SHUKURANI WANADMV

Wapendwa ndugu zangu wana DMV (District of Columbia, Maryland na Virginia) na

ndugu watanzania kutoka states mbalimbali, Salaam. Kwa niaba ya familia yangu na

kwa niaba yangu binafsi napenda kutoa shukrani zangu kwa mtiririko wa ajabu na wa

upendo ambao ulikuja kwetu tangu tulipofikwa na msiba mzito huko kijiji cha Sima,

wilayani Sengerema, mkoa wa Mwanza, Tanzania mwezi May 11, 2016. Natoa shukrani

kwa faraja mliyo tupa wakati wa kipindi cha majaribu. Binadamu huwa tuna umia sana

kupoteza wapendwa wetu hata tunapoona wanaumwa kupindukia na kwa muda mrefu.

Lakini msiba huu ulikuwa tofauti. Mlitufariji mno.

Tuna shukuru sana kwa michango mingi ambayo ilitolewa kwa upendo ili kufanikisha

mazishi. Kwa niaba ya familia, ninatoa shukrani za kina kwa ukarimu wenu mlio

uonyesha kutoka ndani ya mioyo yenu. Naishukuru serikali ya Tanzania, hususani

Makamu wa Rais mama Samia Suluhu kwa kufika nyumbani, pia na serikali ya mkoa na

wilaya kwa msaada uliotolewa.

August 6, 2016 kulifanyika misa kumshukuru Mungu na kuwakumbuka waliotuacha,

kama Mtume Paulo alivyosema: Mshukuru Mungu kwa kila jambo; (Wathesalonike

5:18). Hata ikiwa ni nyakati bora au nyakati mbaya, Mungu yupo pamoja nasi.

Wapendwa wengi wanaoishi DMV na majimbo mengine ya USA jumla ya watu karibu

mia tatu walihudhuria.

Inakuwa vigumu sana kutoa shukrani kwa mtu mmoja mmoja kutokana na ushirikiano

wenu mlio utoa. Sina maneno ya kutosheleza shukrani zangu kwenu, maana najua

maneno peke yake hayatoshelezi na hayawezi kuonyesha faraja kubwa niliyo nayo mimi

na familia yangu kutokana na upendo wenu mliouonyesha.

Napenda pia kushukuru ofisi ya Ubalozi wetu wa Tanzania hapa Washington D.C. kwa

uwakilishi wenu; Ndugu Colonel Aldolph Mutta na ujumbe wake walikuwako. Kutokana na muda

kuwa mdogo hamukuweza kupata nafasi kutoa salaam lakini, uwakilishi wenu

haukupita bila kutambulikana. Mbarikiwe sana.

Napenda pia niishukuru ofisi kuu ya Evangelical Lutheran Church in America (ELCA): Africa Desk kwa kukubali kutupatia Mhubiri Mch. Nicholaus Chove kutoka Texas. Alifanya kazi nzuri sana, na Mungu asifiwe sana.

Kwa kumalizia napenda tena kusema asanteni sana kwa kufika kwenu kwenye ibada.

Napenda kutoa shukrani zangu za pekee kwa akina mama waliojitolea kwa moyo

mkunjufu kututayarishia chakula, Nawashukuru akina baba kwa kuleta vinywaji laini.

Nawapenda na Mungu awabariki sana.

Mch. John Mbatta