LEMA AMTAKA MBOWE KUSIKILIZA USHAURI WA FAMILIA YAKE WA KUTOGOMBEA TENA

Aliyekuwa Mwenyekiti wa Chadema Kanda ya Kaskazini, Godbless Lema amtaka mwenyekiti wa chama hicho Freeman Mbowe kutogombea tena nafasi hiyo kama alivyoshauriwa na familia yake.

Lema ameyasema hayo leo jijini Dar es Salaam wakati akizungumza na waandishi wa habari ambapo amesema mara kadhaa Mbowe amekuwa na nia ya kupumzika na kuwaachia nafasi vijana lakini wanachama wamekuwa wakimshauri kuendelea kuwa katika nafasi hiyo.

Amesema anamuheshimu sana Mbowe kwa kazi kubwa aliyoifanya hasa ya kukijenga chama hicho lakini anamuomba kwa sasa asikilize ushauri wa familia yake inayomtaka kutogombea nafasi hiyo.

MAANDALIZI YA MKUTANO WA NISHATI WA WAKUU WA NCHI AFRIKA (MISSION 300) YAMEFIKIA ASILIMIA 95- DKT. BITEKO

Na Ofisi ya Naibu Waziri Mkuu na Waziri wa Nishati

Naibu Waziri Mkuu na Waziri wa Nishati, Mhe.Dkt.Doto Biteko amesema kuwa maandalizi ya Mkutano wa Nishati wa Wakuu wa Nchi za Afrika wenye lengo la kuharakisha upatikanaji umeme kwa Waafrika milioni 300 ifikapo 2030 (Mission 300) utakaofanyika tarehe 27 na 28 Januari jijini Dar es Salaam yamefikia asilimia 95.

Dkt.Biteko amesema hayo tarehe 15 Januari 2025 mara baada ya kukagua maandalizi ya Mkutano huo katika Kituo cha Kimataifa cha Mikutano cha Julius Nyerere (JNICC) Jijini Dar es Salaam akiwa ameambatana na Mkuu wa Mkoa wa Dar es Salaam, Albert Chalamila.

Amesema Wakuu wa Nchi 54 kutoka Bara la Afrika wanatarajiwa kushiriki pamoja na viongozi wengine ambao ni Mawaziri wa Fedha na Nishati kutoka barani Afrika, Marais wa Benki ya Dunia (WB) na Benki ya Maendeleo Afrika (AfDB), pamoja viongozi kutoka Jumuiya ya Ulaya na Jumuiya ya Umoja wa Afrika ambapo kazi zinazoendelea kwa sasa ni pamoja na kukamilisha ukarabati wa ukumbi wa JNICC.

“Kazi nyingine zinazoendelea ni pamoja na usajili na uthibitisho wa wageni ambao watakuja kwa ajili ya ushiriki na ukarabati wa maeneo mengine yatakayotumika kwenye mkutano huu, nichukue nafasi hii kuupongeza uongozi wa Mkoa wa Dar es Salaam kwa hatua iliyofikiwa na kuliweka jiji kwenye mandhari ya kuvutia.” Amesema Dkt.Biteko

WAKILI ACHAGULIWA KUWA MWENYEKITI MPYA WA BAVICHA

Wakili wa mahakama kuu ya Tanganyika Deogratius Mahinyila leo ametangazwa kuwa mwenyekiti mpya wa taifa wa Baraza la Vijana wa CHADEMA yaani BAVICHA kufuatia uchaguzi mkuu wa baraza la vijana wa CHADEMA uliofanyika ukumbi wa Ubungo Plaza jijini Dar es Salaam

Wakili Deogratius Mahinyila ni mhitimu wa chuo kikuu University of Dar es Salaam (UDSM) degree LLB na amepita shule ya Sheria na kusajiliwa pia kuthibitishwa kutumika na wateja wa huduma za kisheria na utetezi kama wakili wa Mahakama Kuu ya Tanzania

Wakili Deogratius Mahinyila anarithi mikoba ya mwalimu John Pambalu ambao muda wake wa uongozi kama mwenyekiti wa BAVICHA taifa umekwisha

JINSI YA KUWEKEZA KWENYE SAMIA INFRASTRUCTURE BOND

AJS TV USA: SABABU ZA MOTO WA CALIFORNIA NCHINI MAREKANI

BRIDGING INTO I.T AND CAREER SPECIALIZATION PROGRAM

NEW AUTHOR IN TOWN

 

Tumsapoti mtanzania mwenzetu na kitabu chake cha mapishi

Thank you for your patient I know people have been asking and waiting for the book. TODAY I have exciting NEWS that @hakunamatatakitchen  COOK BOOK is ready on Amazon Hakuna Matata Kitchen: Swahili Cuisine  Link below

 https://a.co/d/3WuSB6V please welcome all and explorer the dishes 🙏 will continue to update more sites to buy the book thank you very much all KARIBUNI SANA 🙏 🙏 #tanzanianfood  #kenyanfoodie  #swahilifood  #ugandafood  #tanzania #tanzanianfood #rwanda #burundi #sanantoniocatering

https://www.instagram.com/p/DEqH0ajP64O/?igsh=cDZkaWh0dHJ0MjFu

WALIOKAIDI UKAGUZI MAGARI YA SHULE WAKAMATWA, WANANCHI WAOMBWA KULINDA KUNDI JIPYA LA WATUMIAJI WA BARABARA.

