GRACE MAGORI MTOTO WA KITANZANIA MWENYE KIPAJI CHA KUIMBA AZIDI KUPAA DMV

Mtoto Grace Magori mwenye umri wa miaka 12 ambaye yupo 6 grade (darasa la 6) Columbia, Maryland mchini Marekani anazidi kupaa baada ya siku ya Jumamosi Novemba 15, 20`14 kuimba kwenye onyesho lililobeba jina la "Studio Recital" katika uimbaji huo ambo Grace Magori ndio mtoto pekee aliyeimba nyimbo alizoandika na kuzitengeneza yeye mwenyewe. Watoto wengine waliokuwepo kwenye onesho hilo ni  Jack Zhao aliyeimba wimbo wa mahadhi ya Kihindi, Cindy Zhao aliyeimba wimbo wa Willie and Tillie- Swan Lake, Kaitlyn Mummert aliyeimba wimbo wa The Swing- Cossack Ride, Sara Shapiro wimbo wa Children of Eden. Watoto wengine walikua Caitlyn Baumgarten na wimbo wa American Honey, Christine Capozzoli wimbo wa O Mio Babbino Caro na Grace Magori aliyeimba wiimbo wake aliotunga yeye mwenyewe kwa kuandika na upangaji wa kinanda, wimbo wake unaitwa Badges.

Baba wa mtoto anaitwa Saria Magori ambaye ndiye aliyeanza kugundua kipaji cha mwanae mwaka 2012 na baada ya hapo aliendelea kumwendeleza Grace kwa kumwandikisha kwenye darasa la muziki ambalo Grace anaendelea nalo mpaka hivi leo na ameonyesha kipaji kinachowashangaza watu wengi kwa umahiri wake wa kupiga kinanda na kuimba kitu ambacho watoto wenzake waliofanya nao onesho waliimba tu bila kupiga ala ya muziki yeyyote.

Mwezi Septemba 2013 alishinda tuzo ya Columbia Talent Show iliyofanyika huko Columbia Maryland na kuwashangaza wahudhuriaji wa tamasha hilo la vipaji lililompekelea Grace Magori kuonekana mtu maarufu kwani watu wengi waliohudhuria tamasha hilo walimuomba mtoto Grace awasainie na yeye bila kusita alifanya hivyo na wengi walimfananisha na Alicia Keys mwanamuziki maarufu nchini Marekani anayeimba na kupiga kinanda.

Chini ni Video zilizochukuliwa kwenye onesho lake la jana Baltimore, Maryland.

 Wapili toka kushoto ndio Grace Magori akiwa na marafiki na mdogo wake waliofika kumuunga mkono kwenye onesho la Studio Recital lililofanyika Jumamosi Novemba 15, 2014 Baltimore, Maryland nchini Marekani Wapili toka kulia ni Saria Magori baba mzazi wa Grace

 Wakwanza kulia waliosimama nyuma ni Didi Vava rafiki yake mkubwa Saria akiwa na mama mwenye nyumba wake (koti jeusi) pamoja na watoto wao waliosimama chini ya Didi Vava, Saria na wanae na rafiki yake Grace wakiwa katika picha ya pamoja baada ya kumalizika onesho la muziki la Studio Recital lililofanyika Baltimore, Maryland nchini Marekani.

 Grace Magori akiwa na mdogo wake na rafiki yake kitasha.

Chini ni video ya Grace Magori alivyoanza baa ya baba yake kugundua kipaji chake.