PONGEZI KUTOKA CHAMA CHA MAPINDUZI- TAWI LA CALIFORNIA

CCM- Tawi la California- Tunapenda kukipongeza chama chetu kupitia Mwenyekiti  Mh Jakaya Mrisho Kikwete kwa kupata ushindi mkubwa wa kiti cha Urais ambapo mgombea wetu Mh. Dr John Pombe Magufuli na mgombea mwenza Mh. Samia Suluhu wameibuka na ushindi mzito.

Kuzingatia na ushindani mkubwa uliokuwepo na changamoto nyingi uchaguzi huu ulikuwa mgumu. Lakini sera nzuri za chama chetu zilizopelekwa kwa wananchi na wagombea wetu zimewezesha wananchi kuendelea kutuamini na kutupa tena kijiti cha kuliongoza taifa letu.

Tunawapongeza Rais Mteule Dr John Pombe Magufuli na Makamu wa Rais mteule Mama Samia Suluhu. Tuna matumaini mengi na shauku kubwa kushirikiana nanyi bega kwa bega kuchapa kazi pamoja ya kuliendeleza taifa letu kwani HAPA NI KAZI TU.

Vile vile tunawapongeza wabunge wote na madiwani wote walichaguliwa kupitia ccm. Tunawawatikia ushirikiano mwema na wale waliotoka vyama upinzani katika kuendeleza taifa letu kupitia majimbo yetu.

Tunaipongeza pia kamati nzima ya kampein za uchaguzi-ccm kwa kazi nzuri ya umakini mkubwa na kuzunguka nchi nzima kuhakikisha tunapata ushindi.

KIDUMU CHAMA CHA MAPINDUZI

Erick Byorwango

Katibu wa Tawi