Na. Mwandishi Jeshi la Polisi Arusha.

Jeshi la Polisi kikosi cha usalama Barabarani kimesema kuwa baada ya kuhitimisha zoezi la ukaguzi wa magari ya shule(School Bus) kwa kipindi cha likizo ambacho kilitangazwa ili kuondoa usumbufu kwa wanafunzi wanaotumia vyombo hivyo kimeanza kuwakamata wale wote walio kaidi agizo hilo huku kikosi hicho kikiwaomba wananchi kuweka uangalizi wa kundi hilo.

Akiongea katika zoezi hilo Mkuu wa kikosi cha Usalama Barabarani Mkoa wa Arusha Mrakibu Mwandamizi wa Polisi SSP Zauda Mohamed amesema kuwa kikosi hicho kilitangaza zoezi hilo ambapo ameweka wazi kuwa wameanza operesheni za ukamataji wa magari ambayo haya jakaguliwa na kikosi hicho.

Ameongeza kuwa takwimu zinaonyesha kuna zaidi ya magari 563 ambayo yanatoa huduma kwa wanafunzi ambapo baada ya ukaguzi huo inaonesha bado magari 178 huku akiweka bayana kuwa kuanzia leo Januari 13,2025 wameanza kuwamata madereva waliokaidi ukaguzi huo.

JESHI LA POLISI MKOA WA SONGWE LINAWASHIKILIA WATUHUMIWA WANNE WA MAUAJI

BILIONEA MULOKOZI AWAITA WAFANYAKAZI WAKE KWENYE KARAMU

Na John Walter -Babati

Mkurugenzi wa Kampuni ya Mati super brands LTD David Mulokozi amewaalika wafanyakazi wake kwenye karamu ya chakula cha jioni iliyoandaliwa kifalme na kuitwa Royal Party.

Shughuli hiyo imefanyika Mjini Babati Mkoani Manyara huku wafanyakazi hao wakivalia mavazi ya aina mbalimbali yanayoashiria ufalme.

Tofauti na sherehe zingine za kuwa na foleni za chakula, watu walikuwa wakihudumiwa kwenye meza zao vyamula na vinywaji.

Burudani ya nguvu ilishushwa na wasanii Rayvanny, Mama Mawigi, Babu wa Tiktok na Zuli Comedy.

BALOZI NCHIMBI NA MONGELLA WAMTEMBELEA MZEE MANGULA

KATIBU Mkuu wa Chama Cha Mapinduzi (CCM), Balozi Dkt. Emmanuel John Nchimbi, akiambatana na Naibu Katibu Mkuu wa CCM (Bara), Ndugu John Mongella, amemtembelea kwa ajili ya kumsabahi na kumjulia hali Mzee Philip Japhet Mangula, Makamu Mwenyekiti wa CCM Mstaafu (Bara), nyumbani kwake Msalato, Dodoma, Jumapili tarehe 12 Januari 2025.

MAADHIMISHO YA MIAKA 61 YA MAPINDUZI MATUKUFU YA ZANZIBAR UWANJA WA GOMBANI PEMBA

Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akipokea Maandamano ya Wananchi katika Maadhimisho ya Kilele cha Miaka 61 ya Mapinduzi Matukufu ya Zanzibar, iliyofanyika katika Uwanja wa Ngombani Chakechake Pemba leo 12-1-2025 na (kulia kwa Rais) Rais wa Jamhuri ya Muungano wa Tanzania, Mhe. Dkt. Samia Suluhu Hassani.

Rais wa Jamhuri ya Muungano wa Tanzania, Mhe. Dkt. Samia Suluhu Hassan ameshiriki maadhimisho ya kilele cha Miaka 61, ya Mapinduzi Matukufu ya Zanzibar yaliyofanyika katika uwanja wa Gombani, wilaya ya Chakechake, mkoa wa Kusini Pemba, Zanzibar leo tarehe 12 Januari, 2025.Mgeni Rasmi wa maadhimisho hayo alikuwa Rais wa Zanzibar na Mwenyekiti wa Baraza la Mapinduzi Dkt. Hussein Ali Mwinyi.

MTOTO ALIYEPOTEA MKOANI RUVUMA 2024 APATIKANA, RPC ATOA ONYO KALI

Na Regina Ndumbaro Ruvuma

Mtoto Groly, mwenye umri wa mwaka mmoja, ambaye aliripotiwa kupotea mwaka 2024 katika Kata ya Mjimwema iliyopo Manispaa ya Wilaya ya Songea Mkoani Ruvuma, hatimaye ameonekana katika kata ya Lizabon iliyopo Wilaya ya Songea mjini akiwa salama mwaka 2025.

Kamanda wa Polisi Kamishina Msaidizi Marco Chilya amethibitisha taarifa hizo na kueleza kuwa mtoto huyo alipatikana baada ya juhudi za kina za vyombo vya usalama na ushirikiano wa wananchi.

Kamanda Chilya ametoa wito kwa jamii kuacha mara moja vitendo vya utekaji au vitendo vyovyote vinavyohatarisha usalama wa watoto.

Pia amesisitiza umuhimu wa kuwafichua watu wenye tabia kama hizo ili kuhakikisha haki inatendeka na kuzuia matukio kama hayo kutokea tena.

