SETH ATINGA KANISANI NA GITAA LA KANUMBA

MSANII wa filamu ambaye ni mdogo wa Kanumba, Seth Bosco hivi karibuni alitinga kanisani akiwa amebeba gitaa alilokuwa akilitumia Steven Kanumba enzi za uhai wake. 

Msanii wa filamu ambaye ni mdogo wake marehemu Kanumba, Seth Bosco akiwa na gitaa la Kanumba.

Seth alitinga na gitaa hilo katika Kanisa la KKKT, Kimara-Temboni kulikokuwa na ibada ya kumbukumbu ya Kanumba ambapo alionekana akiwa amelishikilia na baada ya ibada alikuwa akifanya mazoezi ya kupiga gitaa hilo.

“Kanumba alikuwa akilipenda sana gitaa hili na muda mwingi alikuwa akilitumia kwa kuimba na nyimbo zake alizorekodi alikuwa akilitumia hili ndiyo maana leo nimeamua kuja nalo kanisani pia makaburini ikiwa ni sehemu ya kumbukumbu pia,” alisema Seth.