AGGREY :MSUVA AENDE ULAYA TU

 Msuva ni mcheza muhimu sana kwenye timu ya Yanga lakini kutokana na viongozi wa timu kuwa wachoyo wa maendeleo ya wachezaji hata siku moja wachezaji awawezi kupata mafanikio ya kuuzwa na kucheza anga za kimataifa. Ngassa yupo wapi? alicheza mpira wa kiwango kikubwa na ndie alikuwa mchezaji ghali kuuzwa kutoka Yanga hadi Azam sasa mpira umekwisha anaoa tu jumamosi na jumapili anaacha hiyo ndiyo  shida ya soka la bongo kuanzia wachezaji hadi viongozi wa timu ni shiiiiiinda.

Na Nassor Gallu wa GPL.

BEKI wa kati wa Azam FC, Aggrey Morris, amemvulia kofia kiungo mshambuliaji wa Yanga, Simon Msuva na kusema kuwa hakabiki kirahisi ni bora atimkie Ulaya.

Beki huyo alimwagia winga huyo sifa hizo baada ya kumalizika mchezo wa Ligi Kuu Bara kati ya timu yake na Yanga ulioisha kwa sare ya mabao 2-2, ambapo Msuva alifunga moja.Mchezo huo ulipomalizika mashabiki wa Yanga walionekana kuikubali timu yao licha ya matokeo hayo kutokana na kiwango kizuri kilichoonyeshwa.

Akizungumza na Championi Jumatano, beki huyo anayecheza ‘kazikazi’ alisema mchezaji aliyempa wakati mgumu katika mchezo huo ni Msuva licha ya uwepo wa mastraika wa kigeni Mliberia, Kpah Sean Sherman pamoja na Mrundi, Amissi Tambwe.

“Mchezaji mzuri ni yule anayejua kukaa katika ‘position’ nzuri, mastraika wa Yanga wamecheza vizuri, hasa yule Mliberia na Tambwe ingawa hawakunipa shida sana.

“Kwangu aliyenisumbua ni Msuva, jamaa anajua sana, yaani akikupita tu basi, kinachotakiwa ni kumalizana naye haraka anapokuwa na mpira. Ninafikiri ana uwezo mkubwa anaweza kucheza soka hata Ulaya akipata nafasi, ni vizuri akitafutiwa nafasi aende huko,” alisema Aggrey.