SIMBACHAWENE ATANGAZA UTARATIBU MPYA USAILI WA KADA ZA UALIMU KUANZIA JANUARI 14 HADI FEBRUARI 24

Waziri wa Nchi, Ofisi ya Rais, Menejimenti ya Utumishi wa Umma na Utawala Bora Mhe. George Simbachawene leo amezungumza na waandishi wa habari jijini Dodoma, na kutangaza kuwa kuanzia tarehe 14 Januari hadi terehe 24 Februari, 2025, usaili wa kada za Ualimu utaendeshwa na Ofisi ya Rais, Sekretarieti ya Ajira katika Utumishi wa Umma kwa kushirikiana na Ofisi ya Rais (UTUMISHI); Ofisi ya Rais (TAMISEMI); Wizara ya Elimu, Sayansi na Teknolojia; Wizara ya Afya; Tume ya Utumishi wa Walimu; Ofisi za Wakuu wa Mikoa yote na wataalamu mbalimbali kutoka katika Taasisi za Umma.

"Usaili huu una lengo la kujaza nafasi elfu kumi na nne mia sita na arobaini na nane (14,648) zilizotolewa na Mheshimiwa Rais kwa lengo la kupunguza uhaba wa walimu nchini.

Ninapenda kuchukua nafasi hii kuwasihi sana wale wote walioitwa kwenye usaili wajiandae vyema kwa usaili huo kwani nafasi hizi ni za ushindani.

"Vilevile, kulingana na mahitaji yetu ya elimu kwa sasa, tutaajiri wataalamu wa fani za Amali. Hivyo, nawasihi sana wale wote watakaopata nafasi ya kuajiriwa, wawe tayari kujiendeleza ili kuweza kukidhi matakwa ya ajira zao katika Utumishi wa Umma." alisema Waziri Simbachawene.

WITO WA POLISI MANYARA KUHUSU USALAMA WA WANAFUNZI

Na John Walter -Manyara

Wakati shule zikitarajiwa kufunguliwa Jumatatu, Januari 13, 2025, kwa ajili ya kuanza muhula mpya wa masomo, Jeshi la Polisi Mkoa wa Manyara limetoa wito kwa wamiliki wa shule kuhakikisha magari ya kubeba wanafunzi yanakaguliwa ili kudhibiti ajali za barabarani.

Kamanda wa Usalama Barabarani Mkoa wa Manyara, Michael Mwakasungula, amesema kuwa jeshi hilo limejipanga kufanya ukaguzi wa kina kwa magari ya shule pamoja na vyombo vingine vya moto ili kuhakikisha usalama wa wanafunzi na kudhibiti ajali zinazoweza kutokea kutokana na uzembe wa madereva.

Mwakasungula pia amewataka wazazi wanaotumia usafiri wa bodaboda kusafirisha wanafunzi kuacha mara moja, akisisitiza kuwa usafiri huo si salama kwa watoto. Kamanda Mwakasungula ameongeza kuwa hatua kali za kisheria zitachukuliwa dhidi ya wazazi au wamiliki wa bodaboda watakaokutwa wakikiuka agizo hilo.

WAZIRI KASSIM MAJALIWA AMUWAKILISHA RAIS DKT.SAMIA SULUHU HASSAN KATIKA MKUTANO WA WAKUU WA NCHI NA SERIKALI WA AFRIKA KUHUSU KILIMO

Waziri Mkuu, Kassim Majaliwa akitia saini mbele ya Rais Yoweri Museveni wa Uganda (kushoto) na Wakuu wa Nchi na Serikali wa Umoja wa Afrika baada ya kushuhudia Tamasha la Kahawa Afrika. Africa Coffee Festival) lililolenga kuhamasisha uongezaji thahamani katika mazao yanayolimwa Afrika likiwemo zao la kahawa. Tukio hilo lilifanyika kwenye Kituo cha Mikutano cha Speke Resort, Munyonyo, Kampala Uganda ambako alimwakilisha Mheshimiwa Rais Dkt Samia Suluhu Hassan katika Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika, Januari 11, 2025.

Waziri Mkuu, Kassim Majaliwa pamoja na baadhi ya Wakuu wa Nchi na Serikali wa Umoja wa Afrika wakisikiliza wimbo wa taifa wa Uganda katika ufunguzi wa Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika uliofanyika kwenye Kituo cha Mikutano cha Speke Resort Munyonyo, Kampala Uganda, Januari 11, 2025. Waziri Mkuu alimwakilisha Rais Dkt Samia Suluhu Hassan wenye mkutano huo.

Rais Yoweri Museveni wa Uganda (wa nne kushoto) pamoja na viongozi wengene wakifuatilia hotuba ya Waziri Kassim Majaliwa aliyoitoa wakati alipomwakilisha Rais Dkt. Samia Suluhu Hassan kwenye Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika kwenye Kituo cha Mikutano cha Speke Resort Munyonyo, Kampala Uganda,Januari 11, 2025.

RAIS WA ZANZIBAR NA MWENYEKITI WA BARAZA LA MAPINDUZI MHE.DK.HUSSEIN ALI MWINYI AMEONGOZA KIKAO CHA BARAZA LA MAPINDUZI

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi, akiongoza kikao cha Baraza la Mapinduzi kilichofanyika , Pemba tarehe 11 Januari 2025. Kikao cha Baraza la Mapinduzi cha kwanza kwa mwaka huu wa 2025.

