TAARIFA YA JESHI LA POLISI MKOA WA MBEYA KWA VYOMBO VYA HABARI

WANANCHI WA KIJIJI CHA CHALANGWA WILAYANI CHUNYA WAFUNGA BARABARA YA MBEYA/CHUNYA BAADA YA KUWEPO MGOGORO KATI YAO NA MMILIKI MMOJA WA ENEO LA UCHIMBAJI MADINI.

WANANCHI WA KIJIJI CHA CHALANGWA WILAYANI CHUNYA MKOA WA MBEYA WAFANYA VURUGU ZINAZOTOKANA NA WANANCHI KUPINGA KUKAMATWA BAADHI YA WENZAO KUFUATIA VITISHO NA VURUGU WANAZOMFANYIA MMOJA WA WAMILIKI WA ENEO LA UCHIMBAJI WA MADINI LENYE LESENI NA. 0003904 KWA MADAI KUWA SI MKAZI WA KIJIJI HICHO NA HIVYO KUTAKA KUMNYANG`ANYA ENEO LAKE. VURUGU HIZO ZILITOKEA MNAMO TAREHE 02/03/2014 MAJIRA YA ASUBUHI AMBAPO WANANCHI WA KIJIJI CHA CHALANGWA WALIZIBA BARABARA YA MBEYA/CHUNYA KWA KUTUMIA MAGOGO NA MAWE WAKISHINIKIZA POLISI KUTOWAKAMATWA WANANCHI WENZAO

AWALI WANANCHI HAO MNAMO TAREHE 19/02/2014 SAA 10:00HRS KATIKA KITUO CHA POLISI CHUNYA YALIPOKELEWA MALALAMIKO TOKA KWA JOSEPH LAISON @ MWAZYELE (47), MKAZI WA KIJIJI CHA KIWANJA KATA YA MBUGANI, TARAFA YA KIWANJA KUWA MNAMO TAREHE 18/02/2014 MAJIRA YA SAA 09:00HRS HUKO KATIKA KIJIJI CHA CHALANGWA ALITISHIWA KUUAWA NA WANANCHI WATANO (5) ALIOWATAJA KUWA NI 1. JOSEPH RASHID, 2. MWAMBO MWAGANE 3. TEDY MWAGANE 4. MEDY KATEMBO NA 5. VENACERASHID NA HIVYO JALADA LA KUTISHIA KUUA KWA MANENO LILIFUNGULIWA. MLALAMIKAJI HUYO KATIKA MAELEZO YAKE ANASEMA KUWA CHANZO CHA TUKIO HILO NI KIWANJA CHA KUCHIMBA MADINI AINA YA DHAHABU ANACHOKIMILIKI KILICHOPO KATIKA KIJIJI CHA CHALANGWA CHENYE LESENI (PRIMARY MINING LICENCE) NAMBA 0003904 TANGU TAREHE 03/05/2004 AWALI KILIKUWA NA UKOMO WA KWANZA TAREHE 02/05/2006 HATA HIVYO ALIENDELEA KUKILIPIA NA SERIKALI ILIONGEZA MUDA WA LESENI TAREHE 16/03/2004 HADI 02/05/2011 NA BAADAE KUKILIPIA NA KWA MARA YA MWISHO ALIONGEZEWA KIBALI CHA UMILIKI TAREHE 19/10/2012 HADI 02/05/2018.

