KESHO NDIO KESHO YANGA NA SIMBA UGHAIBUNI ZEGE HALILALI LAZIMA AFUNGWE MTU

MH.BALOZI MWANAIDI MAAJAR MGENI RASMI.

NI SIMBA AU YANGA KUCHUKUA KOMBE LA UHURU?

SIMBA,YANGA KUVAA UZI WA VODACOM

MASHABIKI KUVAA NGUO ZA RANGI ZA TIMU ZAO

MTANANGE KUCHEZWA DKK 120

MOHAMMED SAYD KUTOKA EGYPT KUCHEZESHA MPAMBANO

Timu ya Yanga Ughaibuni ilyocheza mechi ya mwisho Columbus,Ohio na kufungwa na wapinzani wao wa jadi May 29,2011 

Timu ya Simba Ughaibuni iliyocheza mechi ya mwisho Columbus,Ohio na kuibanjua Yanga bila huruma kwa bao 5-2

Ule mpambano wa Simba na Yanga Ughaibuni ambao utafanyika Kesho Jumapili October 16,2011 kwenye wanja jipya uliopo 6001 Ager Rd,Hyattsville,Maryland,Nchini Marekani,makocha wa timu zote wakuna vichwa kwani mpaka sasa hivi hakuna Kocha yeyote aliyetangaza kikosi kitakacho shuka dimbani.

 Mashabiki wa Simba Santa(shoto) na Didi ambao walivaa kushabikia Msimbazi September 24,2011 Manassas,Virginia mechi ambayo iliahirishwa kutokana mvua kunyesha.Kocha wa Simba ameomba Mashabiki wote wa Simba kuvaa Rangi ya Msimbazi kuwapa nguvu vijana wao hiyo kesho Jumapili


Kocha wa Simba Jabir Jongo akiongea na Blog ya Jamii kwa Simu amesema hatataja Kikosi kitachoshuka dimbani kesho kwa sababu anataka kuwashutukiza Yanga kama alivyowashutukiza na kikosi kabambe siku ya September 24 Manassas lakini Mungu alikua upande wa Yanga akawasaidia mechi kuahirishwa,Kombe la Uhuru ni letu lazima tuwape kipigo kitakatifu Yanga kama tulivyowafanya mechi ya kwanza May mwaka huu,Columbus,Ohio.

Mashabiki wa Jangwani nao hawakua nyuma kusapoti vijana wao wa Yanga siku ya September 24,2011 Manassas Virginia.

Kocha wa Yanga Yasin Randy amesema Simba wanaongea sana na wanapenda sana kuchomekea lakini mechi ya kesho Jumapili hawatoki,Jana nilikua namfanyia beki wangu Adam Jongo mazoezi maalum Jinsi ya kumkaba mchezaji James winga wa kushoto mwenye kasi  za ajabu huyo ndio mchezaji pekee anayenipasua kichwa Simba na leo navyoongea na wewe niko na beki wangu hapa tunaangalia mkanda wa video na ninampa mbinu mpya beki wangu Adam Jongo Jinsi ya kumkaba mchezaji huyo,tofauti na hapo mechi itakua nzuri sana wachezaji wangu wapo kwenye hali nzuri kimchezo na Ari kubwa ya ushindi.

Richard Kasesela akionyesha zawadi za T-shirt alizokuja nazo watakazopewa wachezaji wa timu itakayoibuka na ushindi hapo Kesho kwenye mechi ya mahasimu hao wa Simba na Yanga.T-shirt hizi alikua azitoe siku ya September 24 lakini bahati mbaya mechi liahirishwa,Balozi wa Tanzania Nchini Marekani Mh.Mwanaidi Maajar atakabidhi T-shirt hizo kwa wachezaji wa timu itakayoibuka kidedea pamoja na lombe la miaka 50 ya Uhuru.

Timu kepteni wa Simba Libe Mwang'ombe hakua na maneno mengi zaidi ya kusema "mechi itakua ngumu lakini Simba kufungwa itakua vigumu sana",na amewaomba mashabiki wa Simba jitokezeni kwa wingi kuwapa nguvu vijana wenu.

Mechi inatarajiwa kuanza saa 10:30 jioni(4:30pm) Mashabiki na wachezaji mnatakiwa kufika saa 10 kamili 

DIRECTION ZA UWANJA NA ANUANI

Heurich Park

6001 Ager Rd,

Hyattsville,MD 20782

Kama unatokea Riggs Rd kwenye East West Hwy,chukua Lane ya kulia inayokupeleka West Hyattsville Metro Station,kata kushoto kwenye Nicholson halafu kata kushoto kwenye barabara ya kwanza utakayokutana nayo kabla ya STOP SIGN na itakupeleka hadi kwenye Park,uwanja umezungushiwa Uzio na una majukwaa

TAFADHALI ZINGATIA MUDA