KAMATI KUU CHADEMA YAJIFUNGIA KUFANYA UTEUZI WAGOMBEA WA MABARAZA

Wajumbe wa Kamati Kuu ya Chama cha Demokrasia na Maendeleo (Chadema), wamekutana katika kikao kilicholenga kufanya uteuzi wa wagombea wa nafasi mbalimbali kwenye mabaraza ya chama hicho ya vijana (Bavicha), wanawake (Bawacha) na wazee (Bazecha).

Mkutano huo ulioongozwa na Mwenyekiti, Freeman Mbowe, umehudhuriwa na wajumbe wa kamati kuu, baadhi yao ni wale wanaowania nafasi za juu kwenye uchaguzi wa kitaifa akiwemo Makamu Mwenyekiti wa Chadema (Bara), Tundu Lissu, Ezekia Wenje na John Heche.

Kwa mujibu wa Mkurugenzi wa Itifaki, Mawasiliano na Mambo ya Nje wa chama hicho, John Mrema kikao hicho kina ajenda ya kufanya usaili na uteuzi wa wagombea wa nafasi mbalimbali katika mabaraza ya chama hicho zikiwamo za mwenyekiti, makamu mwenyekiti, katibu mkuu, naibu makatibu wakuu na mweka hazina.

DK SLAA AFIKISHWA MAHAKAMANI AKIKABILIWA NA SHITAKA MOJAI

Mwanasiasa mkongwe, Wilbrod Slaa (76) amefikishwa katika Mahakama ya Hakimu Mkazi Kisutu, kujibu shtaka moja la kusambaza taarifa za uongo katika mtandao wa X (zamani Twitter).

Dk Slaa amefikishwa mahakamani hapo leo Januari 10, 2025 na kusomewa kesi ya jinai namba 993 ya mwaka 2025 mbele ya Hakimu Mkazi Mkuu, Beda Nyaki.

Mapema leo Kamanda wa Kanda Maalum ya Dar es Salaam, Jumanne Muliro alithibitisha kumshikilia Dk Slaa.

“Daktari yupo, tuko naye na tumekuwa na mahojiano naye kwa baadhi ya mambo na yanakwenda vizuri kwa hiyo tunaiangalia mifumo ya kisheria inatuelekeza ni nini cha kufanya na taarifa kamili zitatolewa baadaye,” amesema Kamanda Muliro.

JAHAZI LILILOTUMIKA KUSAFIRISHA DAWA ZA KULEVYA KWA MIAKA 28 LAKAMATWA BAHARI YA HINDI

*DCEA yasema ni jahazi lenye uwezo wa kubeba tani nane za dawa za kulevya kwa wakati mmoja

*Watu nane ambao ni raia Pakistani nao wakamatwa wakiwa katika jahazi hilo

Na Mwandishi Wetu

MAMLAKA ya Kudhibiti na Kupambana na Dawa za Kulevya(DCEA)imefanikiwa kukamata Jahazi kubwa lenye uwezo wa kubeba tani nane za dawa za kulevya kwa wakati mmoja.

Jahazi hilo ambalo limekuwa likitumika kusafirisha dawa hizo kwa miaka 28 sasa limekamatwa katika Bahari ya Hindi likiwa na kilo 448.3 pamoja na watu nane ambao ni raia wa Pakistani waliokuwa katika jahazi hilo.

Akizungumza Januari 9,2025 jijini Dar es Salaam ,Kamishina Jenerali wa Mamlaka ya Kudhibiti na Kupambana na Dawa za Kulevya Aretas Lyimo amesema jahazi hilo limekamatwa kutokana na operesheni iliyofanywa na mamlaka hiyo kwa kushirikiana na vyombo vingine vya ulinzi na usalama.

“Katika operesheni zilizofanyika mwishoni mwa mwaka 2024, Mamlaka ya Kudhibiti na Kupambana na Dawa za Kulevya kwa kushirikiana na vyombo vingine vya dola ilikamata kilogramu 673.2 za Methamphetamine na heroin.

DKT. NCHEMBA AMUAGA BALOZI WA MAREKANI NCHINI WAKIAHIDI KUIMARISHA USHIRIKIANO

Waziri wa Fedha, Mhe. Dkt. Mwigulu Lameck Nchemba Madelu (Mb) (Kulia), akiagana na Balozi wa Marekani nchini Tanzania aliyemaliza muda wake, Mhe. Michael Battle, baada ya kikao chao jijini Dodoma, ambapo pamoja na mambo mengine, Dkt. Nchemba alimshukuru kwa ushirikiano mzuri katika kipindi chote cha uongozi wake kwa kufanya kazi kwa karibu na Serikali kupitia miradi ya maendeleo na kumuomba aendelee kuwa balozi mzuri wa Tanzania hata baada ya hutimisha utumishi wake nchini.

Waziri wa Fedha, Mhe. Dkt. Mwigulu Lameck Nchemba Madelu (Mb) (Kulia), akimkabidhi zawadi ya baadhi ya bidhaa zinazozalishwa na viwanda vya hapa nchini, Balozi wa Marekani nchini Tanzania aliyemaliza muda wake, Mhe. Michael Battle, ambapo pamoja na mambo mengine, Dkt. Nchemba alimshukuru kwa ushirikiano mzuri katika kipindi chote cha uongozi wake kwa kufanya kazi kwa karibu na Serikali kupitia miradi ya maendeleo na kumuomba aendelee kuwa balozi mzuri wa Tanzania hata baada ya hutimisha utumishi wake nchini.

