TENZI-Makubwa Yanisibu!

Kaka Dula nieleze, maneno ya kijabali,

Yamenikuta makubwa, siwezi kuyakabili,

Nina mchumba mrembo, mithili ya jini changa,

Limenikaba kooni, pumzi zimenishinda

Vijimambo hodihodi, sikia changu kilio

Nisikilize makini, mwenzio yamenikuta

Mrembo haiishi visa, nasema yamenikuta,

Hili kubwa nasema, siwezi kuvumilia

Mrembo wangu kahaba, nifanye nini aache

Vijimambo hodihodi, sikia changu kilio

Kumwacha nasema siwezi, moyo wangu dhaifu kwake

Pangani nimemaliza, makombe yamenishia

Nimemaliza masomo, makungwi na manyakanga

Kaka Dula nauliza, nifanye nini aache

Vijimambo hodihodi, sikia changu kilio

Kujidhuru siwezi, kumdhuru siwezi

Waswahili wanena, mso hili ana lile

Mapenzi yamenikaba, sina pa kuyapeleka

Kaka Dula nieleze, maneno yaniingie

Vijimambo hodihodi, sikia changu kilio

Namaliza kwa majonzi, machozi hayaniishi

Moyo wangu una donda, mithili ya donda ndugu

Tabibu wangu wa roho, naona anitoa roho

Achuachu ameimba, kupenda limbukeni

Vijambo hodihodi, sikia changu kilio.