KATIBU MKUU WIZARA YA FEDHA AFUNGUA KIKAO KAZI KATI YA WAHARIRI NA WIZARA YA FEDHA JIJINI DODOMA

Katibu Mkuu Wizara ya Fedha na Mlipaji Mkuu Serikali Bw. Emmanuel Tutuba akifungua Kikao Kazi kati ya Wizara ya Fedha na Wahariri wa Vyombo vya habari mbalimbali nchini, Kikao hicho pamoja na mambo Kadhaa kinajadili kuhusu Sekta ya Fedha na Maadhimisho ya wiki ya Huduma za Kifedha Kitaifa ambacho kinafanyika kwenye ukumbi wa Kambarage Ofisi ya Hazina jijini Dodoma.

Kamishna Idara ya Maendeleo ya Sekta ya Fedha Wizara ya Fedha Dkt. Charles Mwamwaja akitoa maelezo ya kikao kazi hicho kabla ya kufunguliwa kati ya Wizara ya Fedha na Wahariri wa Vyombo vya habari mbalimbali nchini, Kikao hicho pamoja na mambo Kadhaa kinajadili kuhusu Sekta ya Fedha na Maadhimisho ya wiki ya Huduma za Kifedha Kitaifa ambacho kinafanyika kwenye ukumbi wa Kambarage Ofisi ya Hazina jijini Dodoma.

Mkuu wa Kitengo cha Mawasiliano Wizara ya Fedha Bw. Benny Mwaipaja akitoa ratiba ya kikao kazi hicho kabla ya kuanza rasmi.

Mwenyekiti wa Wahariri kutoka Vyombo vya Habari wanaoandika Habari za Wizara ra Fedha Bw. Benny Mwang’onda akitoa shukurani zake mara baada ya Katibu Mkuu Wizara ya Fedha na Mlipaji Mkuu Serikali Bw. Emmanuel Tutuba kufungua Kikao Kazi kati ya Wizara ya Fedha na Wahariri .

Baadhi ya Picha zikionesha Wahariri kutoka Vyombo mbalimbali vya habari wakiwa katika Kikao Kazi hicho kati yake na Wizara ya Fedha na Mipango.

Baadhi ya maofisa Mawasiliano kutoka Taasisi mbalimbali zilizo chini ya Wizara ya Fedha na Mipango wakiwa katika kikaokazi hicho,

Bi Angella Mziray Mkuu wa Kitengo cha Mawasiliano na masoko Mfuko wa Taifa wa Bima ya Afya NHIF kushoto akiwa na maafisa wengine katika kikaokazi hicho.

Katibu Mkuu Wizara ya Fedha na Mlipaji Mkuu Serikali Bw. Emmanuel Tutuba wa pili kutoka kulia na Kamishna Idara ya Maendeleo ya Sekta ya Fedha Dkt. Charles Mwamwaja wakimsikiliza Mkuu wa Kitengo cha Mawasiliano Wizara ya Fedha Bw. Benny Mwaipaja wakati akitoa ratiba ya kikao kazi hicho kulia ni Mtoa Mada Kamishna Msaidizi Wizara ya Fedha Janeth Hiza na kushoto ni Mtoa mada Kamishna Msaidizi Wizara ya Fedha Dioninsia Mjema kushoto.

Baadhi ya waandishi wakishiriki kikao kazi hicho.

Baadhi ya maofisa wa Taasisi zilizo chini ya Wizara ya Fedha wakiwa katika kikao kazi hicho.

Kutoka kulia ni Suleiman Jongo kutoka Uhuru, Musfafa kutoka Wasafi TV na Dk. Kahyoza kutoka Gazeti la Lajiji.

Mwenyekiti wa Jukwaa la Wahariri TEF Bw. Deodatus Balile na Mkurugenzi wa Gazeti la Jamhuri akichangia mada katika kikao kazi hicho.

Katibu Mkuu Wizara ya Fedha na Mlipaji Mkuu Serikali BKAw. Emmanuel Tutuba na Kamishna Idara ya Maendeleo ya Sekta ya Fedha Wizara ya Fedha Dkt. Charles Mwamwaja wakiwa katika picha ya pamoja na wahariri baada ya kufunguliwa kwa kikao kazi hicho.

Na. John Bukuku,Dodoma

Kutokana na umuhimu wa sekta ya fedha katika kuchangia malengo ya serikali ya kuleta maendeleo na kupunguza umasikini, wizara ya fedha na mipango imeandaa mpango mkuu wa maendeleo ya sekta ya fedha wa mwaka 2020/21- 2029/30.

Akizungumza leo Novemba 1,2021 jijini Dodoma Katibu Mkuu Wizara ya Fedha na Mipango Bw. Emmanuel Tutuba amesema hayo wakati akifungua kikao kazi na wahariri wa vyombo vya habari kwaajili ya kuwajengea uwezo kuhusu masuala ya fedha

“Wizara ya fedha imeandaa maadhimishe ya huduma za fedha kitaifa lengo ikiwa ni kuwapa elimu wananchi juu ya matumizi bora ya fedha ikiwemo usimamizi wake, mambo ya Bima,malipo, kuweka akiba na kadhalika. alisema,” Tutuba

Katika hatua nyingine katibu mkuu wizara ya fedha na mipango, akatumia fursa hiyo kubainisha lengo la serikali katika kutatua changamoto mbalimbali ndani ya jamii

“Wananchi wakipatiwa elimu ya matumizi ya fedha itwasaidia kupata njia bora ya kupambana na maisha na hatimaye watapata njia ya kupambana na umasikini katika maeneo yao”. Alisema Tutuba

Katika kuhakikisha wanafikia malengo yaliyokusudiwa serikali kupitia wizara ya fedha na mipango imeandaa maadhimisho ya wiki ya huduma za fedha kitaifa yatakayofanyika kuanzia tarehe 8 hadi 14 mwezi huu, 2021.