.
12. GEORGE S/O MSAVA, Miaka 45, Mfanyabiashara, Mkazi wa Ilala Boma.
13. NICHOLAUS S/O PATRICK, Miaka 60, Mchungaji, Mkazi wa Mbagala Mission.
14. GEORGE S/O KIWIA, Miaka 37, Dalali wa magari, Mkazi wa Tandale Uzuri.
15. YEKONIA S/O BIHAGAZE, Miaka 39, Mchungaji, Mkazi wa Kimara Stop Over.
Baada ya upekuzi kukamilika watuhumiwa walifikishwa kituo cha Polisi cha Oysterbay kwa mahojiano zaidi ikiwa ni pamoja na kupata uhalali wa wao kumiliki silaha hizo na risasi mpaka walipokamatwa.
Upelelezi wa shauri hilo unaendelea kwa madhumuni ya kubaini sababu za njama hizo sambamba na kujua mbinu zote zilizotumika kutaka kufanikisha jaribio la kumtorosha Askofu Josephat Mathias Gwajima.
S. H. KOVA
KAMISHNA WA POLISI KANDA MAALUM
4 comments:
A nice movie to watch.
Jamani mbona serikali inajiingiza kwenye maswala ya huyu askofu too much mliyaacha maswala ya wizi wa billions pesa za serikali hamkusema chochote leo hii mnamkosesha askofu uhai wake kwa maswala ambayo hayana maana mgojee apone kwanza....jamani ni dhambi kubwa sana mnatenda
Dhambi gani hapo wanayotenda sasa.
Watu wanatimiza wajibu wao come on guys!! Acheni lawama za kijinga jinga
Watu wanaojariu kumtorosha wana matatizo; ya kisaikolojia, kkitikadi na kisheria. Kwa nini? Wamwacheni aimbie dunia kupitia vyombo vya kimahakama kwamba hana hatia na kwamba kukamatwa kwake ni chuki binafsi.
Huyu Gwijima, ni mtu wa kawaida tu kama wewe na mimi. Mwone hivyo na mwache hivyo! Kama unafikiri tofauti na mawazo yangu ndio ubinadamu, lakini usifikirie kufanya vitendo vyenye kukutia matatani kwa kujaribu kumtetea mtuhumiwa pasipo kufuata sheria!!!
Post a Comment