(Picha na Kitengo cha Mawasiliano Serikalini, WF, Dodoma)

THBUB YACHUNGUZA MAUAJI YA KIUNGONI PEMBA

Kamisha wa Tume ya Haki za Binadamu na Utawala Bora, ofisi ya Zanzibar, Khatib M. Mwinchande, akizungumza na waandishi wa habari wa vyombo mbalimbali ofisini kwa Mbweni, Wilaya ya Magharibi B, Mkoa wa Mjini Magharibi akitoa tamko la kulaani mauaji ya Wete Mkoa wa Kaskazini, Pemba

Na.Mwashamba Juma - THBUB

Tume ya Haki za Binadamu na Utawala Bora (THBUB) imesema inachunguza vifo vya watu wawili vilivyotokea hivi karibuni, Mkoa wa Kaskazini Pemba.

THBUB imeeleza imepokea kwa masikitiko makubwa vifo vya Nd. Athuman Hamad Athuman na Amour Khamis Salim, waliokuwa wakaazi wa kijiji cha Kiungoni, Wete, Pemba vilivyotokea mwezi Disemba mwaka 2024.

Akitoa tamko la Tume hiyo kwa waandishi wa habari wa vyombo mbalimbali, leo tarehe 10/01/2025, ofisini kwake Mbweni, Wilaya ya Magharibi B, Mkoa wa Mjini Magharibi, Kamishna wa Tume hiyo Zanzibar, Khatib M. Mwinchande amesema, tukio la mauaji hayo ni ukiukwaji wa haki ya kuishi kama ilivyotamkwa na Ibara ya 14 ya Katiba ya Jamhuri ya Muungano wa Tanzania ya mwaka 1977 na Kifungu cha 13(2) cha Katiba ya Zanzibar ya mwaka 1984 kinachoeleza kuwa kila mtu ana haki ya kuishi na kupata hifadhi ya maisha yake kwenye jamii kwa mujibu wa sheria, hivyo Tume imelaani vikali vitendo hivyo.

DIPLOMASIA YA RAIS SAMIA INAWALETA WAKUU WA NCHI ZA AFRIKA KUSHIRIKI MKUTANO WA M300 -DKT.BITEKO.

Naibu Waziri Mkuu na Waziri wa Nishati, Mhe. Dkt. Doto Biteko (kulia) pamoja na Katibu Mkuu wa Wizara ya Habari, Utamaduni, Sanaa na Michezo, Gerson Msigwa (kushoto) wakiingia katika Studio za TBC 1 kufanya mahojiano kuhusu Mkutano wa Nishati wa Wakuu wa Nchi za Afrika.

Naibu Waziri Mkuu na Waziri wa Nishati, Mhe. Dkt. Doto Biteko akifanya mahojiano kupitia kipindi cha Jambo Tanzania kinachorushwa na Kituo

cha Utangazaji TBC 1 Januari 10, 2024

(Picha na Ofisi ya Naibu Waziri Mkuu na Waziri wa Nishati)

* Asema mafanikio ya Sekta ya Nishati nayo imeibeba Tanzania Mkutano wa M300 * Vijiji vyote Tanzania vyafikishiwa umeme * Ataja faida za Mkutano wa M300 Nchini

Imeelezwa kuwa Tanzania imechaguliwa kuwa mwenyeji wa Mkutano wa Nishati wa Wakuu wa Nchi za Afrika ujulikanao kama Mission 300 kutokana na sababu mbalimbali ikiwemo diplomasia ya kiuchumi chini ya uongozi wa Rais, Mhe.Dkt.Samia Suluhu Hassan

BARAZA LA WAFANYAKAZI PSPTB LAFUNGULIWA

Mkurugenzi Mtendaji wa PSPTB Godfred Mbanyi akizungumza wakati wa kufungua kikao cha baraza la wafanyakazi wa PSPTB likilokuwa na lengo la kutathimini Utendaji kazi wa Bodi hiyo lililofanyika mkoani Morogoro.

Mwenyekiti wa TUGHE PSPTB, Shilla Mwandu akizungumza kuhusu namna wafanyakazi wanabidi kujitadhmini pale wanapokuwa wanafanya kazi za Serikali wakati wa kikao cha baraza la wafanyakazi wa PSPTB lililofanyika mkoani Morogoro.

RAIS WA JAMHURI YA MUUNGANO WA TANZANIA MHE.DKT.SAMIA SULUHU HASSAN AMEKUTANA NA WAKUU WA MISHENI ZA UANGALIZI WA CHAGUZI ZA SADC (SEOM)

Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na mmoja wa Wakuu wa Misheni za Uangalizi wa Chaguzi za SADC (SEOM) Mhe. Jaji Mkuu Mstaafu wa Jamhuri ya Muungano wa Tanzania, Mohammed Chande Othman na Waziri wa Mambo ya Nje na Ushirikiano wa Afrika Mashariki Mhe. Balozi Mahmoud Thabit Kombo, katika Ikulu ndogo ya Tunguu ,Zanzibar tarehe 09 Januari 2025.

Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na mmoja wa Wakuu wa Misheni za Uangalizi wa Chaguzi za SADC (SEOM) Waziri Mkuu Mstaafu wa Jamhuri ya Muungano wa Tanzania Mhe. Mizengo Pinda katika Ikulu ndogo ya Tunguu, Zanzibar tarehe 09 Januari 2025.

