MASTAA... KUNOGESHA SHOO YA TUDD NDANI YA DAR LIVE

Nasibu Abdul 'Diamond Platnumz' naye atakuwepo.

Na Lucy Mgina
WASANII mbalimbali waliofanya kazi na prodyuza Tudd Thomas wanatarajiwa kufanya shoo ya pamoja kwenye Ukumbi wa Dar Live mnamo Juni 30, mwaka huu.
Tuddy ambaye ametengeneza nyimbo nyingi za mastaa mbalimbali wakiwemo Marlaw, Chegge, Barnaba na nyimbo zote za Kigoma All Stars, ameliambia gazeti hili kuwa ni kweli wapo kwenye maandalizi ya shoo hiyo ambapo itajumuisha wasanii wengi.
“Nimechagua Dar Live kwa kuwa ni ukumbi ambao unaendana na mashabiki wanaopenda zaidi nyimbo zangu, kwa sasa ukumbi huo ndiyo habari ya mjini, baadhi ya wasanii watakaofanya shoo siku hiyo ni Diamond, Mwasiti, Linah, Recho, Barnaba, Marlaw, Banana Zorro, Darasa, Godzillah na wengine wengi, nadhani baada ya muda nitatoa orodha kamili,” alisema Tudd.