KOSHA MPYA WA SIMBA ATUA DAR NA KISASI NA YANGA

Kocha mpya wa Simba, Goran Kopunovic.

Na Omary Mdose Wa GPL.

KOCHA mpya wa Simba, Goran Kopunovic anaratajia kutua nchini leo saa 1:30 asubuhi akitokea nchini Hungary tayari kuingia mkataba na klabu hiyo na moja kwa moja kwenda Zanzibar.Kopunovic anatua nchini akiwa na ‘hasira’ au ‘kisasi’ kwa watani wa jadi wa Simba, Yanga kwa kuwa waliwahi ‘kumtema’.

Miaka mitatu iliyopita, Yanga ilifanya mazungumzo na Kopunovic raia wa Serbia ili atue nchini kuinoa. Lakini wakati akiajiandaa kuja nchini, ikaachana naye na kumchukua Ernie Brandts ambaye alikuwa mpinzani wake mkubwa.

Wakati huo Brandts raia wa Uholanzi alikuwa akiinoa APR ya Rwanda iliyobeba ubingwa na Kopunovic akiwa na Polisi Rwanda iliyoshika nafasi ya pili.Chanzo kimeeleza, Kopunovic amekubali kuja nchini, atawasili kwa ‘mwewe’ wa Qatar Airways lakini amesisitiza, anakumbuka Yanga walivyowahi kumfanyia.

“Amesema anaijua Simba, hata wakati fulani alikuwa anakuja kuifundisha Yanga, halafu wakamuacha mwishoni. Ila amesisitiza anapenda soka la Tanzania,” kilieleza chanzo ndani ya Simba.

Kocha aliwahi kucheza na Yanga mechi ya kirafiki akiwa Polisi Rwanda na kupoteza kwa mabao mawili. Anatarajia kusaini mkataba leo au kesho kulingana na makubaliano yake na uongozi wa Msimbazi.Halafu atakwenda kuungana na kikosi cha Simba kinatarajiwa kuondoka leo kwenda Zanzibar kwa ajili ya michuano ya Mapinduzi.