Historia ya bi Samia Suluhu Hassan

Image captionHistoria ya Samia Suluhu Hassan wa CCM

Ushindi wa John Pombe Magufuli wa CCM umetoa fursa kwa bi Samia Suluhu Hassani kuhudumia taifa hilo la Afrika Mashariki kama mwanamke wa kwanza kuwa makamu wa rais wa Tanzania.

Lakini bi Samia ni nani?

Tangu kongamano la Chama tawala nchini Tanzania CCM kumteua Daktari John Pombe Magufuli Joseph kuwa mshika bendera wa CCM , Chama hicho kiliweka historia pia kwa kumteua bi Samia Suluhu Hassan kuwa mgombea mwenza.

Tangu Dodoma Bi Samia aliwekwa kwenye ramani ya wanasiasa wanawake waliobobea barani Afrika.

Lakini bi Samia Suluhu Hassanni Nani ?

Bi Samia Suluhu ana umri wa miaka 54.

Kwa wale wanaomjua bi Samia wanasema kuwa ni mchache wa maneno.

Asili yake ni Kisiwani Zanzibar.

Bi Samia Suluhu Hassan amewahi kushikilia nyadhifa za uwaziri katika serikali ya Muungano wa Tanzania .

Aidha bi Samia pia amewahi kutumikia serikali ya kisiwani Zanzibar wakati huo akihudumu kama waziri katika afisi ya makamu wa rais.

Ni mwanamke wa Kwanza kuwa Mgombea MwenzaImage captionBi Samia atakuwa naibu wa John Pombe Magufuli rais wa Jamhuri ya Tanzania

Tangazo hilo la kumtaja kama mgombea mwenza wa rais mteule wa tano wa jamhuri ya Muungano ya Tanzania sasa limezaa matunda na kumweka bi Samia katika mstari wa mbele barani Afrika kama naibu rais wa jamhuri ya Tanzania.

Kama ilivyoyokuwa huko Dodoma katika Kongamano la chama CCM pia imeingia katika daftari la vyama vilivyowapa wanawake sauti katika serikali yake katika karne hii ya 21.

Bi Samia alikamilisha masomo ya shule ya upili mwaka wa 1976 .

Masomo

Aliajiriwa kama mchapishaji katika wizara ya mipango na maendeleo ya nchi, kazi ambayo aliifanya huku akiendelea na masomo yake hadi alipohitimu katika chuo kikuu cha Manchester Uingereza.

Bi Samia anasema kuwa njia yake ya ufanisi haijakuwa rahisi kama inavyodhaniwa la.

''Safari yangu katika siasa imekuwa njia ndefu na yenye tija.''

Kimsingi ufanisi wangu katika siasa za Tanzania umetokana na uweledi na umakini katika kila jambo ninalolifanya.''

''Sio rahisi kuwajibikia familia yako wakati huohuo ukiendelea na maisha ya siasa elimu na majukumu mengine ya kikazi'' alisema bi Samia.

Familia

Aliolewa mwaka wa 1978, kwa bwana Hafidh Ameir, ambaye wakati huo alikuwa afisa wa Kilimo .

Walijaliwa watoto wanne.

Mmoja kati ya wanawe ni Wanu Hafidh Ameir (1982), ni mwakilishi maalum katika bunge la ZanzibarBi Samia Suluhu Hassan na rais Mteule John Magufuli

Siasa

Alijiunga na siasa mwaka wa 2000.

Wakati huo alijiunga na bunge la wawakilishi la Zanzibar kama mjumbe maalum.

Haikuchukua muda nyota yake ikaanza kung'aa na akateuliwa kuwa waziri na rais Amani Karume.

Alitumikia taifa hadi mwaka wa 2005 alipochaguliwa tena na kuteuliwa upya kama waziri.

Mwaka wa 2010 alichaguliwa kuwa mwakilishi wa jimbo la Makunduchi.

Punde tu akateuliwa na rais Jakaya Kikwete kuwa waziri wa maswala ya muungano.

Wadhfa aliohudumu hadi
  RAIS MTEULE Dr John Pombe Magufuli alipomtangaza kuwa mgombea mwenza.