HATA HIVYO KABLA YA HATUA ZOZOTE ZA KUPAMBANA NA WANANCHI HAO HAZIJAANZA KUCHUKULIWA MKUU WA WILAYA YA CHUNYA NDG DEODATUS KINAWIRO ALIFIKA KIJIJINI HAPO NA KUONGEA NA WANANCHI KWA NJIA YA KIDIPLOMASIA MAZUNGUMZO YALIYOFUATIWA NA UTOAJI WA MAELEKEZO NA MSIMAMO WA SERIKALI YA WILAYA KWA WANANCHI HAO. KATIKA MAZUNGUMZO HAYO MAMBO MATATU YALIELEKEZWA KUTEKELEZWA AMBAYO NI 1.MARUFUKU WANANCHI WA KIJIJI HICHO AU MCHIMBAJI HUYO KWENDA KUCHIMBA DHAHABU ENEO HILO LENYE MGOGORO MPAKA HAPO MGOGORO HUO UTAKAPOTATULIWA NA SERIKALI 2. MARUFUKU WANANCHI KUJICHUKUA SHERIA MKONONI HASA KUFUNGA BARABARA NA KULETA VURUGU KWANI HILI INAONYESHA NI  TUKIO LA TATU (3) KIJIJINI HAPO 3. WILAYA YA CHUNYA NI YA WACHIMBAJI MADINI NA KWAMBA                  LESENI ZAO ZINATOLEWA NA KAMISHNA WA MADINI DAR ES SALAAM NA LAZIMA LESENI HIZO ZIHESHIMIWE NA WANANCHI WAACHE KUVAMIA MAENEO YENYE LESENI NA KWAMBA SERIKALI HAITAVUMILIA VITENDO HIVYO VINAVYOTAKA KUOTA MIZIZI. KATIKA MAZUNGUMZO HAYO AMBAYO WANANCHI WALIONEKANA KUMWELEWA MKUU WA WILAYA HIYO, WALIMWOMBEA MTUHUMIWA ALIYEKUWA AMEKAMATWA NA POLISI AACHILIWE HURU BAADA YA KUWA AMEJISALIMISHA MWENYEWE KATIKA MKUTANO HUO.

AMANI KATIKA ENEO HILO IMEREJEA MAJIRA YA SAA 11.00 HRS NA BARABARA YA MBEYA/CHUNYA KUFUNGULIWA. HAKUNA MADHARA YOYOTE YA KIBINADAMU YALIYORIPOTIWA KUJITOKEZA. KAMANDA WA POLISI MKOA WA MBEYA KAMISHINA  MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUTUMIA NJIA ZA MAZUNGUMZO KUTATUA MIGOGORO/KERO ZINAZOWAKABILI KATIKA MAENEO  YAO NA KUACHANA NA TABIA YA  KUJICHUKULIA SHERIA MIKONONI KWANI NI KINYUME CHA SHERIA.

MTU MMOJA AFARIKI DUNIA KATIKA AJALI YA BARABARANI MKOANI MBEYA.

MTEMBEA KWA MIGUU MMOJA ALIYEFAHAMIKA KWA JINA MOJA LA MWAKYEMBE, MWENYE UMRI KATI YA MIAKA 30-35, ALIFARIKI DUNIA PAPO HAPO BAADA YA KUGONGWA NA GARI LENYE NAMBA ZA USAJILI T. 430 APD AINA YA TOYOTA COROLLA LILILOKUWA LIKIENDESHWA NA GREYSON PONELA (30) MKAZI WA ILEMI. TUKIO HILO LILITOKEA MNAMO TAREHE 02.03.2014 MAJIRA YA SAA 22:49HRS USIKU HUKO MWANJELWA KATA YA MANGA, TARAFA YA IYUNGA, JIJI NA MKOA WA MBEYA. CHANZO CHA AJALI KINACHUNGUZWA. MWILI WA MAREHEMU UMEHIFADHIWA HOSPITALI YA RUFAA MBEYA. DEREVA AMEKAMATWA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WATEMBEA KWA MIGUU KUWA MAKINI KWA KUTEMBEA PEMBEZONI MWA BARABARA NA KUVUKA SEHEMU AMBAZO KUNA VIVUKO VYA KUVUKIA [ZEBRA CROSSING].

JESHI LA POLISI MKOA WA MBEYA LINAWASHIKILIA WATU WATATU WAKIWA NA MALI IDHANIWAYO KUWA YA WIZI.