AWARENESS ABOUT THE SAMIA INSFRASTRUCTURE BOND AMONG THE TANZANIAN DIASPORA IN THE USA

CRDB Bank's Global Virtual Session with Tanzanian Diaspora in the United States

Main Agenda: Raising Awareness about the Samia Infrastructure Bond among the Tanzanian Diaspora in the USA

Meeting Link: https://us02web.zoom.us/j/88238098218?pwd=RLVicapmKwKeW6klE3CH2zjXsOGSQB.1

Meeting ID: 882 3809 8218

Date: 11st January 2024

Time: 10:00am EST- USA equivalent to 6:00pm Tanzania local time

Ahsante

Malik S. Hassan,
Counselor - Public Affairs
Embassy of the United Republic of Tanzania
1232 22nd St NW, Washington, D.C. 20037
Tel. No: 202-884-1089
Mobile: 240-701-4828

MAKAMU WA RAIS AFANYA MAZUNGUMZO NA CHAMA CHA MAJAJI NA MAHAKIMU WANAWAKE

Makamu wa Rais wa Jamhuri ya Muungano wa Tanzania Mhe. Dkt. Philip Mpango akifanya mazungumzo na Viongozi wa Chama cha Majaji na Mahakimu Wanawake Tanzania (TAWJA) wakiongozwa na Mwenyekiti wa Chama hicho Jaji wa Mahakama

ya Rufani Mhe. Barke Sehel, mazungumzo yaliyofanyika Ikulu Chamwino mkoani Dodoma leo tarehe 08 Januari 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na Viongozi wa Chama cha Majaji na Mahakimu Wanawake Tanzania (TAWJA) wakiongozwa na Mwenyekiti wa Chama hicho Jaji wa

Mahakama ya Rufani Mhe. Barke Sehel (Watatu kutoka kushoto), mara baada ya mazungumzo yaliyofanyika Ikulu Chamwino mkoani Dodoma leo tarehe 08 Januari 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiagana na Viongozi wa Chama cha Majaji na Mahakimu Wanawake Tanzania (TAWJA) wakiongozwa na Mwenyekiti wa Chama hicho Jaji wa Mahakama ya Rufani

Mhe. Barke Sehel (wa kwanza kutoka kushoto), mara baada ya mazungumzo yaliyofanyika Ikulu Chamwino mkoani Dodoma leo tarehe 08 Januari 2025.

RAIS SAMIA AFUNGUA SKULI YA SEKONDARI MISUFINI BUMBWINI ZANZIBAR

Rais wa Jamhuri ya Muungano wa Tanzania Mhe. Dkt. Samia Suluhu Hassan afungua Skuli ya Sekondari Misufini, Bumbwini Zanzibar tarehe 08 Januari, 2025 wakati wa shamrashamra za kuelekea miaka 61 ya Mapinduzi ya Zanzibar.

BABU WA MIAKA 75 AJIUA SHINYANGA

Kamanda wa Polisi Mkoa wa Shinyanga SACP Janeth Magomi

Mzee Joseph Shija mwenye umri wa miaka 75, mkazi wa mtaa wa Azimio katika kata ya Lubaga, Manispaa ya Shinyanga, amefariki dunia kwa kujinyonga ndani ya nyumba yake. Tukio hilo limetokea Januari 6, 2025.

Diwani wa kata ya Chibe, Mhe. Kisandu John, ambaye pia ni baba mdogo wa marehemu, amesema alipewa taarifa na majirani kuhusu tukio hilo.

“Majirani waliona nzi wengi kwenye dirisha la nyumba yake, jambo ambalo lilishangaza na kuwalazimu kuwasiliana na familia,” amesema Mhe. Kisandu.

Baada ya taarifa hizo, Mhe. Kisandu alifika eneo la tukio na kutoa taarifa kwa polisi.

Polisi walivunja mlango wa nyumba hiyo na kugundua mwili wa mzee Shija ukiwa umejinyonga kwa kutumia kamba aliyofunga kwenye paa la nyumba yake.

HISTORIA MPYA YAANDIKWA VITONGOJI VYA MAHUU NA KAVAMBUGHU, RAIS SAMIA ATAJWA SHUJAA

Na Ashrack Miraji Fullshagwe Medi

WANANCHI wa vitongoji vya Mahuu na Kavambughu kata ya Same wilayani Same mkoani Kilimanjaro wameingia katika historia mpya tangu kupatikana kwa Uhuru wa Taifa baada ya Serikali kufikisha huduma ya maji safi kupitia mradi wa Same – Mwanga – Korogwe.

Shangwe nderemo na vifijo vilisikika kutoka kwa wananchi hao waliokuwa wakitembea umbali wa kilomita 8 kufuata huduma ya maji baada ya jana Mkuu wa wilaya ya Same, Kasilda Mgeni kufika katika maeneo hayo na kushuhudia kwa mara ya kwanza maji yakitoka katika vituo ambavyo vimejengwa huku wananchi hao wakilitaja jina la Rais Dkt. Samia Suluhu Hassan kama mkombozi kwao.

Kasilda alisema kuwa, wananchi wa vitongoji hivo viwili wameangaika kwa muda mrefu kutokana na tatizo la maji ambalo kwao lilikuwa tatizo kubwa lakini Rais Dkt. Samia Suluhu amejidhihirisha kuwa ni kiongozi shupavu baada ya kufikisha maji katika wilaya ya Same.

