MWISHO MWAMPAMBA AFUKUZWA NCHINI NAMIBIA NA POLISI

Mshiriki wa shindano la BBA kutoka nchini Tanzania Mwisho Mwampamba amevamiwa na polisi hivi karibuni nyumbani kwake huku wakimtaka arudi kwao.

Mwisho aliandika kupitia mtandao wa facebook akilalamika jinsi polisi hao walivyomnyanyasa na kusema kuwa Namibia ni nchi huru na kila mtu ana haki ya kuishi.

Mwisho amekuwa akiishi na familia yake nchini humo kwa miaka kadhaa baada ya kufunga ndoa na aliyekuwa mshiriki mwenzake wa BBA Meryl Shikwambane na kubahatika kupata watoto wawili.

Mwisho Mwampamba pia,amesikitishwa na vitendo vya ubaguzi alivyofanyiwa na Polisi wa nchini Namibia, anakoishi na mkewe, Meryl Shikwambane.

Akiandika kupitia mtandao wa kijamii wa Facebook, akisema nchi hiyo sasa hivi imekuwa kama Afrika Kusini, ambako wageni, hasa wenye ngozi ya Kiafrika, hupata shida ya kuishi kutokana na kubaguliwa.

“Mimi nimeoa mtu wao na nimezaa naye mtoto, nashangaa kubaguliwa na polisi hao, pia inashangaza kuona wakiwahudumia vyema wageni kutoka barani Ulaya, lakini sisi Waafrika wenzao tunabaguliwa,” alisema

Mwampamba.

Mkali huyo ameshangazwa kupewa hati ya kuishi nchini humo kwa miezi miwili pekee, wakati ameoa mwanamke wa

nchi hiyo, huku akipata shida hiyo hata mipakani.