JESHI LA POLISI MKOA WA MBEYA LINAWASHIKILIA WATU WATATU 1. EMMANUEL JAILOS (30) MKAZI WA MADABAGA 2. ANNA NURU (26) NA 3. MOHAMED HEMED (20) WOTE WAKAZI WA IGURUSI WAKIWA NA MAFUTA YA DIESEL LITA 600, MAPIPA 04 YA DIESEL, MADUMU 13 YA DIESEL, MADUMU MATUPU 40 NA MBOLEA YA ZAMBIA MIFUKO 05 MALI IDHANIWAYO KUWA NI YA WIZI. WATUHUMIWA HAO WALIKAMATWA KATIKA MSAKO MAALUM ULIOENDESHWA NA JESHI LA POLISI MKOA WA MBEYA MNAMO TAREHE 02.03.2014 MAJIRA YA SAA 00.01HRS USIKU HUKO KIJIJI NA KATA YA MADABAGA, TARAFA YA RUJEWA, WILAYA YA MBARALI. TARATIBU ZA KUWAFIKISHA WATUHUMIWA MAHAKAMANI ZINAENDELEA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WANANCHI KUTOA TAARIFA ZA MTU/WATU WANAOWATILIA MASHAKA KATIKA MAENEO YAO JUU YA KAZI/SHUGHULI WANAZOFANYA IKIWA NI PAMOJA NA MAKUNDI YA VIJANA WANAOJIHUSISHA NA WIZI WA MAFUTA KATIKA MAGARI YANAYOSAFIRISHA BIDHAA HIYO ILI WAKAMATWE NA HATUA ZAIDI ZA KISHERIA ZICHUKULIWE DHIDI YAO.

WATU WATATU WANASHIKILIWA NA JESHI LA POLISI MKOA WA MBEYA WAKIWA NA NOTI BANDIA.

WATU WATATU WALIOFAHAMIKA KWA MAJINA YA 1. ALEX FUNGAI (25) 2. TIMOTHY MGINA (27) NA 3. LUSEKELO STEPHANO (20) WOTE WAKAZI WA MBEYA MJINI WANASHIKILIWA NA JESHI LA POLISI MKOA WA MBEYA WAKIWA NA NOTI BANDIA 13 ZA TSHS 10,000/= ZENYE THAMANI YA TSHS 130,000/= ZIKIWA NA NAMBA BX 8365292 NOTI SABA, NAMBA BX.8365294 NOTI  MBILI, NAMBA BL. 6882315 NOTI MBILI NA  BX.5764841 NOTI MBILI. WATUHUMIWA KWA PAMOJA WALIKAMATWA MNAMO TAREHE 02.03.2014 MAJIRA YA SAA 18:13HRS JIONI HUKO KATIKA KIJIJI CHA IBALA, KATA YA RUJEWA, TARAFA YA RUJEWA, WILAYA YA MBARALI MKOA WA MBEYA. TARATIBU ZA KUWAFIKISHA MAHAKAMANI ZINAFANYIKA. KAMANDA WA POLISI MKOA WA MBEYA KAMISHINA MSAIDIZI MWANDAMIZI  WA POLISI AHMED Z. MSANGI ANATOA WITO KWA WANANCHI NA WAFANYABIASHARA KWA UJUMLA KUWA MAKINI NA WATU WANAOKUJA KATIKA MADUKA YAO HASA KATIKA SEHEMU ZA KUTUMA NA KUWEKA FEDHA KWA NJIA YA SIMU ZA MKONONI ILI KUEPUKA UDANGANYIFU UNAWEZA KUFANYWA NA WATU HAO. AIDHA ANATOA WITO KWA RAIA WEMA KUENDELEA KUTOA TAARIFA KWA JESHI LA POLISI JUU YA MTU AU KUNDI LA WATU WANAOJIHUSISHA NA UTENGENEZAJI/USAMBAZAJI WA NOTI BANDIA ILI WAKAMATWE NA HATUA ZAIDI ZA KISHERIA ZICHUKULIWE DHIDI YAO