“Nimekuja kujihakikisha mwenyewe kama maji yanatoka hapa Mahuu na Kavambughu kweli wiki mbili zilizopita alikuja Naibu Waziri wa maji ambapo alitoa maagizo ndani ya wiki mbili maji yawe yanatoka hapa na mimi nimekuja kuhakikisha na nimeona leo hii maji yameanza kutoka hili ni ukombozi kwa wananchi wa Mahuu na Kavambughu” alisema Kasilda.

Mkuu huyo wa wilaya alisema kuwa, jukumu la wananchi kwa sasa ni kuhakikisha mradi huo unalindwa na kuwataka kuwa walinzi kuhakikisha mradi huo hauujumiwi na mtu yoyote mwenye nia hovu

Alisema kuwa, wakinamama ndio walikuwa waathirika wakubwa wa tatizo la maji ambapo wamekuwa wakiangaika umbali mrefu kutafuta maji na kuwataka kuwa mstari wa mbele kulinda mradi huoi.

DIASPORA SASA RUKSA KWENDA HAJI

HAJJ 1446/2025

As salaam ‘Alaykum WarahmatuLlahi Wabarakatuh!

*DIASPORA* are now welcome to join Tanzania Hajj Groups.

*Tanzania Muslim Hajj Trust*: 

*Departure* In shaa Allah *29th May, 2025* Dar-Jeddah

*Return* 19th June 2025. Madina-Dar.

All-Inclusive *Air and Land Package* $6500 (exclusive of pocket money) 

*Land-only Package* $6000 (Kama utaondokea nchi ambayo sio Tanzania) 

*Payment must be received by January 31, 2025.*

Kutoka Diaspora, wanakubali *Relationships*: 

of Tanzanian origin

Child of a Tanzanian

Spouse of a Tanzanian.

Text me for any questions, or to express your interest in shaa Allah! 

Jamylah Baruti

*Tanzania Hajj Trust Volunteer Diaspora Liaison*

703-232-7102 

WAZIRI SIMBACHAWENE : GARI LA WAGONJWA LISITUMIKE KUBEBA MAGENDO

Na. Mwandishi Wetu – Dodoma

Waziri wa Nchi, Ofisi ya Rais, Menejimenti ya Utumishi wa Umma na Utawala Bora na Mbunge wa Jimbo la Kibakwe, Mhe. George Simbachawene ameonya matumizi ya gari ya wagonjwa (ambulance) iliyotolewa na Serikali katika Kituo cha Afya cha Mtera lisitumike kubeba magendo badala yake itumike kwa ajili ya malengo yaliyokusudiwa

Waziri Simbachawene ametoa kauli hiyo leo Jumanne Januari 7, 2024
wakati wa hafla ya kukabidhi gari hiyo mara baada ya kufanya mkutano wa hadhara katika Kata ya Mtera , Kibakwe iliyopo katika Halmashauri ya Wilaya ya Mpwapwa Mkoani Dodoma ambapo amesema gari hiyo ni mali ya Serikali

” Msisitizo wangu gari hii ni ya wagonjwa ni mali ya Serikali muitumie kurahisisha utoaji huduma bora kwa wananchi na sio vinginevyo , Nataka kuona gari hii inatumiwa na watanzania wote ’ amesisitiza Mhe.Simbachawene

Amefafanua kuwa azma ya Serikali ya Awamu ya Sita inayoongozwa na Rais Mhe.Dkt. Samia Suluhu Hassan ya kutoa gari hiyo ni kuhakikisha inasaidia kuwafikisha wagonjwa katika hospitali ya Rufaa kwa muda muafaka pale ambapo mgonjwa amepewa rufaa ya matibabu hususan akina Mama wajawazito.

‘‘ Tunataka tukiliona gari hili likiwa linatembea barabarani liwe limebeba mgonjwa au linaenda kumfuata mgonjwa’’ amesisitiza Mhe. Simbachawene

Amesema ujio wa gari hiyo katika kituo hicho ni mageuzi makubwa yanayofanywa na Serikali ambapo zaidi ya wananchi 14,000 katika Kata ya Mtera wanatarajiwa kunufaika kupitia gari hiyo.

Katika hatua nyingine, Mhe. Simbachawene amemtaka Mkurugenzi wa Halmashauri ya Wilaya ya Mpwapwa kuhakikisha dereva atakayekuwa akiendesha gari hilo atoke karibu na Kituo hicho cha Afya ili gari hilo liweze kutoa huduma kwa wagonjwa mara tu pale dharula inapojitokeza

Aidha, Mhe.Simbachawene ametoa wito kwa akina mama wajawazito kuwahi katika vituo vya afya mara waonapo dalili za kuanza kwa uchungu ili kuepuka vifo visivyo vya lazima huku akiwasihi manesi kuwahudumia wagonjwa kwa upendo kama viapo vyao vinavyowataka

Kwa upande wake, Mwenyekiti wa Halmashauri ya Wilaya ya Mpwapwa, Mhe. George Fuime amesema atahakikisha wanafuatilia kwa ukaribu matumizi ya gari hilo ili liweze kuwa msaada kwa wananchi wote wa Kata ya Mtera na wilaya nzima ya Mpwapwa.

