Misa ya Kiswahili - Kuwaombea Watoto Wetu Mafanikio Shule Sun Sep 28, 2014 1pm - 3pm

Tumsifu Yesu Kristu.
Natumaini kuwa wote kwa uwezo wake Mungu ni wazima kabisa na mnaendelea vyema na majukumu ya maisha. Napenda kuchukua nafasi hii ya pekee kuwashukuruni sana kwa kuja kwenu tarehe 31/8 kujumuika nasi kumuaga ndugu yetu Fr. Shao. Nisingependa kuwa muongo, ila niseme tu ukweli kuwa mlionyesha ushirikiano wa pekee. Ushirikiano na Umoja wenu umebakia kuwa ni gazeti la kusoma na hadithi ya kusimulia kila siku hapa St. Edward. Basi dumisheni huo ushikiano na umoja wenu kila wakati na kila mahali ili hiyo sifa nzuri ya Watanzani ipate kusambaa na kuguza watu wengine.
Mwisho napenda kwa namna ya pekee niwakaribishe wote kabisa katika Ibada yetu ya Misa takatifu itakayofanyika hapa St. Edward- Baltimore tarehe 28 Septemba. Naomba kamati ya Liturujia waangalie kama kuna kitu cha pekee wanachotaka kifanyike katika ibada hiyo kuwa nia ya kuwaombea watoto wetu wanijulishe mapema. Karibuni sana, karibuni kwa ujumla wenu, karibuni WOTE tusali na kuadhimisha misa takatifu pamoja.
Padre Honest Munishi.