Diamond kushangaza watu KORA Awards

Wakati Top 20 za Kora awards zilipoanza wiki ya 10, P-Square ndio walikua wanaongoza top 10 hizo huku Mwanamuziki Zahara kutoka Africa kusini akishika nafasi ya pili na ya tatu kushikiliwa na Amri Diab , muimbaji wa miondoko ya Rock kutoka nchini Misri. Kipindi hiki cha wiki ya 10 Diamond Platnumz, alikua akishikilia nafasi ya 13 huku kukiwa na msanii mwingine kutoka Kenya yaani Redsan ambaye alikua nafasi ya 19. Wiki ya 11 iliwaacha P-square wakipigwa na butwaa baada ya kutupwa nafasi ya 12 huku Zahara akichukua namba moja na Amri diab kutoka misri akishika namba 2.Wiki ya 11 ilishuhudia wanamuziki wawili waliobakia kutoka Afrika mashariki wakiondolewa kwenye Top 20 hii.

Wiki ya 12 ilimrudisha Diamond Platnumz akishika nafasi ya 13  akiwa msanii pekee kutoka Afrika mashariki. Zahara, mwanadada kutoka
Afrika kusini aliyekua akishika namba moja alitupwa namba 8 akiachia namba 1 kwa Amri Diab na namba 2 kwa  Aster Aweke, mwanadada kutoka Ethiopia. Wiki ya 13 Diamond alishika namba 14 na cha kufurahisha ni hatua ya Diamond kukamata namba 3 wiki ya 14 akiacha na Koffi Olomide na ya kwanza kukamatwa na jamaa yuleyule kutoka Misri alieshikilia nafasi hiyo tokea wiki ya 12.

Kwa matokeo haya ya KORA awards ni wazi kwamba Diamond Platnumz ndiye msanii anayekubalika Afrika Mashariki na anaweza kuwashangaza wengi kwa tuzo anazoweza kuzichukua .Mahali tuzo hizi zitakapofanyika haijapagwa bado lakini ni kati ya Benin, Cote d’Ivoire, Ethiopia na South Africa.  Kama wewe ni mpenda muziki una kila sababu ya kum-support Diamond Platnumz na kumuwezesha kuchukua tuzo za Kora kwa mara ya kwanza.

vib