Kukabidhiwa kwa gari hilo kunaifanya Halmashauri ya Mpwapwa kuwa na jumla ya magari saba ya kubeba wagonjwa yanayohudumia vituo vya afya katika Halmashauri hiyo, ikiwa ni hatua kubwa ya uboreshaji wa afya ya msingi.

Wananchi wa Mtera wamemshukuru Mbunge wao Mhe.Simbachawene kwa kusaidia upatikanaji wa gari hilo la wagonjwa huku wakimuahidi kuendelea kufanya nae kazi kwa ushirikiano.

SALAMU ZA MWAKA MPYA 2025 KUTOKA KWA MHE. DKT. ELSIE SIA KANZA, BALOZI WA JAMHURI YA MUUNGANO WA TANZANIA NCHINI MAREKANI KWA WANADIASPORA WA TANZANIA WAISHIO NCHINI MAREKANI NA MEXICO

Heri ya Mwaka Mpya!

Nawasalimu kwa Jina la Jamhuri ya Muungano wa Tanzania!


Awali ya yote, ninamshukuru Mwenyezi Mungu, mwingi wa rehema, kwa kutujalia kuuona mwaka 2025. Ninamshukuru pia kwa mafanikio yote aliyotupa mwaka 2024. Mkiwa sehemu muhimu ya mafanikio hayo, napenda kutumia fursa hii kuwashukuru sana kwa mchango na ushirikiano mkubwa mliotupatia mwaka 2024 na mnaoendelea kutupatia hadi sasa. Nawasihi tuendelee kushirikiana zaidi mwaka huu, 2025 kwa manufaa mapana ya Taifa letu tunalolipenda sana, Tanzania.


Ndugu wana diaspora, kupitia ushirikiano baina yetu, mwaka 2024 tulifanikiwa kutekeleza majukumu mengi muhimu. Mathalani, hapa Ubalozini tulifanikiwa kuwahudumia ipasavyo pale mlipohitaji huduma mbalimbali kutoka kwetu kama maombi ya pasipoti na hati za dharura za kusafiria, maombi ya viza, kuthibitisha na kuithinisha nyaraka tofauti, kuhudumia wana diaspora waliopata matatizo mbalimbali, na kutoa huduma zinginezo za ushauri wa masuala ya kikonseli. Kadhalika, mwezi Septemba 2024 kwa kushirikiana na Idara ya Uhamiaji na Mamlaka ya Vitambulisho vya Taifa (NIDA) tulitoa huduma za pasipoti na vitambulisho vya Taifa kwa diaspora wenye sifa jijini Austin, Texas wakati wa Kongamano la Nane (8) la Diaspora wa Tanzania na Maonesho ya Utalii (2024 Tanzania Diaspora Convention and Tourism Expo) lililoandaliwa na taasisi ya Diaspora Council of Tanzania in America (DICOTA).

Ndugu wana diaspora, vilevile ninafurahi kwamba, mwaka 2024 tulishirikiana kwenye matukio mbalimbali yaliyolenga kuitangaza nchi yetu ikiwemo kutangaza vivutio vya utalii, mila, desturi, utamaduni na historia yetu, kama vile maadhimisho ya Siku ya Lugha ya Kiswahili Duniani, maonesho ya Passport DC: Around the World Embassy Tour, na maadhimisho ya Diaspora Day yaliyoandaliwa na hoteli za Marriott. Hali kadhalika, tulishirikiana kwenye masuala ya kiuchumi. Mfano wa ushirikiano huo ni namna tulivyofanikiwa kufungua Ofisi ya Biashara ya

Tanzania jijini Dallas, Texas. Ofisi hiyo imetolewa kwa Tanzania na Mamlaka za jiji la Dallas chini ya mpango mpya wa Ofisi ya Biashara za Nje wa jiji hilo (Dallas Foreign Trade Office Initiative) na inaendeshwa na taasisi ya Tanzanian-American Chamber of Commerce (TACC) ambayo imeanzishwa na wana diaspora wa Tanzania. Taarifa zaidi kuhusu TACC zinapatikana kupitia tovuti: https://taccus.org/. Ofisi tajwa ya Biashara ni nyongeza muhimu katika jitihada za Ubalozi za kuvutia uwekezaji zaidi kutoka Marekani kwenda Tanzania na kuongeza mauzo ya bidhaa za Tanzania hapa Marekani.

MNYIKA ATOA MWONGOZO WA UCHAGUZI CHADENA

MAKAMU WA RAIS ASHIRIKI UAPISHO WA RAIS WA GHANA MHE. JOHN MAHAMA

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwasili katika zilizofanyika Uwanja wa Independence Square Jijini Accra nchini Ghana kuhudhuria uapisho wa Rais Mteule wa Ghana Mhe. John Dramani Mahama leo tarehe 07 Januari 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akishiriki Uapisho wa Rais Mteule wa Ghana Mhe. John Dramani Mahama uliyofanyika katika Uwanja wa Independence Square Jijini Accra nchini Ghana wa tarehe 07 Januari 2025.

Rais Mteule wa Ghana Mhe. John Dramani Mahama akiapa kuwa Rais wa Taifa hilo katika sherehe zilizofanyika Uwanja wa Independence Square Jijini Accra nchini Ghana leo tarehe 07 Januari 2025.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akimpongeza Rais wa Ghana Mhe. John Dramani Mahama mara baada ya kuapishwa katika sherehe zilizofanyika Uwanja wa Independence Square Jijini Accra nchini Ghana leo tarehe 07 Januari 2025