WANAJESHI WA JESHI LA WANANCHI MKOA WA PWANI WAADHIMISHA MIAKA 53 YA KUZALIWA JESHI HILO

Kaimu Mkurugenzi  Mkuu wa Shirika  la Elimu Kibaha Bwana. Robert Shilingi  akipokea  msaada kutoka kwa Luteni Kanali Gelda Lucas Mkundi na  Kulia ni Meja Salma  Shaaban Kalili wote kutoka Kambi ya  Nyerere Msangani Kibaha Mkoani Pwani.

Makabidhiano hayo yamefanyika katika Hospitali ya Tumbi Kibaha ikiwa  ni katika maadhimisho ya miaka 53 ya kuanzishwa kwa Jeshi la Wananchi nchini , sherehe hizo hufanyika kila ifikapo Septemba Mosi ya kila mwaka.

Akizungumza na waandishi wa habari wakati wa hafla hiyo, Luteni Kanali Mkundi alisema kuwa  wamefika hospitalini hapo ambako wamefanya usafi  katika wodi mbalimbali na kugawa zawadi ikiwa ni kusherehekea  maadhimisho hayo  yaliyoadhimishwa  nchini kote huku wanajeshi wakiungana katika kufanya shughuli mbalimbali za kijamii.

Meja  Enock Wiliam Liwembe  kutoka kikosi cha Kiluvya  akitoa damu katika hospitali ya Tumbi ikiwa ni  katika  sehemu ya kusherehekea maadhimisho ya miaka 53 ya JWTZ.