SALAMU ZA BIRTHDAY YA VIJIMAMBO KUTOKA NORTH CAROLINA

Nakumbuka kama leo Vijimambo ilipoanza. Leo ni moja katika vyombo vikuu vichache vya Habari tunavyovitegemea. Chombo ambacho kimeweza kumuwakilisha kila mtu, na kila watu kwa mapana na marefu. Kila jamii, jumla na jamala imeweza kuwakilishwa na Vijimambo. Sio Kirisimasi, Eid, Ukawa, wamachinga,wachaga, waliokosa nafasi katika chombo hiki.

Jamii ya Watanzania, na hata Serikali yetu kwa fursa kubwa imeweza kuwakilishwa na Vijimambo, kuanzia katika kuitangaza Tanzania katika ulimwengu wa watalii, hata katika kuihabarisha jamii juu ya hatua mbalimbali za serikali yetu.

Chombo hiki kilianzia kuwa cha Lucas, na kuishia kuwa cha Watanzania.

Hakika haya ni mafanikio makubwa sana kaka Lucas. Napenda kukupongeza kwa kazi kubwa uliyo, na unayo endelea kuifanya kwa moyo mmoja, na kwa mapenzi ya hali ya juu sana.

Mafanikio ya chombo hiki, yanazidi kudhihirisha kuwa wewe ni mtu wa aina gani.

Mungu aendelee kuilinda vijimambo, na baba wa vijimambo.

Kila siku ya leo, tunapata fursa ya kukumbuka tulipotoka, kwa kupitia chombo hiki.

HAPPY BIRTHDAY VIJIMAMBO

Nassoro Basalama