PILAU LA SIMBA DAY LA SABABISHA WACHEZAJI WA SIMBA KUWA MDEBWEDO MBELE YA ZESCO YA ZAMBIA YAKUBARI KIPIGO CHA 3 KWA 0

 Mpenzi wa Yanga na jersey yake akipiga pilau la Simba Day macho makavu baada ya hapa alienda kushuhudia Simba akizamishwa na Zesco goli 3 kwa 0 na kuvuruga furaha zote za Simba Day.

Habari ndiyo hiyo baada ya pilau kwenda uwanjani wakakutana na kipigo

Kikosi cha Zesco ya Zambia, kimetimiza kile walichoahidi kuifunga Simba licha ya kwamba imewapa hoteli nzuri waliyofikia ya Sapphire Court ya jijini Dar es Salaam.

Katika mechi ya Tamasha la Simba Day iliyopigwa leo kwenye UWanja wa Taifa jijini Dar, Zesco ilishinda kwa mabao 3-0.

Hadi mapumziko, wageni hao walikuwa mbele kwa bao moja, lakini wakafunga mawili katika kipindi cha pili likiwemo lile la dakika za nyongeza.

Pamoja na bao hilo, Zesco walionyesha soka la kuvutia zaidi na kusababisha mashabiki wa Yanga kuwazomea mfululizo watani wao waliokuwa wakihaha.

Kocha Zdravko Logarusic, alifanya mabadiliko takribani nane, akiwajaribu wachezaji wake wapya wakiwemo wale washambuliaji watatu kutoka Botswana, Kenya na Gambia.